2005-08-06 16:29:25藍淑貞
長榮之聲【台語觸喙鼓】１４
FM88.3 STAR RADIO長榮之聲【台語觸喙鼓】１４
主持人：陳淑蓉小姐、紅樹林台語推展協會會長藍淑貞老師。
播出時間：逐禮拜拜五下埔6點到7點
播出內容：刊佇明日報個人新聞台紅樹林台語推展協會網站。
一、拍喙鼓：
「台語聲調有夠嫷，親像咧唱DO RE MI，唱甲心花開開開，逐家聽甲醉醉醉」。各位聽眾朋友逐家好！今仔日又閣是咱「台語觸喙鼓」的時間，歡迎各位聽眾朋友做伙來聽台語、學台語、講台語，了解台灣事，台灣心，台灣情，予滯佇台灣的各族群，予咱的母語文化會當永永遠遠一直生湠落去。
台南市長許添財佇五月十七批評「母語教學無夠落實」，講「目前國中、小學母語演講比賽，傷過注重聲調佮手勢，親像咧演『樣板戲』，不是演講。」指示教育局愛改做「即時演講」而且恢復國中一、二年級鄉土教學。
我真贊同許市長的看法，不過我有淡薄仔意見。先講第一點，即十幾年來，我參與真濟擺台語演講比賽的評判，後來因為我指導的學生有參加台語演講比賽，我就退出評判的行列，不過，我攏有去現場參觀。我發現國小老師咧指導學生演講，無論華語抑是台語，攏有一寡仔固定的聲調佮手勢（就像市長講的樣版戲），即種掅形，我佇師資班教學員指導演講的技巧的時，我攏特別提出來共學員講。不過，一直到即碼，我猶原發現無啥乜改善。
演講本來就愛注意聲調佮手勢，但是一定愛自然， 使造作。不過造成即種情形，評分的老師嘛愛負一寡仔責任。教育局聘請的評分老師，勿愛 講有的不捌啥乜是演講，甚至家己的台語都講輪轉，當然干礁看 的表演，抑是啥人卡大聲、啥生做卡古錐爾。
即擺的演講比賽我無指導學生，也無去參觀，不過我會當想像許市長所講的話是啥乜款的情形。
講著「即席演講」，現此時華語採是用「即席演講」的方式，不過，小學生敢真正攏赫爾 ，會曉「即席演講」？勿愛 戇矣，逐家去探聽看覓，參加的囡仔，逐家攏嘛背幾百篇稿，好運抽著背熟的，就著名；歹運的，去抽著背無熟的，就無名。我常講：「若是我的囝，我一定無愛予伊參加即種比賽，背幾百篇稿，真正是『殘害幼苗』。」現此時，大多數的囡仔台語都猶講 輪轉，是卜按怎叫 「即席演講」？即碼背三篇稿，老師都舞甲霧煞煞，若是台語也採取「即席演講」的方式，干礁寫稿，就會驚死教台語的老師，到時台語老師就真正歹尋矣。
講著恢復國中一、二年級鄉土教學，我是舉雙方贊成。即碼母語教育規定國小階段是必修，國中是選修，到目前為止，台南市的國中，尋無幾間開台語選修課的，若無利用鄉土教學的時街間來連接，母語卜生存也是真困難的代誌。
二、今旦日介紹的姓是
1.現任教育部長杜正勝的「杜」，音too7。
2.第一個佇台灣教漢學仔的沈光文的「沈」，音sim2。
3.鹿港施一半的「施」，社頭蕭了了的「蕭」。
三、台灣諺語、俗語：
好柴，無流過安平鎮；嫷查某，無留佇四鯤鯓。
（上游流下來的好木材，都被撿完了，不會流過安平；漂亮的姑娘，都被娶走了，不會留在四鯤鯓。）
「好柴」指有路用的「漂流木」，阮細漢攏叫做「大水柴」。因為逐擺若做風颱，落大雨的時，山區的樹木加減會予風颱拍斷，甚至連根剾落來，然後沿做大水的溪流沖落來，流去海口。迄當陣，因為生活普遍困難，真濟人冒著性命的危險，來抾（khioh4）大水柴，賣予木柴行，加減補貼生活。阮兜滯佇高屏溪（下淡水溪｝邊，細漢的時，我就常聽著有人因為去抾（khioh4）大水柴予大水流去，實在真可憐。
