2005-08-06 16:24:49藍淑貞
長榮之聲【台語觸喙鼓】１３
FM88.3 STAR RADIO長榮之聲【台語觸喙鼓】１３
主持人：陳淑蓉小姐、紅樹林台語推展協會會長藍淑貞老師。
播出時間：逐禮拜拜五下埔6點到7點
播出內容：刊佇明日報個人新聞台紅樹林台語推展協會網站。
一、拍喙鼓：
「有人｛勿會｝曉講台語，煞講台語無文字，甘願做牛予人欺，糊里糊塗過一世。」。各位聽眾朋友逐家好！又閣是咱「台語觸喙鼓」的時間，歡迎各位聽眾朋友做伙來聽台語、學台語、講台語，了解台灣事，台灣心，台灣情，予滯佇台灣的各族群，予咱的母語文化會當永永遠遠一直生湠落去。
90.5.18聯合報報一個「阿共的」共人民改名換姓的代誌，感覺真好笑。
中華文化一向是強調「行不改名，坐不改姓」的精神，不過，中華文化佇中共的操控之下，早就變甲不成樣矣。尤其經過伊大力推行的簡體字，已經橫行全世界，真濟漢字早就不知影伊原來的意思矣。親像衛生的「衛」，簡體做「卫」，完全看出伊原來的字形矣；開門的「開」，真正將門褪掉，簡體伸內面的「」字爾；「邊」簡體做「边」；「輕鬆」變做「輕松」----------我想蒼頡若活咧，一定會乎氣甲掣斷腦筋閣兼霧血。
因為推行簡體字的關係，真濟人就愛改名換姓，像姓「於」的變做佮「于」共姓；姓「乾」（乾德門）的變姓「干」；姓鍾變姓「钟」---。中共前總理「朱鎔基」的「鎔」簡體字是「熔」，朱鎔基為著卜保持父母號的名，不管別人按怎改，伊一直堅持用金字爿的「鎔」，因為伊官做了有夠大，各媒體報紙只好綴伊用「鎔」。
報紙報導的例就是將「蕭萬長」的「蕭」，改做「肖」（台語讀作siau1，華語讀自作siau2），數百萬姓「蕭」的人（根據「蕭氏宗親會」統計，球有九百萬人，大陸就有八百萬人），攏改姓做「肖」，其中包括中共最高人民法院院長「肖揚」在內，逐家攏強卜起痟。
香港中通社報導，2001年底，海外姓「蕭」的人，來台灣聚會，希望台灣的「中華蕭氏宗親會」會當協助 向大陸爭取，將「肖」改轉來姓「蕭」。今年三月十七日，中共教育部根據「名從主人」的原則，予姓「肖」的，恢復姓「蕭」。
蕭姓是來自周朝宋國附屬的一個小國，故址是即碼的安徽省蕭縣西北，西元前597年予處國消滅以後，囝孫就開始以國名做姓。
最近，真濟大學生咧流行學大陸的簡體字，愛會記，毋通學甲連家己姓啥都不知影就魯矣。
二、今旦日介紹的姓是
1.施士頡的「施」，音si1。
2.蕭萬長的「蕭」，音siau1。
有一句諺語講：「鹿港施一半，社頭蕭了了。」鹿港、社頭是彰化縣鄉鎮名。
3.麗君的「鄧」音ting7佮馬英久的「馬」音ma2。
三、台灣諺語、俗語：
王爺公無保庇，害死蘇有志：
佇台灣所發生的抗日事件當中，以余清芳領導的噍吧哖事件範圍上蓋大，犧牲上蓋慘烈。因為領導者是余清芳，所以叫「余清芳事件」，閣因為伊透過西來庵招募黨徒，也叫做「西來庵事件」，抗日爆發的地點佇噍吧哖，閣叫做「噍吧哖事件」，日本人殘酷的面目，也佇即個事件中暴露出來。
余清芳另外一個名叫余清風，台南廳長治二圍里後鄉庄人（今屏東縣境），家世清寒，讀幾年私學仔，就去米店食頭路，趁錢飼老母。日本侵佔台灣的時，伊拄十七歲，看著日本人的橫霸，懷著亡國之恨，投身武裝抗日義民軍。抗戰失敗，隱忍自重，等待時機。二十一歲左右擔任巡查，服務台南、鳳山、阿公店等地，交遊曠闊，出入台南、玉里、林庄、舊城等地的齋堂。三十歲加入鹽水港的祕密結社「廿八宿會」，活動愈頻繁。
