2005-08-06 16:54:37藍淑貞
長榮之聲【台語觸喙鼓】１７
FM88.3 STAR RADIO長榮之聲【台語觸喙鼓】１７
主持人：陳淑蓉小姐、紅樹林台語推展協會會長藍淑貞老師。
播出時間：逐禮拜拜五下埔6點到7點
播出內容：刊佇明日報個人新聞台紅樹林台語推展協會網站。
播出方氏：分四個單元：
一、拍喙鼓：
「蓬萊海上一仙島，山青水秀人呵咾，卜食卜穿免驚無，愛唱山歌來相褒。」各位聽眾朋友逐家好！今仔日又閣是咱「台語觸喙鼓」的時間，歡迎各位聽眾朋友做伙來聽台語、學台語、講台語，了解台灣事，台灣心，台灣情，予滯佇台灣的各族群，予咱的母語文化會當永永遠遠一直生湠落去。
頂擺捌講著台灣的治安，其實治安佮價值觀有真大的關係。價值觀佮政治的不安嘛有真大的牽連。政治的不安，造成人民的淺見，看近無看遠，今朝有酒今朝醉，台灣俗語講：「第一食，第二穿，第三看光景，第四食伸才來還。」現代人笑窮無笑娼，「名利」排頭前，「廉恥」囥後面。以前的人，因為散赤，才會墜落胭花，現代人，為著享受、為著名牌，啥乜 見笑的代誌攏做會出。無辦法的，出賣本錢，甚至去偷、去搶、去騙。汝看，檳榔妹為著卜趁錢，甘願裼身裸體，買一包，送兩粒；援交妹、牛郎，有錢趁就好，一領100元原味的內褲，會當佇路裡賣甲千幾元。有辦法的，詐欺、挖錢、貪污；得意的，花天酒地，無得意的，不是自殺就是得著「憂鬱症」，這到底是啥乜款的社會？
無偌久以前，有一條可能 引起真濟人注意的大新聞，我講 引起真濟人注意，是講即款代誌佇即碼的社會，不時都咧發生，已經無算啥！講是大新聞，是因為即件代誌，報紙確實報甲真大篇，電視也有人摕出來討論。
代誌是安爾：彰化縣鹿谷鎮有一個叫做「溫錦龍」的爸爸，佇初五的下晡，伊九歲（後面寫八歲）的大漢後生佮兩個八歲（後面寫七歲）的雙生查某囝，跳水自盡。
溫錦龍咧做兵的時，除了頭佮面以外，歸身軀攏予火燒傷，後來以榮民的身份退休，每個月領一萬外元的退休金，生活真歹過。聽講是因為佇軍隊受人欺負，所以原本開朗的個性煞變甲真自卑，不但家己無愛佮人來往，嘛無愛予伊的囝出去見人。
即種代誌，學校的老師早就發現，社會局也知影，是按怎無法度來預防悲劇的發生？是啥乜款的社會，會予迹濟人想卜自殺？是啥乜款的社會制度會予絕望的老父 三個囡仔自殺？
咱的社會福利不是無錢，一年有兩千五百億到三百億的預算（聯合報），不過，政策的錯誤，是造成社會福利的失調，為著選舉，各縣市攏拼命咧開支票，啥乜老人年金、農民年金，無論有錢、無錢，逐家攏有。一年五百億？的臨時就業金，有的摕去，無夠還繳賬，有的摕錢不做工課。社會福利，不是平均分配，應該用佇上需要的人身上。
二、今旦日介紹的姓是
1.前海基會會長辜振府的koo1。
2.前檢察長翟宗泉的tik8。
3.死張活廖的故事
三、台灣諺語、俗語：
1、灣裡杜，白砂崙蘇，鯤鯓陳，喜樹蔡。
（說明台南靠海地區姓氏的分布情形）
「灣裡」位佇台南市上南爿，屬古台江內海之一，經過百年來地形的變化，慢慢形成聚落，叫做「灣裡」，居民以姓杜為主。喜樹屬台南市，鯤鯓是卡早的地名，包括即碼的龍崗里佮青泉里，攏是靠海的漁村；白砂崙屬高雄縣，佮灣裡隔一條二仁溪。佇灣裡，姓杜的上濟；白砂崙姓蘇的上濟，鯤鯓姓陳的上濟，喜樹仔姓蔡的上濟，所以流傳即個諺語。
