2005-08-06 16:48:08藍淑貞
長榮之聲【台語觸喙鼓】１６
FM88.3 STAR RADIO長榮之聲【台語觸喙鼓】１６
主持人：陳淑蓉小姐、紅樹林台語推展協會會長藍淑貞老師。
播出時間：逐禮拜拜五下埔6點到7點
播出內容：刊佇明日報個人新聞台紅樹林台語推展協會網站。
播出方氏：分四個單元：
一、拍喙鼓：
「有人 曉講台語，煞講台語無文字，甘願做牛予人欺，糊里糊塗過一世。」。各位聽眾朋友逐家好！今仔日又閣是咱「台語觸喙鼓」的時間，歡迎各位聽眾朋友做伙來聽台語、學台語、講台語，了解台灣事，台灣心，台灣情，予滯佇台灣的各族群，予咱的母語文化會當永永遠遠一直生湠落去。
最近看電視新聞，愈來愈看無，真正不知咧播啥乜？有一日，主播咧報朱高正佇廈門「予人」刣的消息，電視的畫面是立法院咧相扑（重播朱高正以前咧相扑的畫面），另外佇邊仔的「走馬燈」，寫「小S卜結婚，咧籌備婚禮的消息」；有當時閣會出現兩個畫面。會記古冊捌講過，一個人「眼不能兩視，耳不能兩聽。」不知是我老矣，反應卡慢，抑是時代進步甲逐家攏會當同時看兩種畫面、聽兩種聲音。
徛佇外國的朋友捌問我講：「台灣的電視新聞是按怎不一項報完才閣報另外一項」，問我敢看有，我老實回答講我嘛看無。希望各電視台會當改善，橫直歸日攏咧報新聞，慢慢仔報，像一項一項來，毋免急！
閣另外一件代誌，拄開始，我也捎攏無，到甲最近，才分清楚。淑容，我先問汝，最近電視咧廣告的一種產品叫做「健康の油切」，是啥乜意思？「歐夏蕾」是咧講啥乜？「戰敗犬」咧？（歐夏蕾－穿著有型的女子、戰敗犬－30歲未婚的女子）其他像：汽車大賞、× ×物語、達人咖啡、小顏－小臉、小尻－小臀、すべ－滑溜溜等外來語的侵入非常嚴重。雖然講，台灣文化是海洋文化，不過，大量外來文化的侵入，並不是啥乜好代誌，將來的台灣人真正會「忘了我是誰！」
二、今旦日介紹的姓是張佮廖357？
1.即兩個姓，讀起來無啥乜困難，不過，有一個「死張活廖」的故事，值著咱做一個思考。閩南佮台灣攏有雙姓的文化，主要是招翁抑是收「養子」，也有為著恩，共恩人的姓含家己的姓合做一個新的姓。台灣的雙姓真濟，像「張簡」「陳林「陳劉」「范姜」「古賴」「朱陳」「吳沈」「周黃」「邱黃」「姜林」「徐辜」「翁羅」「翁林」-----等，攏真有名，其中「張廖」有一個真特別的規定。原來，佇六百年前的福建，有一個「張元子」去予姓「廖」的招，因為干礁生一個孤囝「廖友來」，就約定後代的囝孫，在生的時姓「廖」，死後就愛恢復姓「張」，包括墓碑佮神主牌攏姓「張」。後來即個家族傳來到台灣，有人改做生死攏姓張，有人採用雙姓，大部份猶遵守「死張活廖」的傳統。
即種雙姓文化，主要牽涉著傳「香火」的問題。即碼中國大陸實施一胎化政策所生的囝，已經到結婚的年紀矣，中國婚姻法規定，子女會使綴父姓，也會使綴母姓，將來「啥人」卜斷香火，相信是一個真大的社會問題。
（資料來源：聯合報、台灣之最）
2.今仔日卜復習的姓是潘金蓮的「潘」，音phann1。程 的「程」，音thiann5。
三、灣諺語、俗語：有唐山公、無唐山媽
台灣的原住民有兩大族，一族是滯佇平埔的平埔族，一族是滯佇高山的高族。
根據李壬癸教授的講法，現存的高山族有十族（現在增加噶瑪蘭總共十一族），已經消失的平埔族至少嘛有十族。三百年前（1697），郁永河來台灣開採硫磺的時，伊唯台南登陸，對南到北一路行去，所看的攏是「番仔」。大約半世紀了後，黃叔璥和范咸先後出任巡台御史，黃叔璥講：「臺盡番地也。」根據范咸的考查，番社有名可記的超過140個。遮的原住民佇台灣過著「天賦人權」無人管，無人喝，自由自在的生活。
