2005-08-25 10:36:02藍淑貞
長榮之聲【台語觸喙鼓】18
FM88.3 STAR RADIO長榮之聲18【台語觸喙鼓】
主持人：陳淑蓉小姐、紅樹林台語推展協會會長藍淑貞老師。
播出時間：逐禮拜拜五下埔6點到7點
播出內容：刊佇明日報個人新聞台紅樹林台語推展協會網站。
播出方氏：分四個單元：
一、拍喙鼓：
「蓬萊海上一仙島，山青水秀人呵咾，卜食卜穿免驚無，愛唱山歌來相褒」各位聽眾朋友逐家好！今仔日又閣是咱「台語觸喙鼓」的時間，歡迎各位聽眾朋友做伙來聽台語、學台語、講台語，了解台灣事，台灣心，台灣情，予滯佇台灣的各族群，予咱的母語文化會當永永遠遠一直生湠落去。
即幾年，我咧寫「新台灣三字經」，修修改改也得卜三年矣。最近，寫著以前發生佇恆春東海岸八瑤灣（今滿洲鄉）附近的牡丹社事件，我的心會疼。因為滿清的無能，台灣人才著受人欺負。日本自明治維新，開始向外擴大勢力，就一直犭肖想台灣即塊肥肉。所以趁琉球漁民發生船難，予原住民殺害的代誌，派兵來攻打台灣，佇即碼屏東縣車城南爿的社寮登陸，扑敗原住民，佔領牡丹社。清政府派福建船政大使沈葆楨欽差大臣全權處理，除賠款以外，閣承認日本出兵台灣是一項「保民義舉」。琉球原本共屬日滿兩國的藩屬，即項承認，等於承認琉球是日本的屬地。日本人經過牡丹社事件後，將琉球改名做沖繩縣。日本國做代誌一向掩掩iap4 iap4閣壓霸，卜離開的時，雖然狂赴赴，嘛閣佇石門（屏東）附近，立一個政治墓牌，頂面寫「大日本琉球藩民54名墓」，確定琉球是日本的。
即件代誌，即幾年閣佇釣魚台重演。釣魚台自古早古早就屬台灣的。台灣的漁民，自古早古早就佇釣魚台海域掠魚，自從美國將琉球撥予日本，日本擴大經濟海域，將歸個台灣海域劃入去伊的經濟海域內底，咱的漁民就不時予日本人欺負。會記李登輝做總統的時，釣魚台發生糾紛，有人坐船卜登陸抗議，予日本派兵阻擋，咱的政府無聲無說；後來日本人偷偷仔登陸起燈塔，咱的政府猶是無話無句。李登輝落台了後，佇舊年，閣講一句「驚天動地」的話，講釣魚台是日本的，我相信逐家聽著的人攏猶會記得，做過總統的人講即款話，等於放棄釣魚台，切斷漁民的生路。
佇台灣，真濟人犭肖想倚靠日本、美國來保護台灣，莫戇矣！掀開歷史，別國底時會靠得，若是為著家己的利益，隨著會出賣台灣。台灣人若無放棄成見，團結合作，一心團結，台灣的前途實在予人真煩惱。
二、今旦日介紹的姓是
1.「昨昏」我看著一個電視主播名叫「婁純瓏」，「婁」華語讀做「ㄌㄩˇ」台語愛讀作「loo5」。
2.台南市前市長「辛文炳」的「辛」，讀作「sin1」。
3.前海基會辜振府甫的koo1佮前檢察長翟宗泉的tik8。
三、台灣諺語、俗語：
1. 「生歸清，死歸明」：
早期來台灣的移民，大多數是綴（跟）鄭成功來的，反清復明的觀念真深，一直到清朝統治，猶深釘佇民心。 的觀念是：在生穿清朝的衫，死了入殮的時，就改穿明朝衣入殮，卜做明朝鬼，不做清朝鬼。
其實，拍開歷史，看明朝歷代的皇帝，無一個有能力的，所以明朝的內亂上嚴重，宦官把政，人民的生活真艱苦。顛倒前幾代的清朝官，真認真咧治理國政， 予人民過一段安定的生活。