高雄諺語：「白砂崙蘇，頂茄萣吳，下茄萣薛，崎漏邱。」說明茄萣姓氏的分布。
2、草地庸，府城戇。
草地就是庄跤，以前，草地人因為散赤，卡無受啥乜教育，所以講話卡土直，
｛勿會｝ 曉穿插，鄉土味真重，所以講「草地庸」；不過府城人嘛無啥乜了不起，雖然有讀寡仔冊，捌真濟智識，不過，五穀不分，番麥看做是高粱；芋仔看做是番薯；塗豆生佇樹尾頂，笑死人，有夠戇！
四、台灣歌詩、歌謠：
一般來講，90年代有真濟歌，唱歌親像咧唸歌，歌詞閣唸 清楚，不是阮即個年紀會當接受的，不過當林強即條「向前行」的時，引起我真大的注意，不但歌詞有意義，旋律嘛真好聽。
火車漸漸咧起行，再會，我的故鄉佮親情。親愛的父母再會吧，鬥陣的朋友告辭啦。阮卜來去台北拍拼，聽人講啥乜好空的攏佇遐。朋友笑我是愛作夢的戇囝，不管如何，路是家己行。OH！再會吧，OH！啥乜攏不驚，OH！再會吧，OH！向前行。
車站一站一站過去啦！風景一幕一幕親像電影，共家己當做男主角來搬，雲遊四海，好比是「小飛俠」，不管是幼稚抑是樂觀，後果若按怎，家己來擔。趁我猶少年，趕緊來拍拼。OH！再會吧，OH！啥乜攏不驚，OH！再會吧，OH！向前行。
歌辭一再唱「再會吧，啥乜攏不驚，再會吧，向前行。」予我感受著少年人的活力佮希望。老實講，台灣歌無論早前抑是現代，大部份攏是無希望的戀愛歌，聽起來真悲慘，「心酸酸」「河邊春夢」「酒後的心聲」「買醉」攏是即類，聽了滿腹心酸，感覺真鬱足。其實咱的生活不是悲歌爾，有真濟代誌需要咱去拍拼，真濟不如意的代誌，愛放下，閣再繼續向前行。
尤其現此時的台灣，面對現實的國際局勢，逐家應該愛放棄成見，手牽手，鬥陣拍拼向前行，予少年人有一個希望！
主持人：陳淑蓉小姐、紅樹林台語推展協會會長藍淑貞老師。
播出時間：逐禮拜拜五下埔6點到7點
播出內容：刊佇明日報個人新聞台紅樹林台語推展協會網站。
播出方氏：分四個單元：
一、拍喙鼓：
「蓬萊海上一仙島，山青水秀人呵咾，卜食卜穿免驚無，愛唱山歌來相褒。」各位聽眾朋友逐家好！今仔日又閣是咱「台語觸喙鼓」的時間，歡迎各位聽眾朋友做伙來聽台語、學台語、講台語，了解台灣事，台灣心，台灣情，予滯佇台灣的各族群，予咱的母語文化會當永永遠遠一直生湠落去。
頂擺捌講著台灣的治安，其實治安佮價值觀有真大的關係。價值觀佮政治的不安嘛有真大的牽連。政治的不安，造成人民的淺見，看近無看遠，今朝有酒今朝醉，台灣俗語講：「第一食，第二穿，第三看光景，第四食伸才來還。」現代人笑窮無笑娼，「名利」排頭前，「廉恥」囥後面。以前的人，因為散赤，才會墜落胭花，現代人，為著享受、為著名牌，啥乜 見笑的代誌攏做會出。無辦法的，出賣本錢，甚至去偷、去搶、去騙。汝看，檳榔妹為著卜趁錢，甘願裼身裸體，買一包，送兩粒；援交妹、牛郎，有錢趁就好，一領100元原味的內褲，會當佇路裡賣甲千幾元。有辦法的，詐欺、挖錢、貪污；得意的，花天酒地，無得意的，不是自殺就是得著「憂鬱症」，這到底是啥乜款的社會？
無偌久以前，有一條可能 引起真濟人注意的大新聞，我講 引起真濟人注意，是講即款代誌佇即碼的社會，不時都咧發生，已經無算啥！講是大新聞，是因為即件代誌，報紙確實報甲真大篇，電視也有人摕出來討論。
