2005-08-06 16:17:30藍淑貞
長榮之聲【台語觸喙鼓】１２
FM88.3 STAR RADIO主持人：陳淑蓉小姐、紅樹林台語推展協會會長藍淑貞老師。
播出時間：逐禮拜拜五下埔6點到7點
播出內容：刊佇明日報個人新聞台紅樹林台語推展協會網站。
播出方氏：分四個單元：
一、拍喙鼓：
「少年囡仔學台語，阿公阿媽真歡喜，乖孫真正有志氣，台灣一定出頭天。」。各位聽眾朋友逐家好！又閣是咱「台語觸喙鼓」的時間，歡迎各位聽眾朋友做伙來聽台語、學台語、講台語，了解台灣事，台灣心，台灣情，予滯佇台灣的各族群，予咱的母語文化會當永永遠遠一直生湠落去。
即幾年，台灣的治安會使講是 甲無法度通形容，不但是「亮起紅燈」，假若是「無政府」的國家咧！烏道橫行霸道；詐騙集團，無法無天。囡仔去學校上課，驚人綁票；查某人行佇街路，隨時都煩惱有人會來搶；駛車車門愛隨時關稠稠（tiau5），若無，可能有人會「予人」開門恐嚇；就是關門厝內坐，嘛隨時會接著恐嚇詐騙的電話。卡早講貪心的人才會「予人」騙去，即碼利用親人的吼聲，來恐嚇汝，做父母的人，逐日提心吊膽；銀行的存款，隨時會消失去，台灣都強卜 滯得矣，「大哥」的死，政府官員、政黨的高層相爭參加，電視報紙相爭報導，穿烏衫的少年人比一間學校的學生卡濟，看起來真囂俳的款，我看著心會疼！即種場面若予遐的不捌世事的少年囡仔看著，哪會 想卜加入烏道的行列咧？
有一擺我佮幾個阿媽級、阿母級的朋友講著台灣的治安，逐家攏真煩惱，苦勸我三個佇國外讀冊的囡仔，毋通轉來，台灣 滯得矣。雖然安爾，我猶是愛 轉來，人講：「囝無嫌父母散赤」，台灣閣卡 （bai2），伊是咱的國家，是生我飼我的父母， 使放撒，只希望咱的政府，愛想出辦法，來改善治安。
最近，政府提出「全民按奈指紋」的政策，「人權」團體，大力抗爭，以我做人阿母，做人老師的立場，我舉雙手贊成。咱即碼的台灣，就是傷（太）自由，傷過於注重人權，煞去傷害著善良人的人權。若是真正會當改善治安，留落指紋有啥乜關係？重要的是指紋留落來以後運用管理的問題，才是政府愛慎重思考的問題。
會記舊年，因為社區裝閉路電視的問題，有人出來大聲反對，講啥乜侵犯著個人的「隱私」，佇街頭巷尾，有啥乜秘密？最近真濟大案件，攏是靠遮的閉路電視才破案的，敢不是？真濟公共利益，攏加減愛損失個人的利益，少少的不便，成就大眾的方便，有啥乜不好？我顛倒希望阮兜附近加設寡仔閉路電視，我若卜出門也不免逐擺都請人來顧厝。
想卜治安好，我感覺咱的刑罰實在是傷（太）輕也，警檢的看法無一致也是一個問題。尤其是強姦犯，判刑實在是傷（太）過輕，有一個用竹篙仔傷害細漢囡仔的強姦犯，竟然無構成強姦犯罪，佇強姦犯的部份判無罪；其他的強姦罪，攏嘛關幾個月就放出來閣繼續傷害查某人，勿愛 講查某囡仔，連阮遮的老歲仔都驚甲不敢出門。人講亂世用重典，佇迹爾亂的社會，希望用刑會當有作用，希望政府會當摕出魄力，予阮一個無驚惶的生活空間。
2005.3.25
二、今旦日介紹的姓是