宣統元年（1909）一月，日警發覺余清方的活動頻繁，以無業遊民的罪名逮捕，押去台東加路蘭浮浪者管訓三年。出獄了，佇台南經營米店，出入西來庵時，熟似大目降（新化）的蘇有志，閣由蘇的紹介，熟似歸仁人鄭利，以西來庵做研經論政的所在，後來閣佮羅俊、江定結合。
蘇有志是台南大目降的好額人，民國元年，成立米絞（ka2）公司，日產白米百幾包，是當時全台十二大企業之一，後來受日商欺騙破產。蘇有志篤信西來庵亭仔跤的王爺公（西來庵奉侍玉皇大帝，俗稱亭仔跤王爺）。常來拜求王爺保庇，也倚靠王爺信徒吸收同志。
民國四年五月二十五日，日警佇自基隆開往廈門的大仁丸船中，發覺台南廳阿公店支廳居民蘇東海佮兩個華僑行跡可疑，將 拘留審問。蘇東海本來是西來庵革命黨人，驚革命組織暴露，就趁日警無注意，拜託同受拘留的日本娼婦，送批予員林的同志賴淵國示警，不幸即張批，予日警發現，通報台南、台北、台中，展開搜查革命黨人。
余清芳得著消息，隨就帶軍資離開西來庵，進入深山佮江定會合，商討應變之策。認為代誌已經暴露，無需要閣掩蓋，即時號召同志，發動起義。以「大明慈悲國」征伐天下大元帥的名義，發佈告民眾書，以神符、咒文激勵大眾（貼王爺公符，就會當刀銃不入。）摕傳統的刀劍含宗教法器佮日警佇台南的噍吧哖相戰，苦戰七暝七日失敗，日軍屠殺噍吧哖，無分老幼，全村被殺。台灣總督府大量逮捕各地革命黨人。根據公告的被告有1957個人，處死者866個人，也有人講處死者超過一千個人，是世界審判史不捌有的大代誌。
噍吧哖事件以後，台南西來庵予日本人拆掉，內底奉侍的王爺公也予人徙走，余清芳、蘇有志、鄭利等人也予人處死，所以佇事件發生了後，台南民間就流傳：「余清芳，余清芳，趕走亭仔跤的王爺公；王爺公，王爺公，無保庇，害死蘇仔志；蘇仔志，蘇仔志，無仁義，害死鄭仔利。」
台南民間受日本統治者，將余清芳等人扣上「土匪」「匪徒」的影響，所以才會產生即種講法。
註：米絞公司：碾米廠。
四、台灣歌詩、歌謠：
一隻鳥仔吼啾啾 嘉義民謠 原野三重唱
嘿 嘿 嘿都一隻鳥仔吼啾啾，咧 嘿 荷 吼啾啾，吼甲三更一半暝，尋無岫，啾啾 啾啾 荷 嘿 荷。
啊------------------
嘿 嘿 嘿都啥乜人仔共阮挵破即個岫，都 呢，予阮掠著不放伊干休。啾啾 啾啾荷 嘿 荷。
啊---------
即首歌謠，原本流傳佇嘉南平原，後來才流傳到全國。伊有兩重的含意，一個是咧講一隻仔看著伊的岫「予人」挵破，吼甲三更半暝，控訴尋無岫通歇睏的悲哀。另外一重是一個真有歷史背景的意義，清朝末年，李鴻章佇馬關條約中，將台灣送予日本，台灣人一個一個起來抵抗，日本天皇的小弟，親自帶兵對宜蘭附近登陸，強行接收。台灣就親像一隻「予人」挵破岫的鳥仔共款，佇無人的三更半暝，對著月娘，控訴尋無安身立命的悲哀。
日據時代，台灣人常受著日本人的欺壓，所以常有抗日的英勇表現。有一擺，有真濟抗日英雄，予日本人包圍佇諸羅山（即碼的嘉義公園），卜行刑的時，遮的抗日英雄，大聲唱出即首「一隻鳥仔吼啾啾」，唱出國破家亡的悲哀佮憤怒。
「嘿 嘿 嘿都一隻鳥仔吼啾啾，咧 嘿 荷 吼啾啾，吼甲三更一半暝，尋無岫。」是指日本佔領台灣的代誌。
「嘿 嘿 嘿都啥乜人仔共阮挵破即個岫，都 呢，予阮掠著不放伊干休。」是啥乜人挵破阮的岫，即個岫就是指台灣，咱的台灣。若予阮掠著不放伊干休，伊是指日本仔。（台灣鄉土歌謠史）
