回澳的一個星期中也沒有甚麼特別的事情好做! 那自然也沒有甚麼事情與大家分享吧! 結果只好寫幾句說話。

星期二就要返回武漢那邊了，不經不覺在澳門逗留的日子已經有整個星期了，我亦在家中發臭了一個星期呢...唯一的小節目算是約了峰和昊在街上無聊的逛，打了半個鐘波，用了大半個鐘睇人地打機，到最後用左大大半個鐘同人挑機，就係咁樣度過國慶的一天。

唉! 難得咁快就見番個乖仔，我媽媽當然有「特別」ge照顧la，一返來就煲雞湯我飲，而且我回來後那幾天差不多日日都吃足三碗飯才飽，食碗肉丸粥都可以食晒入面七八粒肉丸(係前所未有ga)，在武漢真係連見一塊大少少的肉片也甚覺艱難，有就有的，只不過不是在「學生飯堂」出現，而是要到一些較高級的餐廳才有(當然就要付出更多$$)。我上次就是被騙了，他們用鹵水汁將d豆腐和微量肉片混在一起，搞到我一眼望落去以為有咁多咁大塊ge肉食~~咪第一時間叫做呢樣餸，唉!點知食落先知係咩一回事，結果只能靠那幾塊薄薄的肉片來滿足我ge食「肉」需求啊~~