1.鄧麗君的「鄧」音ting7。
2.馬英久的「馬」音ma2。
3.倪敏然的「倪」，音ge5；夏禕的「夏」音ha7；馮寶寶的「馮」音pang5。
三、台灣諺語、俗語：
下林仔水，食會嫷。
台南的「下林仔」，佇即碼西門路佮永華路西爿。當時的「下林仔」，面對古台江，泉水甘甜，即碼猶保存兩口荷蘭井，佇猶未有自來水設施以前，台南市的飲用水攏來遮取用，我的母親是府城人，我結婚以後滯佇三官路，伊共我講：「好，滯遐真好，下林仔水，食會嫷。」
閣有人講：「食著下林仔水，會變形。」台南靠海的所在，像喜樹仔、灣裡、鯤鯓、安南等，平常時取用海邊的井水或者是「窟仔水」，閣鹹閣澀，若是來城內，啉著「下林仔」甘美的井水了後，才發現滯佇「海口」的生活實在是真艱苦，連啉的水都綴人 著，所入城以後，思想、行為、生活態度、價值觀攏有真大的變化，所以就產生了「會變形」的謔語。
另外有一句「食王城水無肥也會嫷」，王城，就是即碼的「安平古堡」，位佇台南西南靠海地區。台南西南靠海地區平常時取用海邊的井水或者是「窟仔水」，閣鹹閣澀，干礁「王城」的井水，閣甘閣甜。即碼延平街古井，有一說講是荷據時期開的，一說講是清朝咸豐年間，因為佇安平地勢較懸的「王城」附近，水源豐沛，水質清澈甘甜。捌有住戶利用遮的井水翕（hip4）「豆菜」（豆芽），翕出來的豆菜閣肥閣嫩，青脆甘甜，慕名來買的人真濟。閣因為滯佇「王城」附近的小姐，攏是做生理的，逐個生做白白胖胖，無像「討海人」，風吹日曬。所以講：「食王城水、無肥也嘛會嫷。」
四、台灣歌詩、歌謠：
烏鶖咬咬啾 林福裕作曲、男聲：幸福男聲合唱團 女聲：紀乃涵。
林福裕，民國32年出世，台北木柵人，52年北師音樂系畢業。細漢的時綴外媽學真濟台灣囡仔唸謠，拍好伊音樂的基礎，創作真濟真好聽的台灣囡仔歌，親像：天烏烏、白鴒絲、火金姑、枋橋查某----等，因為曲調真嫷，所以無論大人囡子攏真愛唱。除了囡仔歌，伊嘛創作真濟真好聽的藝術歌曲。
幸福男聲合唱團由一群愛鄉土的音樂家組成，主要是卜為台灣的鄉土發聲，為本土音樂釘根。
紀乃涵台灣南投人，文化大學音樂系畢業，主修聲樂，捌做過音樂老師。伊唱歌真有感情，中氣十足。
烏鶖 烏鶖 咬咬啾，赤肉搵豆油，豆油捧咧走，烏鶖汨嗎吼。
這是一條囡仔唸謠，佇北部傳唱，烏秋是一種中型、全身烏色的鳥仔。表面上咧寫一隻烏秋，真無容易才咬著一塊赤肉，準備卜搵豆油來食的時，豆油煞「予人」捧咧走，烏秋開喙大聲吼。
其實即條囡仔唸謠的內涵，是咧剾洗暴政之下，人民生活的困苦。無論是清朝抑是日據時代，台灣人生活攏真艱苦，食蕃薯配菜脯是真普遍的現像，真濟人愛佇過年過節拜拜了，才會當享受著魚、肉的滋味。有當時，連即種真罕得的機會都會「予人」剝削去。
台灣人佇人的壓制之下，「敢怒不敢言」，氣佇心肝內，不敢講出來，只好借著歌謠來表達怨怒的心聲。
歌謠，尤其是民謠，上會當反應出一般百性的心聲，佇歌謠歷史上，咱會當聽出，富裕安定的時代，歌聲平和快樂；壓迫戰亂的時代，歌聲怨怒不平，所以一部台灣歌謠史，會當講是一部台灣的歷史，身為台灣人， 使無注意著即點。