鄉土歌謠，因為會當表現台灣人的心聲，伊感動人的旋律，嘛打動台灣人的心。
主持人：陳淑蓉小姐、紅樹林台語推展協會會長藍淑貞老師。
播出時間：逐禮拜拜五下埔6點到7點
播出內容：刊佇明日報個人新聞台紅樹林台語推展協會網站。
一、拍喙鼓：
「有人｛勿會｝曉講台語，煞講台語無文字，甘願做牛予人欺，糊里糊塗過一世。」。各位聽眾朋友逐家好！又閣是咱「台語觸喙鼓」的時間，歡迎各位聽眾朋友做伙來聽台語、學台語、講台語，了解台灣事，台灣心，台灣情，予滯佇台灣的各族群，予咱的母語文化會當永永遠遠一直生湠落去。
90.5.18聯合報報一個「阿共的」共人民改名換姓的代誌，感覺真好笑。
中華文化一向是強調「行不改名，坐不改姓」的精神，不過，中華文化佇中共的操控之下，早就變甲不成樣矣。尤其經過伊大力推行的簡體字，已經橫行全世界，真濟漢字早就不知影伊原來的意思矣。親像衛生的「衛」，簡體做「卫」，完全看出伊原來的字形矣；開門的「開」，真正將門褪掉，簡體伸內面的「」字爾；「邊」簡體做「边」；「輕鬆」變做「輕松」----------我想蒼頡若活咧，一定會乎氣甲掣斷腦筋閣兼霧血。
因為推行簡體字的關係，真濟人就愛改名換姓，像姓「於」的變做佮「于」共姓；姓「乾」（乾德門）的變姓「干」；姓鍾變姓「钟」---。中共前總理「朱鎔基」的「鎔」簡體字是「熔」，朱鎔基為著卜保持父母號的名，不管別人按怎改，伊一直堅持用金字爿的「鎔」，因為伊官做了有夠大，各媒體報紙只好綴伊用「鎔」。
報紙報導的例就是將「蕭萬長」的「蕭」，改做「肖」（台語讀作siau1，華語讀自作siau2），數百萬姓「蕭」的人（根據「蕭氏宗親會」統計，球有九百萬人，大陸就有八百萬人），攏改姓做「肖」，其中包括中共最高人民法院院長「肖揚」在內，逐家攏強卜起痟。
香港中通社報導，2001年底，海外姓「蕭」的人，來台灣聚會，希望台灣的「中華蕭氏宗親會」會當協助 向大陸爭取，將「肖」改轉來姓「蕭」。今年三月十七日，中共教育部根據「名從主人」的原則，予姓「肖」的，恢復姓「蕭」。
蕭姓是來自周朝宋國附屬的一個小國，故址是即碼的安徽省蕭縣西北，西元前597年予處國消滅以後，囝孫就開始以國名做姓。
最近，真濟大學生咧流行學大陸的簡體字，愛會記，毋通學甲連家己姓啥都不知影就魯矣。
二、今旦日介紹的姓是
1.施士頡的「施」，音si1。
2.蕭萬長的「蕭」，音siau1。
有一句諺語講：「鹿港施一半，社頭蕭了了。」鹿港、社頭是彰化縣鄉鎮名。
3.麗君的「鄧」音ting7佮馬英久的「馬」音ma2。
三、台灣諺語、俗語：
王爺公無保庇，害死蘇有志：
佇台灣所發生的抗日事件當中，以余清芳領導的噍吧哖事件範圍上蓋大，犧牲上蓋慘烈。因為領導者是余清芳，所以叫「余清芳事件」，閣因為伊透過西來庵招募黨徒，也叫做「西來庵事件」，抗日爆發的地點佇噍吧哖，閣叫做「噍吧哖事件」，日本人殘酷的面目，也佇即個事件中暴露出來。
余清芳另外一個名叫余清風，台南廳長治二圍里後鄉庄人（今屏東縣境），家世清寒，讀幾年私學仔，就去米店食頭路，趁錢飼老母。日本侵佔台灣的時，伊拄十七歲，看著日本人的橫霸，懷著亡國之恨，投身武裝抗日義民軍。抗戰失敗，隱忍自重，等待時機。二十一歲左右擔任巡查，服務台南、鳳山、阿公店等地，交遊曠闊，出入台南、玉里、林庄、舊城等地的齋堂。三十歲加入鹽水港的祕密結社「廿八宿會」，活動愈頻繁。