閣有一句「生不看滿清朝天，死不踏滿清朝地」：佇台灣，結婚的時，新娘上轎、落轎，攏愛用一個米篩遮天，這就是「生不看滿清朝天」；喪禮的時，替往生者穿衫，先請「長子」徛佇椅頭仔頂「套衫」，一領一領套乎好，才歸個予往生者穿落，這就是「死不踏滿清朝地」。即種「生歸清，死歸明」的觀念雖然深深種佇台灣人的心內，不過，真奇怪，台灣人對族群的觀念真散，無像廣東人赫爾團結。
講廣東話的族群真歹去將伊拍散，汝看！佇香港，一定愛入境隨俗，汝若 曉廣東話，會「予人」另眼相看，雖然予英國統治卜歸百年，英語講了 ，伊的廣東話也無來消失去。無像咱台灣，予日本統五十年，台灣話漸漸咧消失，閣加上國民政府五十年，少年一輩攏完全失去講母語的能力矣。
四、台灣歌詩、歌謠：
今仔日，我叫一個我才藝班的囡仔來說唱一段單口答喙鼓「講台灣、唸台灣、愛台灣」。（見藍淑貞台語說唱藝術）
功夫若卜會佇咱本地
學問若卜好 佇（ti7）咱本島
各位評審先生、各位來賓逐家好
小妹我名叫 × × ×
來自頂港有名聲 下港上出名的台南府城
年歲猶真少 功夫有卡薄 學問猶無夠好
今仔日 敢佇老師面前舞關刀
心肝頭實在真煩惱
若是講了好 請恁共（ka7）阮呵咾
若是講了有差錯 請恁多多指導
﹡ ﹡ ﹡ ﹡ ﹡
阿母有共阮問
講阮跤踏台灣地
頭戴台灣天
喙食的是台灣的米
目睭所看的是台灣的物
曉講阿母的話是為啥乜
其實阮嘛知影
台灣有夠嫷（sui2）
伊是阮的天
只是予人欺
即碼我就來講一段予恁知機
﹡ ﹡ ﹡ ﹡ ﹡
自古早
台灣那親像前人囝（kiann2）
予人當做查仔喝（huah4）
講啥乜台灣鳥不語 花不香
講啥乜台灣男無情 女無義
講啥乜咱是海賊的囝孫
講咱台灣無文化
講咱的台灣話粗魯無好聽
﹡ ﹡ ﹡ ﹡ ﹡
著來禁止咱講台灣話
講一句 罰一箍
講一聲 狗牌上身心疼痛
叫咱著捲舌閣尖喙
四千年的中國歷史聽甲霧煞煞
干礁（那）不知台灣的歷史是按怎
長江 黃河捌透透
不知台灣上長的溪水是佗一條
﹡ ﹡ ﹡ ﹡ ﹡
講著台灣的文化
釘根民間有柢蒂（te2 ti3）
包汝聽甲醉醉醉
勸世調 有意義
叫汝做人著愛捌道理
阿若講著囡仔歌是誠紲（sua3）喙
培養囝孫文學的好根基
大頭仔 大lui1 lui1
蠓仔釘鵁隹
鵁隹噗噗跳
大頭仔死翹翹
阿汝喙唇一粒珠
講話不認輸
舉竹篙 摃金龜
金龜一下飛
大頭仔放風吹
風吹一下沖(ching3)
大頭仔漏屎症
風吹斷了線
大頭仔家賄去一半啊去一半
阿若七字仔褒歌嘛誠趣味
男有情 女有義
相褒相觸（tak4）攏是好情意
（唱褒歌或是唸囡仔歌，看表演者的角色調整）
﹡ ﹡ ﹡ ﹡ ﹡
講著台灣的歷史
至少至少嘛有一萬年
原住民 先開基
因為無留文字予人欺
文化漸漸來失去
漢人拚過烏水溝
祖先開發即個好地理
留予囝孫富貴萬萬年
勸咱後代愛珍惜
毋通祭汰（ce3 thuah4）烏白廢（hui3）
「勤儉」二字汝著愛會記
﹡ ﹡ ﹡ ﹡ ﹡
若講著台灣的好地理
紅毛仔是呵咾甲觸舌
對高山 到海邊
樹木青翠花草嫷
田嬰尾蝶颺颺（iann7）飛（hui1）