播出時間：逐禮拜拜五下埔6點到7點
播出內容：刊佇明日報個人新聞台紅樹林台語推展協會網站。
播出方氏：分四個單元：
一、拍喙鼓：
「少年囡仔學台語，阿公阿媽真歡喜，乖孫真正有志氣，台灣一定出頭天。」。各位聽眾朋友逐家好！又閣是咱「台語觸喙鼓」的時間，歡迎各位聽眾朋友做伙來聽台語、學台語、講台語，了解台灣事，台灣心，台灣情，予滯佇台灣的各族群，予咱的母語文化會當永永遠遠一直生湠落去。
即幾年，台灣的治安會使講是 甲無法度通形容，不但是「亮起紅燈」，假若是「無政府」的國家咧！烏道橫行霸道；詐騙集團，無法無天。囡仔去學校上課，驚人綁票；查某人行佇街路，隨時都煩惱有人會來搶；駛車車門愛隨時關稠稠（tiau5），若無，可能有人會「予人」開門恐嚇；就是關門厝內坐，嘛隨時會接著恐嚇詐騙的電話。卡早講貪心的人才會「予人」騙去，即碼利用親人的吼聲，來恐嚇汝，做父母的人，逐日提心吊膽；銀行的存款，隨時會消失去，台灣都強卜 滯得矣，「大哥」的死，政府官員、政黨的高層相爭參加，電視報紙相爭報導，穿烏衫的少年人比一間學校的學生卡濟，看起來真囂俳的款，我看著心會疼！即種場面若予遐的不捌世事的少年囡仔看著，哪會 想卜加入烏道的行列咧？
有一擺我佮幾個阿媽級、阿母級的朋友講著台灣的治安，逐家攏真煩惱，苦勸我三個佇國外讀冊的囡仔，毋通轉來，台灣 滯得矣。雖然安爾，我猶是愛 轉來，人講：「囝無嫌父母散赤」，台灣閣卡 （bai2），伊是咱的國家，是生我飼我的父母， 使放撒，只希望咱的政府，愛想出辦法，來改善治安。
最近，政府提出「全民按奈指紋」的政策，「人權」團體，大力抗爭，以我做人阿母，做人老師的立場，我舉雙手贊成。咱即碼的台灣，就是傷（太）自由，傷過於注重人權，煞去傷害著善良人的人權。若是真正會當改善治安，留落指紋有啥乜關係？重要的是指紋留落來以後運用管理的問題，才是政府愛慎重思考的問題。
會記舊年，因為社區裝閉路電視的問題，有人出來大聲反對，講啥乜侵犯著個人的「隱私」，佇街頭巷尾，有啥乜秘密？最近真濟大案件，攏是靠遮的閉路電視才破案的，敢不是？真濟公共利益，攏加減愛損失個人的利益，少少的不便，成就大眾的方便，有啥乜不好？我顛倒希望阮兜附近加設寡仔閉路電視，我若卜出門也不免逐擺都請人來顧厝。
想卜治安好，我感覺咱的刑罰實在是傷（太）輕也，警檢的看法無一致也是一個問題。尤其是強姦犯，判刑實在是傷（太）過輕，有一個用竹篙仔傷害細漢囡仔的強姦犯，竟然無構成強姦犯罪，佇強姦犯的部份判無罪；其他的強姦罪，攏嘛關幾個月就放出來閣繼續傷害查某人，勿愛 講查某囡仔，連阮遮的老歲仔都驚甲不敢出門。人講亂世用重典，佇迹爾亂的社會，希望用刑會當有作用，希望政府會當摕出魄力，予阮一個無驚惶的生活空間。
2005.3.25
二、今旦日介紹的姓是
1.鄧麗君的「鄧」音ting7。
2.馬英久的「馬」音ma2。