宣統元年（1909）一月，日警發覺余清方的活動頻繁，以無業遊民的罪名逮捕，押去台東加路蘭浮浪者管訓三年。出獄了，佇台南經營米店，出入西來庵時，熟似大目降（新化）的蘇有志，閣由蘇的紹介，熟似歸仁人鄭利，以西來庵做研經論政的所在，後來閣佮羅俊、江定結合。
蘇有志是台南大目降的好額人，民國元年，成立米絞（ka2）公司，日產白米百幾包，是當時全台十二大企業之一，後來受日商欺騙破產。蘇有志篤信西來庵亭仔跤的王爺公（西來庵奉侍玉皇大帝，俗稱亭仔跤王爺）。常來拜求王爺保庇，也倚靠王爺信徒吸收同志。
民國四年五月二十五日，日警佇自基隆開往廈門的大仁丸船中，發覺台南廳阿公店支廳居民蘇東海佮兩個華僑行跡可疑，將 拘留審問。蘇東海本來是西來庵革命黨人，驚革命組織暴露，就趁日警無注意，拜託同受拘留的日本娼婦，送批予員林的同志賴淵國示警，不幸即張批，予日警發現，通報台南、台北、台中，展開搜查革命黨人。
余清芳得著消息，隨就帶軍資離開西來庵，進入深山佮江定會合，商討應變之策。認為代誌已經暴露，無需要閣掩蓋，即時號召同志，發動起義。以「大明慈悲國」征伐天下大元帥的名義，發佈告民眾書，以神符、咒文激勵大眾（貼王爺公符，就會當刀銃不入。）摕傳統的刀劍含宗教法器佮日警佇台南的噍吧哖相戰，苦戰七暝七日失敗，日軍屠殺噍吧哖，無分老幼，全村被殺。台灣總督府大量逮捕各地革命黨人。根據公告的被告有1957個人，處死者866個人，也有人講處死者超過一千個人，是世界審判史不捌有的大代誌。
噍吧哖事件以後，台南西來庵予日本人拆掉，內底奉侍的王爺公也予人徙走，余清芳、蘇有志、鄭利等人也予人處死，所以佇事件發生了後，台南民間就流傳：「余清芳，余清芳，趕走亭仔跤的王爺公；王爺公，王爺公，無保庇，害死蘇仔志；蘇仔志，蘇仔志，無仁義，害死鄭仔利。」
台南民間受日本統治者，將余清芳等人扣上「土匪」「匪徒」的影響，所以才會產生即種講法。
註：米絞公司：碾米廠。
四、台灣歌詩、歌謠：
一隻鳥仔吼啾啾 嘉義民謠 原野三重唱
嘿 嘿 嘿都一隻鳥仔吼啾啾，咧 嘿 荷 吼啾啾，吼甲三更一半暝，尋無岫，啾啾 啾啾 荷 嘿 荷。
啊------------------
嘿 嘿 嘿都啥乜人仔共阮挵破即個岫，都 呢，予阮掠著不放伊干休。啾啾 啾啾荷 嘿 荷。
啊---------
即首歌謠，原本流傳佇嘉南平原，後來才流傳到全國。伊有兩重的含意，一個是咧講一隻仔看著伊的岫「予人」挵破，吼甲三更半暝，控訴尋無岫通歇睏的悲哀。另外一重是一個真有歷史背景的意義，清朝末年，李鴻章佇馬關條約中，將台灣送予日本，台灣人一個一個起來抵抗，日本天皇的小弟，親自帶兵對宜蘭附近登陸，強行接收。台灣就親像一隻「予人」挵破岫的鳥仔共款，佇無人的三更半暝，對著月娘，控訴尋無安身立命的悲哀。
日據時代，台灣人常受著日本人的欺壓，所以常有抗日的英勇表現。有一擺，有真濟抗日英雄，予日本人包圍佇諸羅山（即碼的嘉義公園），卜行刑的時，遮的抗日英雄，大聲唱出即首「一隻鳥仔吼啾啾」，唱出國破家亡的悲哀佮憤怒。
「嘿 嘿 嘿都一隻鳥仔吼啾啾，咧 嘿 荷 吼啾啾，吼甲三更一半暝，尋無岫。」是指日本佔領台灣的代誌。
「嘿 嘿 嘿都啥乜人仔共阮挵破即個岫，都 呢，予阮掠著不放伊干休。」是啥乜人挵破阮的岫，即個岫就是指台灣，咱的台灣。若予阮掠著不放伊干休，伊是指日本仔。（台灣鄉土歌謠史）
鄉土歌謠，因為會當表現台灣人的心聲，伊感動人的旋律，嘛打動台灣人的心。