火金姑 來相隨
深山內底熊豹佮山豬
魚蝦龜鱉是滿溪水
百姓是樂暢（thiong3）閣歡喜
﹡ ﹡ ﹡ ﹡ ﹡
可憐的台灣人啊
四百年後的即時
美麗島嶼（su7）已經掠無魚
蚵仔中毒閣發青
島民呼吸烏臭的空氣
食農藥菜
睏糞埽（pun3 so3）邊
高山禿頭尾蝶宓（bih4）
國土陷落海岸攲（khi1）
遇到小雨著做大水
百姓是憂愁目屎滴
﹡ ﹡ ﹡ ﹡ ﹡
台灣社會的現時
股票猶原沯沯（chiang3）滾
逐家攏想卜大趁錢
大樓是一間一間閣（koh4）再起
山坪（phiann5）是一山一山閣再開
山珍海味是食 離
一個一個食甲肥肥肥
只是心內真空虛
不知家己的母語佇佗位
（台灣社會的現時
時機雖然不著時
逐家猶想卜大趁錢
樂透彩是開 離
五萬十萬掖落去
犭肖想會當中著一億二
無想咱的母語佇佗位）
阿孫的問阿媽
汝是咧講啥乜（siann2 mih2）
阿媽頭氐頁 氐頁（chih4）心稀微
夭 夭 夭--夭壽囡仔，汝哪會安爾生？
﹡ ﹡ ﹡ ﹡ ﹡
唉！
各位姊妹佮兄弟
若卜台灣好徛（khia7）起
環保工課愛注意
鄉土文化愛覺醒
汝若愛台灣
勿閣顧家己
緊來搶救咱的母語
若無
一代一代傳落去
將來就不知家己是啥乜
汝若愛囝孫
勿閣顧趁錢
菜虫食菜是會菜跤死
人講：趁錢有數
性命嘛愛顧
顧前無顧後
代代囝孫著吼 離啊 吼 離！
我今仔日講到遮，祝逐家身體健康食百二，事事項項皆如意。
○○○落台一鞠躬。
2000.4.10.修改
本文88年度佇台南市各國中小做「台語之美」巡迴表演
89年由海東國小四年級黃湘婷代表台南市參加全國鄉土語文競賽得著第二名
主持人：陳淑蓉小姐、紅樹林台語推展協會會長藍淑貞老師。
播出時間：逐禮拜拜五下埔6點到7點
播出內容：刊佇明日報個人新聞台紅樹林台語推展協會網站。
播出方氏：分四個單元：
一、拍喙鼓：
「蓬萊海上一仙島，山青水秀人呵咾，卜食卜穿免驚無，愛唱山歌來相褒」各位聽眾朋友逐家好！今仔日又閣是咱「台語觸喙鼓」的時間，歡迎各位聽眾朋友做伙來聽台語、學台語、講台語，了解台灣事，台灣心，台灣情，予滯佇台灣的各族群，予咱的母語文化會當永永遠遠一直生湠落去。
即幾年，我咧寫「新台灣三字經」，修修改改也得卜三年矣。最近，寫著以前發生佇恆春東海岸八瑤灣（今滿洲鄉）附近的牡丹社事件，我的心會疼。因為滿清的無能，台灣人才著受人欺負。日本自明治維新，開始向外擴大勢力，就一直犭肖想台灣即塊肥肉。所以趁琉球漁民發生船難，予原住民殺害的代誌，派兵來攻打台灣，佇即碼屏東縣車城南爿的社寮登陸，扑敗原住民，佔領牡丹社。清政府派福建船政大使沈葆楨欽差大臣全權處理，除賠款以外，閣承認日本出兵台灣是一項「保民義舉」。琉球原本共屬日滿兩國的藩屬，即項承認，等於承認琉球是日本的屬地。日本人經過牡丹社事件後，將琉球改名做沖繩縣。日本國做代誌一向掩掩iap4 iap4閣壓霸，卜離開的時，雖然狂赴赴，嘛閣佇石門（屏東）附近，立一個政治墓牌，頂面寫「大日本琉球藩民54名墓」，確定琉球是日本的。
