2005-08-06 16:06:21藍淑貞
長榮之聲【台語觸喙鼓】11
FM88.3 STAR RADIO長榮之聲【台語觸喙鼓】11
主持人：陳淑蓉小姐、紅樹林台語推展協會會長藍淑貞老師。
播出時間：逐禮拜拜五下埔6點到7點
播出內容：刊佇明日報個人新聞台紅樹林台語推展協會網站。
播出方氏：分四個單元：
一、拍喙鼓：
「台語聲調有夠嫷，親像咧唱DO RE MI，唱甲心花開開開，逐家聽甲醉醉醉。」各位聽眾朋友逐家好！今仔日又閣是咱「台語觸喙鼓」的時間，歡迎各位聽眾朋友做伙來聽台語、學台語、講台語，了解台灣事，台灣心，台灣情，予滯佇台灣的各族群，予咱的母語文化會當永永遠遠一直生湠落去。
自從發現資深藝人倪敏然吊脰（tau7）自殺了後，歸半個月來，台灣的媒體，一直重復咧報導即層消息，啥乜落觀音、托夢、附身的靈異事件，講甲有聲閣有影。伊的八掛婚外情，也ㄧ直咧炒，尤其伊佮夏禕的婚外情，一寡仔藝人一直咧怪夏禕，講倪敏然的死是伊逼死的。遮的做法佮講法，我感覺會予台灣的社會起真 1的示範。媒體報導，倪敏然死亡的消息公布了後的幾日內底，就發生差不多有二十件的自殺案件。
雖然倪敏然佇藝界有真大的貢獻，伊「七先生」的角色，也捌帶予台灣人真大的快樂，即方面，咱會當共伊肯定。不過，伊一世人行過來，一直咧佮查某人牽纏，伊的名言是「先騙，騙 過就坦白。」（上電視的人講的）聽講伊十八年前，咧逐馮寶寶的時，為著卜感動馮寶寶，越洋送伊歸房間的花。交往兩年了後，有一擺，因為倪敏然卜來香港看馮寶寶，馮寶寶為著卜確定倪敏然來香港的時間，敲電話問倪敏然，無想著接電話的是伊的太太李麗華，馮寶寶才發現伊已經是一個有某囝的人，才決心切斷即段孽緣。
我不知夏禕是不是即種情形，不過，我卜強調的是「已經結婚的人是無談戀愛的權利」，遐的責備夏禕的人，不知有想著即點嘸？自殺的原因敢一定著愛查甲清清楚楚？俗語講：「錢無兩個｛勿會｝｛耳真｝（tan5）２，夏禕想卜得名份嘛是真自然的代誌。當初伊卜逐夏禕的時就愛想著矣，敢不是？倪賓講：「倪哭泣，怕夏懷孕。」（5/8聯合報）講倪敏然煩惱夏禕「有身」，才來逼死倪敏然，當初伊卜佮夏禕鬥陣的時就愛想著可能會「有身」，敢不是？家己「摕 起閣囥 落」，遐的朋友一直罵夏禕，敢有公平？
佇即個事件當中，受害上深的當然是伊的某囝佮年老的老母，倪敏然放咧做伊去，完全無想著某囝佮老母的艱苦心，敢是一個有擔當的做法？不過，李麗華過度的包容，對倪敏然的婚外情，竟然講：「既然他們那麼相愛，我怎麼忍心拆散他們。」雖然表現出伊溫柔賢淑的一面，不過即種古早「三從四德」的包容，會帶予台灣的查某人真大的困擾。以後台灣的查甫人，愈卡有理由替家己的婚外情尋理由，愈卡有理由替家己的婚外情責備家己的牽手。
只不過是一個藝人無負責任的死，所有的媒體敢需要連紲歸半個月的大篇報導？感情的代誌雖然無「啥人」著，「啥人」不著，不過「已經結婚的人是無談戀愛的權利」是絕對無錯的。倪敏然佇戲台頂演一世人的好戲，煞以婚外情即場歹戲收煞，實在真可惜，希望台灣的查甫人愛會記即個教訓。
好佳哉落尾倪敏然家屬有出來向社會會失禮，講這是一個錯誤的示範，伊的牽手李麗華確實是一個明理勇敢的人，希望伊會當看破，面對現實，徛佇家己的立場，活出家己，好好成（chia5）養囡仔大漢，也是表現伊對倪敏然上深的愛。祝福伊！
註：1. ｛禾黑｝：壞，不好。 2.｛勿會｝｛耳真｝：不響。
二、今旦日介紹的姓：今旦日講著三個人的姓，咱就討論即三個姓
