好辛苦．．．今日發燒，但我仲要拿拿走去開工，因為公司冇人做野，
到左差唔多１０點幾，我知道自己捱唔到６點收工，
因為我已經嘔左兩次，全身發冷，兩腿開始抽筋，喉嚨發炎到講唔到野，
右手內側開始冇感覺，我同老闆講，我想即刻走，因為我要睇醫生，
但佢話過左兩點先啦，吓～～救命呀，我得返半條人命都冇，
你係咪人黎架，你病就得，我病就唔得，我打工咋，我欠左你咩．．．
終於佢都比我睇醫生，果時我都飄飄下架，
到診所，我探熱先知道係１０３度，我將所有病徵講出黎，
醫到都話，咁犀利，因為佢由細睇到我大，佢話咁你仲開工，我冇答佢．
我返到屋企食左四次藥，但都唔係話好好多，而家仲發冷，左右手內側冇咩感覺，
手指公係點打都冇ｆｅｅｌ，而家仲有小小發燒，好在聽日放假，唔係都唔知點．

咁我想問下，到而家都係有咁既徵狀，係咪正常架，要唔要去醫院睇，
但我驚要入院，因為我冇錢比得晒全部．