尋晚九點鐘就去訓覺了，對上一次咁早訓都唔知係幾時lu。咁早訓覺都係因為當天早上六點幾先返到宿舍，勉強的睡了幾小時便起身，事關平安夜前一晚又被邀請去唱K。

今次又俾我發現一個曉唱廣東歌ge女同學，但唔再局限於咸豐年代ge歌曲，而係流行歌，如果只係聽佢唱歌ge話，真係以為佢係廣東人...=.= (佢自己都話曾經以「我係廣東人」呢五隻字呃到唔少來自廣東ge同學) 唔止咬字準確，仲唱得鬼死咁好。當被問到有冇聽過Eason的「富士下山」、「Lonely Christmas」、「十面埋伏」ge時候，對於還停留在「Shall We Talk」ge本人黎講的確是一個比較新的名詞...幸好再被問到識唔識唱古巨基ge「~做隻貓做隻狗不做情人~」我還曉得和她合唱。原來佢平時都只係鐘意聽粵語歌或者英文歌，很少聽普通話歌，哈，似足我唔鐘意聽番粵語歌咁~~人，就是這樣古怪的動物。^^

原本仲諗住教識d同學玩大話骰，等自己全程都冇咁悶嘛，無奈當時俾d侍應知道左我地偷偷地自備d啤酒入黎，反串我話「公司規定要買啤酒先可以送，不好意思。」d同學都又可以全程都淨係唱歌，咁我都冇野好講...

＝．＝．＝．＝．＝．＝．＝．＝．＝．＝．＝．＝．＝．＝．＝．＝．＝

在唱K之前還和「澳門同胞」的幾個人去了一間中西合壁的餐館鋸排，呢間鋪果然夠中西融合，因為你可以一邊拿著刀叉鋸住塊胡椒味十足ge排，一邊轉身拿蝦蛟燒賣鳯爪食...=.= 不過原來呢度都可以一嘗飲茶ge滋味ge~~

＝．＝．＝．＝．＝．＝．＝．＝．＝．＝．＝．＝．＝．＝．＝．＝．＝

忙碌的十二月尾&一月啊，有些壓迫感的忙忙碌碌生活也是不錯的。不過忙裡偷閒和室友捉下象棋也不錯哦，不知為何近排咁有興致去擺兵佈陣...@_@

＝．＝．＝．＝．＝．＝．＝．＝．＝．＝．＝．＝．＝．＝．＝．＝．＝

睇過下我d精挑細選出黎ge相的朋友們啊，每張相ge下面都可以留下言ga~~可憐我為每一張相都寫左個簡介...>.< (被請求的人是否永遠覺得高貴，而請求者又是否份外低微ge呢?) 另外我個棵祝願聖誕樹又冇收到祝福...掛滿裝飾物後盞燈會一閃一閃的...唉，只好係度「撻」人地張圖過黎擺下la~~

                       ～☆～◎～讓星星點綴成最浪漫的夜晚～◎～☆～