佇荷蘭人來台灣進前，就有漢人看中意台灣即塊肥地，移民來台灣開發即塊猶未開發過的處女地。荷蘭人佔有台灣的時，利用漢人來管理遮的「番仔」。166１年，鄭成功趕走荷蘭人，帶來大量的移民，當時，滿清禁止移民，遮的冒險來台灣的漢人，大部份是唯閩南來的羅漢跤仔。遮的羅漢跤仔來台灣了後，就尋土地開墾。當時大部份的土地攏是平埔族的，漢人向平埔族或者是租，或者是買，或者是半騙半買，就安爾，參 滯做伙，日子一久，就 當地的平埔族的查某囡仔做某。佇荷蘭佔據時代，就有漢人佮平埔族女子通婚也，荷蘭人寫的【巴達維亞日記】就有：「漢人錯居番社，多娶番婦為妻。」的記錄。平埔族是母系社會，產業由查某繼承，便若是乎招做囝婿，就會使有土地的使用權。後來，因為閩南「山濟地瘦（san2）」，真歹趁食，移民來台灣的羅漢跤仔愈來愈濟，通婚的現象愈普遍，就安爾，一代傳一代，遮的生傳幾落代的台灣人，咧祭拜祖先，追溯祖先源頭的時，知影家己來台灣的開基祖，查甫的是福建來的阿公，查某的是台灣平埔族的阿媽。迄當陣，台灣人共大陸來的人（大部份是閩南地區）叫做「唐山仔」，所以就流傳即句真趣味：「有唐山公，無唐山媽。」或者是：「有番仔媽，無番仔公」的諺語。
根據高雄醫學院陳勝順教授以HLA（人類淋巴球組織抗原）的比對研究，
指出現在台灣人88%透濫著平埔族的血統，可見台灣人的血統，早就佮大陸人無
仝矣。
四、台灣歌詩、歌謠：
今仔日來紹介一條真特別的歌：Rimuy maku ha歡樂之歌
Mnswai，iyah bi kana duwah！supu ta mqaras，lala balay uqun.（2x）
Rimuy maku ha！rimuy maku ha！Supu ta mqaras，rimuy maku ha！
Wis------------ rimuy maku ha！
Supu ta muuyas ha！Q qaras ta muyas ha！
Supu ta mgrig ha！Q qaras mgrig ha！（2x）
Rimuy maku rimuy ha！Rimuy maku ha！Rimuy maku ha！
Supu ta mqaras，rimuy maku ha！（2x）A---
Mnswai knbiyax ta balay ha，psupu tabi ha！Ana bitaq knuwan.（2x）
義譯：
Rimuy maku ha是虛詞，無意思。族人啊，逐家來！咱做伙來分享盛宴，咱作伙歡樂。
Wis是學口琴（品仔）的聲。咱作伙唱歌，唱乎足歡喜；咱作伙跳舞，跳乎足歡喜。
族人啊，咱同心協力來建造家園，一直到永遠，一直到永遠。
對即條歌內底，會當聽出原住民樂觀、開朗的天性，有物件，逐家作伙分享，對未來充滿希望。
主持人：陳淑蓉小姐、紅樹林台語推展協會會長藍淑貞老師。
播出時間：逐禮拜拜五下埔6點到7點
播出內容：刊佇明日報個人新聞台紅樹林台語推展協會網站。
播出方氏：分四個單元：
一、拍喙鼓：
「有人 曉講台語，煞講台語無文字，甘願做牛予人欺，糊里糊塗過一世。」。各位聽眾朋友逐家好！今仔日又閣是咱「台語觸喙鼓」的時間，歡迎各位聽眾朋友做伙來聽台語、學台語、講台語，了解台灣事，台灣心，台灣情，予滯佇台灣的各族群，予咱的母語文化會當永永遠遠一直生湠落去。
最近看電視新聞，愈來愈看無，真正不知咧播啥乜？有一日，主播咧報朱高正佇廈門「予人」刣的消息，電視的畫面是立法院咧相扑（重播朱高正以前咧相扑的畫面），另外佇邊仔的「走馬燈」，寫「小S卜結婚，咧籌備婚禮的消息」；有當時閣會出現兩個畫面。會記古冊捌講過，一個人「眼不能兩視，耳不能兩聽。」不知是我老矣，反應卡慢，抑是時代進步甲逐家攏會當同時看兩種畫面、聽兩種聲音。
徛佇外國的朋友捌問我講：「台灣的電視新聞是按怎不一項報完才閣報另外一項」，問我敢看有，我老實回答講我嘛看無。希望各電視台會當改善，橫直歸日攏咧報新聞，慢慢仔報，像一項一項來，毋免急！
閣另外一件代誌，拄開始，我也捎攏無，到甲最近，才分清楚。淑容，我先問汝，最近電視咧廣告的一種產品叫做「健康の油切」，是啥乜意思？「歐夏蕾」是咧講啥乜？「戰敗犬」咧？（歐夏蕾－穿著有型的女子、戰敗犬－30歲未婚的女子）其他像：汽車大賞、× ×物語、達人咖啡、小顏－小臉、小尻－小臀、すべ－滑溜溜等外來語的侵入非常嚴重。雖然講，台灣文化是海洋文化，不過，大量外來文化的侵入，並不是啥乜好代誌，將來的台灣人真正會「忘了我是誰！」
二、今旦日介紹的姓是張佮廖357？