1、倪敏然的「倪」，音ge5
2、夏禕的「夏」音ha7
3、馮寶寶的「馮」音pang5
4、城仲模的「城」音siann5佮范勝雄的「范」。音huan7。
三、台灣諺語、俗語：
chau2 te7 lang5 kiann1 liah8 hu2 siann5 lang5 kiann1 ciah8
草 地 人 驚 掠， 府 城 人 驚 食。
草地人就是莊跤人，以前草地人大多數是佃農，地主大多數是府城人。
以前府城的業戶，掌握草地人的經濟大權，若傷慢交稅租，會派人來掠，有「里正催租來捉人」的現象，所以草地人上驚「掠」。草地人除了交稅租以外，若有好的土產，會帶一寡仔送予府城的業主，府城的業主免不了招待 食一頓，因為草地人做的是勞動粗重的工課，攏真 食，府城人感覺算 和，所以講：「府城人驚食」。 其實，即個「驚食」，可能是個人角度的問題，「府城人」無咧勞動，所以食少食巧；草地人做的是勞動粗重的工課，食粗飽就好，食巧的結果，就是枵腹肚轉去。
四、台灣歌詩、歌謠：
今仔日來聽一首囡仔歌：「日頭花」，由我作詞、王明晢作曲。台灣人所講的日頭花有兩種，一種是生著真低，花蕊細蕊細蕊，有大紅、粉紅、紫紅等，色緻真豔，攏種佇花園的四箍笠仔，日頭出來就開，日頭落山就lian1，所以有人講是日頭花；另外一種就是一般所講的「向日葵」。我做囡仔時代所看著的日頭花，花身比囡仔卡懸，花真大蕊，攏種歸坵，看起來真嫷，可能是咧收成「葵瓜子」的。即種花會綴日頭轉向，真特別。即碼有改良種，用來做插花的花材。
日頭花
日頭花 軟腰枝
開甲赫大蕊
看著日頭笑微微
看甲笑微微
日頭花 軟腰枝
開甲赫爾嫷（sui2）
看著日頭笑微微
看甲笑微微
對東爿到西爿（ping5）
綴甲頭攲攲（khi1）
對東爿到西爿
綴甲日頭走去覕（bih4）
主持人：陳淑蓉小姐、紅樹林台語推展協會會長藍淑貞老師。
播出時間：逐禮拜拜五下埔6點到7點
播出內容：刊佇明日報個人新聞台紅樹林台語推展協會網站。
播出方氏：分四個單元：
一、拍喙鼓：
「台語聲調有夠嫷，親像咧唱DO RE MI，唱甲心花開開開，逐家聽甲醉醉醉。」各位聽眾朋友逐家好！今仔日又閣是咱「台語觸喙鼓」的時間，歡迎各位聽眾朋友做伙來聽台語、學台語、講台語，了解台灣事，台灣心，台灣情，予滯佇台灣的各族群，予咱的母語文化會當永永遠遠一直生湠落去。
自從發現資深藝人倪敏然吊脰（tau7）自殺了後，歸半個月來，台灣的媒體，一直重復咧報導即層消息，啥乜落觀音、托夢、附身的靈異事件，講甲有聲閣有影。伊的八掛婚外情，也ㄧ直咧炒，尤其伊佮夏禕的婚外情，一寡仔藝人一直咧怪夏禕，講倪敏然的死是伊逼死的。遮的做法佮講法，我感覺會予台灣的社會起真 1的示範。媒體報導，倪敏然死亡的消息公布了後的幾日內底，就發生差不多有二十件的自殺案件。
雖然倪敏然佇藝界有真大的貢獻，伊「七先生」的角色，也捌帶予台灣人真大的快樂，即方面，咱會當共伊肯定。不過，伊一世人行過來，一直咧佮查某人牽纏，伊的名言是「先騙，騙 過就坦白。」（上電視的人講的）聽講伊十八年前，咧逐馮寶寶的時，為著卜感動馮寶寶，越洋送伊歸房間的花。交往兩年了後，有一擺，因為倪敏然卜來香港看馮寶寶，馮寶寶為著卜確定倪敏然來香港的時間，敲電話問倪敏然，無想著接電話的是伊的太太李麗華，馮寶寶才發現伊已經是一個有某囝的人，才決心切斷即段孽緣。