即件代誌，即幾年閣佇釣魚台重演。釣魚台自古早古早就屬台灣的。台灣的漁民，自古早古早就佇釣魚台海域掠魚，自從美國將琉球撥予日本，日本擴大經濟海域，將歸個台灣海域劃入去伊的經濟海域內底，咱的漁民就不時予日本人欺負。會記李登輝做總統的時，釣魚台發生糾紛，有人坐船卜登陸抗議，予日本派兵阻擋，咱的政府無聲無說；後來日本人偷偷仔登陸起燈塔，咱的政府猶是無話無句。李登輝落台了後，佇舊年，閣講一句「驚天動地」的話，講釣魚台是日本的，我相信逐家聽著的人攏猶會記得，做過總統的人講即款話，等於放棄釣魚台，切斷漁民的生路。
佇台灣，真濟人犭肖想倚靠日本、美國來保護台灣，莫戇矣！掀開歷史，別國底時會靠得，若是為著家己的利益，隨著會出賣台灣。台灣人若無放棄成見，團結合作，一心團結，台灣的前途實在予人真煩惱。
二、今旦日介紹的姓是
1.「昨昏」我看著一個電視主播名叫「婁純瓏」，「婁」華語讀做「ㄌㄩˇ」台語愛讀作「loo5」。
2.台南市前市長「辛文炳」的「辛」，讀作「sin1」。
3.前海基會辜振府甫的koo1佮前檢察長翟宗泉的tik8。
三、台灣諺語、俗語：
1. 「生歸清，死歸明」：
早期來台灣的移民，大多數是綴（跟）鄭成功來的，反清復明的觀念真深，一直到清朝統治，猶深釘佇民心。 的觀念是：在生穿清朝的衫，死了入殮的時，就改穿明朝衣入殮，卜做明朝鬼，不做清朝鬼。
其實，拍開歷史，看明朝歷代的皇帝，無一個有能力的，所以明朝的內亂上嚴重，宦官把政，人民的生活真艱苦。顛倒前幾代的清朝官，真認真咧治理國政， 予人民過一段安定的生活。
閣有一句「生不看滿清朝天，死不踏滿清朝地」：佇台灣，結婚的時，新娘上轎、落轎，攏愛用一個米篩遮天，這就是「生不看滿清朝天」；喪禮的時，替往生者穿衫，先請「長子」徛佇椅頭仔頂「套衫」，一領一領套乎好，才歸個予往生者穿落，這就是「死不踏滿清朝地」。即種「生歸清，死歸明」的觀念雖然深深種佇台灣人的心內，不過，真奇怪，台灣人對族群的觀念真散，無像廣東人赫爾團結。
講廣東話的族群真歹去將伊拍散，汝看！佇香港，一定愛入境隨俗，汝若 曉廣東話，會「予人」另眼相看，雖然予英國統治卜歸百年，英語講了 ，伊的廣東話也無來消失去。無像咱台灣，予日本統五十年，台灣話漸漸咧消失，閣加上國民政府五十年，少年一輩攏完全失去講母語的能力矣。
四、台灣歌詩、歌謠：
今仔日，我叫一個我才藝班的囡仔來說唱一段單口答喙鼓「講台灣、唸台灣、愛台灣」。（見藍淑貞台語說唱藝術）
功夫若卜會佇咱本地
學問若卜好 佇（ti7）咱本島
各位評審先生、各位來賓逐家好
小妹我名叫 × × ×
來自頂港有名聲 下港上出名的台南府城
年歲猶真少 功夫有卡薄 學問猶無夠好
今仔日 敢佇老師面前舞關刀
心肝頭實在真煩惱
若是講了好 請恁共（ka7）阮呵咾
若是講了有差錯 請恁多多指導
﹡ ﹡ ﹡ ﹡ ﹡
阿母有共阮問
講阮跤踏台灣地
頭戴台灣天
喙食的是台灣的米
目睭所看的是台灣的物
曉講阿母的話是為啥乜
其實阮嘛知影
台灣有夠嫷（sui2）
伊是阮的天
只是予人欺
即碼我就來講一段予恁知機
﹡ ﹡ ﹡ ﹡ ﹡
自古早
台灣那親像前人囝（kiann2）
予人當做查仔喝（huah4）