3.倪敏然的「倪」，音ge5；夏禕的「夏」音ha7；馮寶寶的「馮」音pang5。
三、台灣諺語、俗語：
下林仔水，食會嫷。
台南的「下林仔」，佇即碼西門路佮永華路西爿。當時的「下林仔」，面對古台江，泉水甘甜，即碼猶保存兩口荷蘭井，佇猶未有自來水設施以前，台南市的飲用水攏來遮取用，我的母親是府城人，我結婚以後滯佇三官路，伊共我講：「好，滯遐真好，下林仔水，食會嫷。」
閣有人講：「食著下林仔水，會變形。」台南靠海的所在，像喜樹仔、灣裡、鯤鯓、安南等，平常時取用海邊的井水或者是「窟仔水」，閣鹹閣澀，若是來城內，啉著「下林仔」甘美的井水了後，才發現滯佇「海口」的生活實在是真艱苦，連啉的水都綴人 著，所入城以後，思想、行為、生活態度、價值觀攏有真大的變化，所以就產生了「會變形」的謔語。
另外有一句「食王城水無肥也會嫷」，王城，就是即碼的「安平古堡」，位佇台南西南靠海地區。台南西南靠海地區平常時取用海邊的井水或者是「窟仔水」，閣鹹閣澀，干礁「王城」的井水，閣甘閣甜。即碼延平街古井，有一說講是荷據時期開的，一說講是清朝咸豐年間，因為佇安平地勢較懸的「王城」附近，水源豐沛，水質清澈甘甜。捌有住戶利用遮的井水翕（hip4）「豆菜」（豆芽），翕出來的豆菜閣肥閣嫩，青脆甘甜，慕名來買的人真濟。閣因為滯佇「王城」附近的小姐，攏是做生理的，逐個生做白白胖胖，無像「討海人」，風吹日曬。所以講：「食王城水、無肥也嘛會嫷。」
四、台灣歌詩、歌謠：
烏鶖咬咬啾 林福裕作曲、男聲：幸福男聲合唱團 女聲：紀乃涵。
林福裕，民國32年出世，台北木柵人，52年北師音樂系畢業。細漢的時綴外媽學真濟台灣囡仔唸謠，拍好伊音樂的基礎，創作真濟真好聽的台灣囡仔歌，親像：天烏烏、白鴒絲、火金姑、枋橋查某----等，因為曲調真嫷，所以無論大人囡子攏真愛唱。除了囡仔歌，伊嘛創作真濟真好聽的藝術歌曲。
幸福男聲合唱團由一群愛鄉土的音樂家組成，主要是卜為台灣的鄉土發聲，為本土音樂釘根。
紀乃涵台灣南投人，文化大學音樂系畢業，主修聲樂，捌做過音樂老師。伊唱歌真有感情，中氣十足。
烏鶖 烏鶖 咬咬啾，赤肉搵豆油，豆油捧咧走，烏鶖汨嗎吼。
這是一條囡仔唸謠，佇北部傳唱，烏秋是一種中型、全身烏色的鳥仔。表面上咧寫一隻烏秋，真無容易才咬著一塊赤肉，準備卜搵豆油來食的時，豆油煞「予人」捧咧走，烏秋開喙大聲吼。
其實即條囡仔唸謠的內涵，是咧剾洗暴政之下，人民生活的困苦。無論是清朝抑是日據時代，台灣人生活攏真艱苦，食蕃薯配菜脯是真普遍的現像，真濟人愛佇過年過節拜拜了，才會當享受著魚、肉的滋味。有當時，連即種真罕得的機會都會「予人」剝削去。
台灣人佇人的壓制之下，「敢怒不敢言」，氣佇心肝內，不敢講出來，只好借著歌謠來表達怨怒的心聲。
歌謠，尤其是民謠，上會當反應出一般百性的心聲，佇歌謠歷史上，咱會當聽出，富裕安定的時代，歌聲平和快樂；壓迫戰亂的時代，歌聲怨怒不平，所以一部台灣歌謠史，會當講是一部台灣的歷史，身為台灣人， 使無注意著即點。