安平位佇溪流的下游出海口，台南地區的大水柴流來到台江，水流的速度已經慢落來，若是有好的大水柴，早就予「上游」的人抾了了矣，哪會有機會當流到安平鎮來。所以講「好柴，無流過安平鎮」。
「一鯤鯓」是安平的舊名，「四鯤鯓」就是即碼的「鯤鯓」，佇安平附近，是一個小漁村。滯佇四鯤鯓的人，因為靠海生活，艱苦閣散赤，所以生做嫷的姑娘仔，若是有機會，甘願嫁去外地（城裡），嘛不願留佇本地過著艱苦的日子。所以講「嫷查某，無留佇四鯤鯓」。
即句話的意思是講，好事 輪到家己，有笑詼家己的意思。若是「好代誌」攏對汝的身邊著流失，汝會當笑笑講家己「好柴無流過安平鎮，嫷查某無留佇四鯤鯓。」
類似的諺語有「好柴，無流過干豆門。」「干豆」是台北「關渡」的舊地名。
四、台灣歌詩、歌謠：
枋橋查某
火車火車著吱吱叫，五點十分到枋橋，枋橋查某嫷佮笑，轉來去賣某著來予伊招。
原句：火車火車吱吱叫，五點十分到枋橋，枋橋查某嫷佮笑，來去賣某予伊招。為著配合音樂，歌詞有當時會加一寡「襯字」。
即條歌謠是傳唱佇北部的，歌詞捌引起真大的爭議，當年衛道人士批評伊「傷風敗俗」。聽講第三句原來是「嫷佮犭肖」，「犭肖」，台語是「發情」的意思，對一個查某人來講，是真 的形容詞，所以後來改做「笑」。若是看著嫷查某，就想卜「賣某予伊招？」佇原本無重視女權的台灣社會，確實是真 的教育。因為即條歌的旋律實在是「太」嫷咧，閣因為歌詞符合查甫人愛滾笑的氣口，所以真緊就傳唱起來。咧唱即條歌的時，若是有晚輩佇咧，一定愛說明清楚，絕對 使安爾做。
我細漢的時，嘛有類似的唸謠，歌詞是安爾：「火車卜行行鐵枝，十點五分到嘉義，菜店茶某抹胭脂，抹甲紅紅紅，害死老人。」
閣有安爾唸：「火車卜行行鐵枝，十點五分到嘉義，阿兄寫批來通知，阿姐卜嫁慢且徐。」
我細漢是唱囡仔歌大漢的，想著細漢唸囡仔歌的時，實在是真數念。
主持人：陳淑蓉小姐、紅樹林台語推展協會會長藍淑貞老師。
播出時間：逐禮拜拜五下埔6點到7點
播出內容：刊佇明日報個人新聞台紅樹林台語推展協會網站。
一、拍喙鼓：
「台語聲調有夠嫷，親像咧唱DO RE MI，唱甲心花開開開，逐家聽甲醉醉醉」。各位聽眾朋友逐家好！今仔日又閣是咱「台語觸喙鼓」的時間，歡迎各位聽眾朋友做伙來聽台語、學台語、講台語，了解台灣事，台灣心，台灣情，予滯佇台灣的各族群，予咱的母語文化會當永永遠遠一直生湠落去。
台南市長許添財佇五月十七批評「母語教學無夠落實」，講「目前國中、小學母語演講比賽，傷過注重聲調佮手勢，親像咧演『樣板戲』，不是演講。」指示教育局愛改做「即時演講」而且恢復國中一、二年級鄉土教學。
我真贊同許市長的看法，不過我有淡薄仔意見。先講第一點，即十幾年來，我參與真濟擺台語演講比賽的評判，後來因為我指導的學生有參加台語演講比賽，我就退出評判的行列，不過，我攏有去現場參觀。我發現國小老師咧指導學生演講，無論華語抑是台語，攏有一寡仔固定的聲調佮手勢（就像市長講的樣版戲），即種掅形，我佇師資班教學員指導演講的技巧的時，我攏特別提出來共學員講。不過，一直到即碼，我猶原發現無啥乜改善。
演講本來就愛注意聲調佮手勢，但是一定愛自然， 使造作。不過造成即種情形，評分的老師嘛愛負一寡仔責任。教育局聘請的評分老師，勿愛 講有的不捌啥乜是演講，甚至家己的台語都講輪轉，當然干礁看 的表演，抑是啥人卡大聲、啥生做卡古錐爾。
即擺的演講比賽我無指導學生，也無去參觀，不過我會當想像許市長所講的話是啥乜款的情形。
