我要為專業而努力打機~~haha

自從有了無限上網的極速寬頻服務後，差不多日日夜夜都download一些1.xGB、2.xGB檔案，搞到現在80GB的Harddisk已經不夠用了...= = 初時同房的知我讀城市規劃，問我係咪好鐘意玩SimCity，死!以前我只係裝過黎睇下，根本冇玩過...結果前幾日我就down左個最新版本來玩! 結果一玩就即刻玩上癮了~~~

模擬城市4是一款城市規劃的遊戲(擺明完全為我而設啦)，遊戲中你可以扮演上帝(開闢山河、創造生物、控制風雨)和扮演一名普通的市長管理一個城市。我玩落先發覺做管理好一個城市真係唔簡單，淨係在邊度起住宅區、商業區和工業區已經搞到我好頭痛，規劃好地皮後麻煩事仲多，又要起學校、消防局、警察局、發電廠(又會造成污染...= =)、水廠(又要額外起地下水管、仲要駁條架空電纜輸電俾佢...)等等，之後玩玩下財政部d人又話放得太多成本落消防局和警察局，搞到每個月都蝕緊錢，咁我咪收窄資金lor，點知過左冇幾耐消防局和警察局d人玩罷工，仲上埋街抗議，話市長只聽財政部d人，嚴重莫視消防、警察的權利，天呀!多麼困難的管理啊~~>_< 仲有的是，當越來越多人搬入黎住個時，路面車輛情況嚴重阻塞，交通部個d人就話要將街道改成大道，增加車輛的流量，咁我咪又張多條街道改建成大道，點知d居民又話「美好的街道將要從此消失了，每處地方都成為嘈吵的聲音。」唉!做人難，做好人更難呀!!! 加上個城市俾我起到超核突，d地起到東一塊、西一塊，睇落去好似唔多美觀咁...= =

難道我真的連遊戲裡的城市也搞不掂嗎!?

----------------------------------------------------------------------------------------------------------------------------
土木工程那本書很難...很難...功課完全唔識做...等死...等死...城市規劃，真的不易學...