講啥乜台灣鳥不語 花不香
講啥乜台灣男無情 女無義
講啥乜咱是海賊的囝孫
講咱台灣無文化
講咱的台灣話粗魯無好聽
﹡ ﹡ ﹡ ﹡ ﹡
著來禁止咱講台灣話
講一句 罰一箍
講一聲 狗牌上身心疼痛
叫咱著捲舌閣尖喙
四千年的中國歷史聽甲霧煞煞
干礁（那）不知台灣的歷史是按怎
長江 黃河捌透透
不知台灣上長的溪水是佗一條
﹡ ﹡ ﹡ ﹡ ﹡
講著台灣的文化
釘根民間有柢蒂（te2 ti3）
包汝聽甲醉醉醉
勸世調 有意義
叫汝做人著愛捌道理
阿若講著囡仔歌是誠紲（sua3）喙
培養囝孫文學的好根基
大頭仔 大lui1 lui1
蠓仔釘鵁隹
鵁隹噗噗跳
大頭仔死翹翹
阿汝喙唇一粒珠
講話不認輸
舉竹篙 摃金龜
金龜一下飛
大頭仔放風吹
風吹一下沖(ching3)
大頭仔漏屎症
風吹斷了線
大頭仔家賄去一半啊去一半
阿若七字仔褒歌嘛誠趣味
男有情 女有義
相褒相觸（tak4）攏是好情意
（唱褒歌或是唸囡仔歌，看表演者的角色調整）
﹡ ﹡ ﹡ ﹡ ﹡
講著台灣的歷史
至少至少嘛有一萬年
原住民 先開基
因為無留文字予人欺
文化漸漸來失去
漢人拚過烏水溝
祖先開發即個好地理
留予囝孫富貴萬萬年
勸咱後代愛珍惜
毋通祭汰（ce3 thuah4）烏白廢（hui3）
「勤儉」二字汝著愛會記
﹡ ﹡ ﹡ ﹡ ﹡
若講著台灣的好地理
紅毛仔是呵咾甲觸舌
對高山 到海邊
樹木青翠花草嫷
田嬰尾蝶颺颺（iann7）飛（hui1）
火金姑 來相隨
深山內底熊豹佮山豬
魚蝦龜鱉是滿溪水
百姓是樂暢（thiong3）閣歡喜
﹡ ﹡ ﹡ ﹡ ﹡
可憐的台灣人啊
四百年後的即時
美麗島嶼（su7）已經掠無魚
蚵仔中毒閣發青
島民呼吸烏臭的空氣
食農藥菜
睏糞埽（pun3 so3）邊
高山禿頭尾蝶宓（bih4）
國土陷落海岸攲（khi1）
遇到小雨著做大水
百姓是憂愁目屎滴
﹡ ﹡ ﹡ ﹡ ﹡
台灣社會的現時
股票猶原沯沯（chiang3）滾
逐家攏想卜大趁錢
大樓是一間一間閣（koh4）再起
山坪（phiann5）是一山一山閣再開
山珍海味是食 離
一個一個食甲肥肥肥
只是心內真空虛
不知家己的母語佇佗位
（台灣社會的現時
時機雖然不著時
逐家猶想卜大趁錢
樂透彩是開 離
五萬十萬掖落去
犭肖想會當中著一億二
無想咱的母語佇佗位）
阿孫的問阿媽
汝是咧講啥乜（siann2 mih2）
阿媽頭氐頁 氐頁（chih4）心稀微
夭 夭 夭--夭壽囡仔，汝哪會安爾生？
﹡ ﹡ ﹡ ﹡ ﹡
唉！
各位姊妹佮兄弟
若卜台灣好徛（khia7）起
環保工課愛注意
鄉土文化愛覺醒
汝若愛台灣
勿閣顧家己
緊來搶救咱的母語
若無
一代一代傳落去
將來就不知家己是啥乜
汝若愛囝孫
勿閣顧趁錢
菜虫食菜是會菜跤死
人講：趁錢有數
性命嘛愛顧
顧前無顧後
代代囝孫著吼 離啊 吼 離！
我今仔日講到遮，祝逐家身體健康食百二，事事項項皆如意。
○○○落台一鞠躬。
2000.4.10.修改
本文88年度佇台南市各國中小做「台語之美」巡迴表演
89年由海東國小四年級黃湘婷代表台南市參加全國鄉土語文競賽得著第二名