講著「即席演講」，現此時華語採是用「即席演講」的方式，不過，小學生敢真正攏赫爾 ，會曉「即席演講」？勿愛 戇矣，逐家去探聽看覓，參加的囡仔，逐家攏嘛背幾百篇稿，好運抽著背熟的，就著名；歹運的，去抽著背無熟的，就無名。我常講：「若是我的囝，我一定無愛予伊參加即種比賽，背幾百篇稿，真正是『殘害幼苗』。」現此時，大多數的囡仔台語都猶講 輪轉，是卜按怎叫 「即席演講」？即碼背三篇稿，老師都舞甲霧煞煞，若是台語也採取「即席演講」的方式，干礁寫稿，就會驚死教台語的老師，到時台語老師就真正歹尋矣。
講著恢復國中一、二年級鄉土教學，我是舉雙方贊成。即碼母語教育規定國小階段是必修，國中是選修，到目前為止，台南市的國中，尋無幾間開台語選修課的，若無利用鄉土教學的時街間來連接，母語卜生存也是真困難的代誌。
二、今旦日介紹的姓是
1.現任教育部長杜正勝的「杜」，音too7。
2.第一個佇台灣教漢學仔的沈光文的「沈」，音sim2。
3.鹿港施一半的「施」，社頭蕭了了的「蕭」。
三、台灣諺語、俗語：
好柴，無流過安平鎮；嫷查某，無留佇四鯤鯓。
（上游流下來的好木材，都被撿完了，不會流過安平；漂亮的姑娘，都被娶走了，不會留在四鯤鯓。）
「好柴」指有路用的「漂流木」，阮細漢攏叫做「大水柴」。因為逐擺若做風颱，落大雨的時，山區的樹木加減會予風颱拍斷，甚至連根剾落來，然後沿做大水的溪流沖落來，流去海口。迄當陣，因為生活普遍困難，真濟人冒著性命的危險，來抾（khioh4）大水柴，賣予木柴行，加減補貼生活。阮兜滯佇高屏溪（下淡水溪｝邊，細漢的時，我就常聽著有人因為去抾（khioh4）大水柴予大水流去，實在真可憐。
安平位佇溪流的下游出海口，台南地區的大水柴流來到台江，水流的速度已經慢落來，若是有好的大水柴，早就予「上游」的人抾了了矣，哪會有機會當流到安平鎮來。所以講「好柴，無流過安平鎮」。
「一鯤鯓」是安平的舊名，「四鯤鯓」就是即碼的「鯤鯓」，佇安平附近，是一個小漁村。滯佇四鯤鯓的人，因為靠海生活，艱苦閣散赤，所以生做嫷的姑娘仔，若是有機會，甘願嫁去外地（城裡），嘛不願留佇本地過著艱苦的日子。所以講「嫷查某，無留佇四鯤鯓」。
即句話的意思是講，好事 輪到家己，有笑詼家己的意思。若是「好代誌」攏對汝的身邊著流失，汝會當笑笑講家己「好柴無流過安平鎮，嫷查某無留佇四鯤鯓。」
類似的諺語有「好柴，無流過干豆門。」「干豆」是台北「關渡」的舊地名。
四、台灣歌詩、歌謠：
枋橋查某
火車火車著吱吱叫，五點十分到枋橋，枋橋查某嫷佮笑，轉來去賣某著來予伊招。
原句：火車火車吱吱叫，五點十分到枋橋，枋橋查某嫷佮笑，來去賣某予伊招。為著配合音樂，歌詞有當時會加一寡「襯字」。
即條歌謠是傳唱佇北部的，歌詞捌引起真大的爭議，當年衛道人士批評伊「傷風敗俗」。聽講第三句原來是「嫷佮犭肖」，「犭肖」，台語是「發情」的意思，對一個查某人來講，是真 的形容詞，所以後來改做「笑」。若是看著嫷查某，就想卜「賣某予伊招？」佇原本無重視女權的台灣社會，確實是真 的教育。因為即條歌的旋律實在是「太」嫷咧，閣因為歌詞符合查甫人愛滾笑的氣口，所以真緊就傳唱起來。咧唱即條歌的時，若是有晚輩佇咧，一定愛說明清楚，絕對 使安爾做。
我細漢的時，嘛有類似的唸謠，歌詞是安爾：「火車卜行行鐵枝，十點五分到嘉義，菜店茶某抹胭脂，抹甲紅紅紅，害死老人。」
閣有安爾唸：「火車卜行行鐵枝，十點五分到嘉義，阿兄寫批來通知，阿姐卜嫁慢且徐。」
我細漢是唱囡仔歌大漢的，想著細漢唸囡仔歌的時，實在是真數念。