1.即兩個姓，讀起來無啥乜困難，不過，有一個「死張活廖」的故事，值著咱做一個思考。閩南佮台灣攏有雙姓的文化，主要是招翁抑是收「養子」，也有為著恩，共恩人的姓含家己的姓合做一個新的姓。台灣的雙姓真濟，像「張簡」「陳林「陳劉」「范姜」「古賴」「朱陳」「吳沈」「周黃」「邱黃」「姜林」「徐辜」「翁羅」「翁林」-----等，攏真有名，其中「張廖」有一個真特別的規定。原來，佇六百年前的福建，有一個「張元子」去予姓「廖」的招，因為干礁生一個孤囝「廖友來」，就約定後代的囝孫，在生的時姓「廖」，死後就愛恢復姓「張」，包括墓碑佮神主牌攏姓「張」。後來即個家族傳來到台灣，有人改做生死攏姓張，有人採用雙姓，大部份猶遵守「死張活廖」的傳統。
即種雙姓文化，主要牽涉著傳「香火」的問題。即碼中國大陸實施一胎化政策所生的囝，已經到結婚的年紀矣，中國婚姻法規定，子女會使綴父姓，也會使綴母姓，將來「啥人」卜斷香火，相信是一個真大的社會問題。
（資料來源：聯合報、台灣之最）
2.今仔日卜復習的姓是潘金蓮的「潘」，音phann1。程 的「程」，音thiann5。
三、灣諺語、俗語：有唐山公、無唐山媽
台灣的原住民有兩大族，一族是滯佇平埔的平埔族，一族是滯佇高山的高族。
根據李壬癸教授的講法，現存的高山族有十族（現在增加噶瑪蘭總共十一族），已經消失的平埔族至少嘛有十族。三百年前（1697），郁永河來台灣開採硫磺的時，伊唯台南登陸，對南到北一路行去，所看的攏是「番仔」。大約半世紀了後，黃叔璥和范咸先後出任巡台御史，黃叔璥講：「臺盡番地也。」根據范咸的考查，番社有名可記的超過140個。遮的原住民佇台灣過著「天賦人權」無人管，無人喝，自由自在的生活。
佇荷蘭人來台灣進前，就有漢人看中意台灣即塊肥地，移民來台灣開發即塊猶未開發過的處女地。荷蘭人佔有台灣的時，利用漢人來管理遮的「番仔」。166１年，鄭成功趕走荷蘭人，帶來大量的移民，當時，滿清禁止移民，遮的冒險來台灣的漢人，大部份是唯閩南來的羅漢跤仔。遮的羅漢跤仔來台灣了後，就尋土地開墾。當時大部份的土地攏是平埔族的，漢人向平埔族或者是租，或者是買，或者是半騙半買，就安爾，參 滯做伙，日子一久，就 當地的平埔族的查某囡仔做某。佇荷蘭佔據時代，就有漢人佮平埔族女子通婚也，荷蘭人寫的【巴達維亞日記】就有：「漢人錯居番社，多娶番婦為妻。」的記錄。平埔族是母系社會，產業由查某繼承，便若是乎招做囝婿，就會使有土地的使用權。後來，因為閩南「山濟地瘦（san2）」，真歹趁食，移民來台灣的羅漢跤仔愈來愈濟，通婚的現象愈普遍，就安爾，一代傳一代，遮的生傳幾落代的台灣人，咧祭拜祖先，追溯祖先源頭的時，知影家己來台灣的開基祖，查甫的是福建來的阿公，查某的是台灣平埔族的阿媽。迄當陣，台灣人共大陸來的人（大部份是閩南地區）叫做「唐山仔」，所以就流傳即句真趣味：「有唐山公，無唐山媽。」或者是：「有番仔媽，無番仔公」的諺語。
根據高雄醫學院陳勝順教授以HLA（人類淋巴球組織抗原）的比對研究，
指出現在台灣人88%透濫著平埔族的血統，可見台灣人的血統，早就佮大陸人無
仝矣。
四、台灣歌詩、歌謠：
今仔日來紹介一條真特別的歌：Rimuy maku ha歡樂之歌
Mnswai，iyah bi kana duwah！supu ta mqaras，lala balay uqun.（2x）
Rimuy maku ha！rimuy maku ha！Supu ta mqaras，rimuy maku ha！
Wis------------ rimuy maku ha！
Supu ta muuyas ha！Q qaras ta muyas ha！
Supu ta mgrig ha！Q qaras mgrig ha！（2x）
Rimuy maku rimuy ha！Rimuy maku ha！Rimuy maku ha！
Supu ta mqaras，rimuy maku ha！（2x）A---
Mnswai knbiyax ta balay ha，psupu tabi ha！Ana bitaq knuwan.（2x）
義譯：
Rimuy maku ha是虛詞，無意思。族人啊，逐家來！咱做伙來分享盛宴，咱作伙歡樂。
Wis是學口琴（品仔）的聲。咱作伙唱歌，唱乎足歡喜；咱作伙跳舞，跳乎足歡喜。
族人啊，咱同心協力來建造家園，一直到永遠，一直到永遠。
對即條歌內底，會當聽出原住民樂觀、開朗的天性，有物件，逐家作伙分享，對未來充滿希望。