今天我到了噴水池做一份兼職工作，負責在攤位遊戲裡幫忙。整天的工作裡的確讓我大開眼界，使我真正明白到何謂”一樣米養百樣人”。有些成年人為了拿多幾份大獎品(粉紅小背囊一個=.=)，不惜放下面子，帶著一兩個孩子，先派出自己的寶貝，然後自己又說：”等媽媽/爸爸(主要聽到的是媽媽...)又玩埋一份啦!”結果一個大人玩著一些供孩子認識防火知識的遊戲(我的攤位主題是：如果家中洩漏石油氣，有那些事情是能/不能做的)，更甚的是開始時便由一個大人一手包辦，快快手便成功玩完了，而同行的那位小孩只是在旁發呆，甚麼知識也灌輸不到...

~~口頭語時間~~
唉!最難頂ge就係d阿婆師奶。阿婆呢!就真係似老賣老，有個阿婆幾有料呀!第一次黎就話手震(柏金遜嗎?)，話玩唔到，不如就咁俾我啦! 結果宇昊哥夠晒醒目，話唔駛佢郁，只係口頭上講邊d係做得/唔做得，已經幫埋佢玩，豈料佢又話唔識字呀~~好!!講埋俾佢聽!!跟住又話呢d野我都唔識ga...=.=唉!結果求求其其幫佢搞掂，送份”厚”禮就算數...哈!人ge貪念真係好鬼可怕，事隔一陣之後個阿婆又走埋黎，又話手震玩唔到，我同宇昊一眼就認出佢啦!點知佢又死口唔認話玩過，只係第一次玩! (食屎la) 結果在群眾壓力下佢只好親自動手，點鬼知隻手超級靈活咁貼晒d”YES”/”NO”，雖然錯左d，但都係照樣送禮~~~有d師奶就輪過好幾次，第二次黎個時我都記得佢個樣喇，點知仲俾我見到佢背後”咩”住先前個背囊(救命呀~~~)，唉!要咁多個把鬼咩，都唔知有咩用......有時遇到一d人問我拿多幾個時，真係搞到我不知所措，俾佢又驚其他人話唔公平，唔俾佢又好難推咁，結果我通常都係敗在他們的楚楚可憐ge眼光，額外醒多份俾佢。

不過，今次的工作我做得非常開心，維持排隊秩序、”boom”汽球、做”派波波佬”、主持”大局”、整理一份份的禮物等各樣工作我都試過。而我較喜歡做的便是主持遊戲了，看見各個可愛的小朋友單靠強勁的記憶力去極速完成遊戲時(排在後面的人預先記熟各個答案的位置=.=)，我都會慨歎他們是否明白這些知識/道理嘛...有時看見一些小朋友做得這麼快，我也會問一問他們為何這樣做是對的/錯的呢？可惜也沒有幾個人可以正確回答我的問題哦! 哈哈~~對著那些小朋友真的令人很開心啊~~~^.^ 希望他們知道萬一發生漏氣時要怎樣做啊!

想不到等到收工時那些人才瘋狂起來，不斷走過來要求拿各種禮物，唉!起初我們見還有很多剩下來，便派少少給他們，結果其他人看見便一湧而上，最後只好立即封箱散場吧! 而我自己也拿一份當留念呢!