無無聊聊更新一下

今日終於谷盡所有動力去補拍畢業證書個人頭相
先行十五分鐘去巴士站
再搭十分鐘車程

雖然之前已經睇定地圖了解下間野ge所在位置
但當入到去某棟大廈已經俾個保安問去邊度時
她驚訝地叫我還要向前行500米or1000米咁上下
反正睇佢表情語氣就係要行好耐

而且個天鐘意係你冇帶遮ge時候落雨
一直毛毛雨淋又淋你唔濕咁
結果行到比預想中遠ge地方先搵到

入到去已見好幾個同道中人等緊影相
自己執下個樣佢不足5秒就同你影完
仲要俾20蚊攝影費連同一張光碟

女生: 我自己用U盤拷過來不就行了嗎?
負責人: 這個...現在不好拷了吧,反正幫你刻一張存底
女生: ......
Me: (這就是屈錢之道喇, 650KB ge相燒一隻650MB ge CD-R)

回來打開一看
嗯...
第時張畢業證書一定唔見得光

---

又在飯堂食飯時
對面坐著一男一女
便開始研究一下他們倆的關係

男的全程在低頭吃飯
女的也差不多一直在吃飯
偶爾感受到我的目光而偷望我一下
或者對著男的飯像在思考甚麼的
這樣也好
我地三個陌生人默默吃飯叫做有個伴

但又唔明女的為何要坐在兩個男的中間夾住?
又不是沒有其他位置坐
這個有待研究...

終於等到佢地兩個同時食完飯
男的放下匙羹很迅速地從女的背後攞包紙巾抺嘴
女的也開始跟他聊起天來
......
原來大家可以齋食飯唔傾計...


之後換來另一個男的坐下來
起初唔知佢同緊邊個講野
係度自言自語
抬頭一看才知傾緊電話

男的內容大概:
哎..我在吃飯啊
你不相信我也沒辦法呀
我已經跟你說過很多遍啦
哎,你不出聲我也沒話說啊
我都叫你不要xxxxxxxxxx

反正聽得出男的全程食住個女
其實有d鄙視咁ge男人
都唔識就下d女仔
下下壓住人咁
但又會有女仔咁順從咁聽話
總之一個願打一個願捱就係...

---

唔知點解咁多廢話講
早睡早起身體好
瞓覺...


-5/3/2009-