我不知夏禕是不是即種情形，不過，我卜強調的是「已經結婚的人是無談戀愛的權利」，遐的責備夏禕的人，不知有想著即點嘸？自殺的原因敢一定著愛查甲清清楚楚？俗語講：「錢無兩個｛勿會｝｛耳真｝（tan5）２，夏禕想卜得名份嘛是真自然的代誌。當初伊卜逐夏禕的時就愛想著矣，敢不是？倪賓講：「倪哭泣，怕夏懷孕。」（5/8聯合報）講倪敏然煩惱夏禕「有身」，才來逼死倪敏然，當初伊卜佮夏禕鬥陣的時就愛想著可能會「有身」，敢不是？家己「摕 起閣囥 落」，遐的朋友一直罵夏禕，敢有公平？
佇即個事件當中，受害上深的當然是伊的某囝佮年老的老母，倪敏然放咧做伊去，完全無想著某囝佮老母的艱苦心，敢是一個有擔當的做法？不過，李麗華過度的包容，對倪敏然的婚外情，竟然講：「既然他們那麼相愛，我怎麼忍心拆散他們。」雖然表現出伊溫柔賢淑的一面，不過即種古早「三從四德」的包容，會帶予台灣的查某人真大的困擾。以後台灣的查甫人，愈卡有理由替家己的婚外情尋理由，愈卡有理由替家己的婚外情責備家己的牽手。
只不過是一個藝人無負責任的死，所有的媒體敢需要連紲歸半個月的大篇報導？感情的代誌雖然無「啥人」著，「啥人」不著，不過「已經結婚的人是無談戀愛的權利」是絕對無錯的。倪敏然佇戲台頂演一世人的好戲，煞以婚外情即場歹戲收煞，實在真可惜，希望台灣的查甫人愛會記即個教訓。
好佳哉落尾倪敏然家屬有出來向社會會失禮，講這是一個錯誤的示範，伊的牽手李麗華確實是一個明理勇敢的人，希望伊會當看破，面對現實，徛佇家己的立場，活出家己，好好成（chia5）養囡仔大漢，也是表現伊對倪敏然上深的愛。祝福伊！
註：1. ｛禾黑｝：壞，不好。 2.｛勿會｝｛耳真｝：不響。
二、今旦日介紹的姓：今旦日講著三個人的姓，咱就討論即三個姓
1、倪敏然的「倪」，音ge5
2、夏禕的「夏」音ha7
3、馮寶寶的「馮」音pang5
4、城仲模的「城」音siann5佮范勝雄的「范」。音huan7。
三、台灣諺語、俗語：
chau2 te7 lang5 kiann1 liah8 hu2 siann5 lang5 kiann1 ciah8
草 地 人 驚 掠， 府 城 人 驚 食。
草地人就是莊跤人，以前草地人大多數是佃農，地主大多數是府城人。
以前府城的業戶，掌握草地人的經濟大權，若傷慢交稅租，會派人來掠，有「里正催租來捉人」的現象，所以草地人上驚「掠」。草地人除了交稅租以外，若有好的土產，會帶一寡仔送予府城的業主，府城的業主免不了招待 食一頓，因為草地人做的是勞動粗重的工課，攏真 食，府城人感覺算 和，所以講：「府城人驚食」。 其實，即個「驚食」，可能是個人角度的問題，「府城人」無咧勞動，所以食少食巧；草地人做的是勞動粗重的工課，食粗飽就好，食巧的結果，就是枵腹肚轉去。
四、台灣歌詩、歌謠：
今仔日來聽一首囡仔歌：「日頭花」，由我作詞、王明晢作曲。台灣人所講的日頭花有兩種，一種是生著真低，花蕊細蕊細蕊，有大紅、粉紅、紫紅等，色緻真豔，攏種佇花園的四箍笠仔，日頭出來就開，日頭落山就lian1，所以有人講是日頭花；另外一種就是一般所講的「向日葵」。我做囡仔時代所看著的日頭花，花身比囡仔卡懸，花真大蕊，攏種歸坵，看起來真嫷，可能是咧收成「葵瓜子」的。即種花會綴日頭轉向，真特別。即碼有改良種，用來做插花的花材。
日頭花
日頭花 軟腰枝
開甲赫大蕊
看著日頭笑微微
看甲笑微微
日頭花 軟腰枝
開甲赫爾嫷（sui2）
看著日頭笑微微
看甲笑微微
對東爿到西爿（ping5）
綴甲頭攲攲（khi1）
對東爿到西爿
綴甲日頭走去覕（bih4）