代誌是安爾：彰化縣鹿谷鎮有一個叫做「溫錦龍」的爸爸，佇初五的下晡，伊九歲（後面寫八歲）的大漢後生佮兩個八歲（後面寫七歲）的雙生查某囝，跳水自盡。
溫錦龍咧做兵的時，除了頭佮面以外，歸身軀攏予火燒傷，後來以榮民的身份退休，每個月領一萬外元的退休金，生活真歹過。聽講是因為佇軍隊受人欺負，所以原本開朗的個性煞變甲真自卑，不但家己無愛佮人來往，嘛無愛予伊的囝出去見人。
即種代誌，學校的老師早就發現，社會局也知影，是按怎無法度來預防悲劇的發生？是啥乜款的社會，會予迹濟人想卜自殺？是啥乜款的社會制度會予絕望的老父 三個囡仔自殺？
咱的社會福利不是無錢，一年有兩千五百億到三百億的預算（聯合報），不過，政策的錯誤，是造成社會福利的失調，為著選舉，各縣市攏拼命咧開支票，啥乜老人年金、農民年金，無論有錢、無錢，逐家攏有。一年五百億？的臨時就業金，有的摕去，無夠還繳賬，有的摕錢不做工課。社會福利，不是平均分配，應該用佇上需要的人身上。
二、今旦日介紹的姓是
1.前海基會會長辜振府的koo1。
2.前檢察長翟宗泉的tik8。
3.死張活廖的故事
三、台灣諺語、俗語：
1、灣裡杜，白砂崙蘇，鯤鯓陳，喜樹蔡。
（說明台南靠海地區姓氏的分布情形）
「灣裡」位佇台南市上南爿，屬古台江內海之一，經過百年來地形的變化，慢慢形成聚落，叫做「灣裡」，居民以姓杜為主。喜樹屬台南市，鯤鯓是卡早的地名，包括即碼的龍崗里佮青泉里，攏是靠海的漁村；白砂崙屬高雄縣，佮灣裡隔一條二仁溪。佇灣裡，姓杜的上濟；白砂崙姓蘇的上濟，鯤鯓姓陳的上濟，喜樹仔姓蔡的上濟，所以流傳即個諺語。
高雄諺語：「白砂崙蘇，頂茄萣吳，下茄萣薛，崎漏邱。」說明茄萣姓氏的分布。
2、草地庸，府城戇。
草地就是庄跤，以前，草地人因為散赤，卡無受啥乜教育，所以講話卡土直，
｛勿會｝ 曉穿插，鄉土味真重，所以講「草地庸」；不過府城人嘛無啥乜了不起，雖然有讀寡仔冊，捌真濟智識，不過，五穀不分，番麥看做是高粱；芋仔看做是番薯；塗豆生佇樹尾頂，笑死人，有夠戇！
四、台灣歌詩、歌謠：
一般來講，90年代有真濟歌，唱歌親像咧唸歌，歌詞閣唸 清楚，不是阮即個年紀會當接受的，不過當林強即條「向前行」的時，引起我真大的注意，不但歌詞有意義，旋律嘛真好聽。
火車漸漸咧起行，再會，我的故鄉佮親情。親愛的父母再會吧，鬥陣的朋友告辭啦。阮卜來去台北拍拼，聽人講啥乜好空的攏佇遐。朋友笑我是愛作夢的戇囝，不管如何，路是家己行。OH！再會吧，OH！啥乜攏不驚，OH！再會吧，OH！向前行。
車站一站一站過去啦！風景一幕一幕親像電影，共家己當做男主角來搬，雲遊四海，好比是「小飛俠」，不管是幼稚抑是樂觀，後果若按怎，家己來擔。趁我猶少年，趕緊來拍拼。OH！再會吧，OH！啥乜攏不驚，OH！再會吧，OH！向前行。
歌辭一再唱「再會吧，啥乜攏不驚，再會吧，向前行。」予我感受著少年人的活力佮希望。老實講，台灣歌無論早前抑是現代，大部份攏是無希望的戀愛歌，聽起來真悲慘，「心酸酸」「河邊春夢」「酒後的心聲」「買醉」攏是即類，聽了滿腹心酸，感覺真鬱足。其實咱的生活不是悲歌爾，有真濟代誌需要咱去拍拼，真濟不如意的代誌，愛放下，閣再繼續向前行。
尤其現此時的台灣，面對現實的國際局勢，逐家應該愛放棄成見，手牽手，鬥陣拍拼向前行，予少年人有一個希望！