就在入火車前的一剎那，我看著那破破舊舊的、長長的、一卡接一卡的火車時，心情突然興奮起來，事關我從未搭過火車啊~~還有要在這裡度過一個未知的晚上呢~~

初時經過候車室時，眼見人山人海，各人的衣著也不太光鮮，真像電視劇乘搭火車的平民一樣，當時我也想到火車卡內的環境也更不會好得那裡，又要搭足11小時，頓時希望乘坐飛機回澳，快捷又方便。出乎意料之外，入到車廂內，見到整潔的床單，見不到「賊眉賊眼」的大叔，聽到幾個嬰兒的「交響曲」後，心裡才放下一頭大石，相信我還可以接受這晚的旅程吧! (可惜沒有帶相機去武漢呀~~不能拍下照片，其實車內環境也不算太靚嘛，只是預先想定最差的情況罷了~~)

火車準時在七點正開出了(真慶幸我們能趕得上)，想不到我除了在電腦/電視上聽到的轟轟火車聲，現在也可以親自感受一下了，相信在車廂內最嘈吵的可算是我們了，嘈得來還要別人聽不懂呢...聽過領導人幾句的說話後，便開始各自修行了，那時還只是七點幾，不想太快再吃自備的杯面，再加上領導人在旁慫恿我和同房男仔到女仔那邊玩鋤大D(她們在武漢買了一副「武漢撲克牌」，正如我們在北京見到的一樣，每張都印了一些當地風景，想要的話我再買給你們做手信吧~~)，我們也很難推卻別人的好意嘛~~所以我們倆便順他的意思一齊走過玩了~~^.^ 我地兩條友仔還大口氣地說道:「唉...我地都唔想抄晒佢地喎~~」，結果我一落場ge第一副牌就有4隻Dee，HAHA~天助我也，咁快就俾我發威~~結果我當然就順利開齋先la~(唔係有4隻Dee都輸卦...= =)，但呢個世界真係天外有天，人外有人，估唔到d女仔原來個個係賭后...= = 之後係咁嬴落去，我同房ge就一直未嬴過，有時我地兩個仲俾佢地抄鍋甘...簡直係難以相信啊~~>.<

玩到九點鐘，聽d師兄話十點就關燈，所以係時候要食面了，在火車有埋熱水供應都唔錯吧! 個d又真係「熱」水，熱死人都得，即使我好小心咁都俾佢燙親一下...食埋面，呆坐一回便去睡覺了，廂內d床係三層式，上中下咁樣，我都唔知算唔算好采，原先睡中床，但後尾有個師姐(之前話好靚戈個呢，唉...係火車度先知佢已經名花有主)話想同我調，佢訓下床，又問我訓覺有冇鼻「寒」聲，怕唔怕咁...一聽就知咩事la，原來佢隔離對上條佬訓覺時發出超級無敵ge聲音，連隔離再隔離ge我都聽到，唉!冇計，gentleman嘛...又係時候拎d gentle風度當飯食...

睡到10:40pm左右，突然人有三急醒左，咪走去洗手間，點知去到見到兩間個lock顯示有人，咪等下lor，點知等左一個字，入面好似冇乜反應咁，再細望下度門，上面寫住「停車時請勿使用」，oh! damn! 乜依家停左車咩? feel下又好似係喎! 望下個窗見到個吊牌寫住長沙站，哇!來到湖南省了，再過就係廣東省了(hehe，我的地理還好嘛~~)，結果迫於無奈返番去張床，等足半個鐘先開車，搞到我都驚驚地，唔知有冇中尿毒...= =

就係咁一覺訓到5:50am了，俾其他人嘈鬼醒了，過多陣連燈都著埋，仲播d好悠和ge音樂叫醒埋其他人，我咪起身洗下面咁就返番自己張床睇風景，總算俾我睇到日出了，雖然睇到少少光，但都好過冇野睇嘛~~就係咁樣坐多過一個鐘就到達目的地---廣州，然後坐兩個半鐘車返黎，終於再次感受到家庭氣息了。