唉! 其實我都唔想寫喇! 相信寫左都會好無聊，不過也寫d野俾大家睇睇吧!

中秋的早晨睡到10:00am(平時的起床時間)，然後走上天台”浪”衫，之後一直上網玩樂一番，大約到了11:45am左右，準備出去食午飯之際，我同房的一位收到電話，話有幾個女仔準備去食自助火鍋，結果我就同埋我同房個兩位一齊去食喇~~，結果去到之後見到大排長龍，唉!起初諗住走人，但d女仔又話照排，結果排足大半個鐘終於可以食了，但以$30任食火鍋又的確幾抵食ge，仲要係一人一個細爐，夠晒衛生la。一坐落就即刻見到幾個大大隻ge字，寫住:結賬時枱上總計食剩食物如果超過100克，便要加多50元，仲要限時食2個鐘，心想當時應該冇乜問題ge，之後再眼見拿肥牛個位有超多人排緊隊，所以一開始就食d其他野先，佢個度都幾多選擇，有點心、水果、熟食ge都有，最喜歡就係可以自己去調醬汁，我用左芝麻醬加辣椒汁，呢兩個組合真係溝得太完美了，香濃的芝麻味加少少微辣ge感覺，放乜落去食都變得異常好味道，食完一輪後，就去排隊拿牛肉食，唉!可憐我地排左四五個字都好似冇郁過咁，原來就係切片個部機壞壞地，搞完一輪之後先快番d...最後我地三個男仔一共拿左6碟大肥牛，可惜個時已經得番半個鐘，死喇! 邊食得切，之後我地個個咩都唔”綠”先，係咁放晒d牛肉落去煮，係咁食呀食呀!d人又係度一路食一路講笑，搞到食ge速度慢左幾拍，唉!食下食下始終發覺唔多掂，結果我地就俾左碟人地，免費送碟牛肉你，係人都要la~~其實初時食極都唔覺飽，但最後沖刺時刻係咁搏命食牛肉，原來咁樣就可以令到你食到飽一飽，係咁在幾個字內狂食野落肚...= =結果到最後始終要用d非常手段喇= =v 把吃剩少少的東西(不包括肥牛，它已經清晒倉了~~)周圍搵地方放，就連裝固體酒精ge兜都唔放過...就係咁樣時間已經來到4:00pm了。