做食家絕對係一份優差，不但可以周圍去，又可以嘗盡美食。

好鍾意同 Daddy 去食o野，因為佢識好多o野，尤其係中國菜，d 名真係古靈精怪，完全唔可以「以名取food」。

由於要攞部notebook 去銅鑼灣整，加上老豆今日放假，所以我就提議整完電腦再去上環行o下，順便去食碗魚旦粉。去到上環佢o地就帶我去生記食粥，呢間o野都應該幾出名，未入去已經見到好多人等緊，玻璃貼滿晒 d 剪報，有蔡瀾o既亦都有日本雜誌o既，都有d 期待。不過食完就有d 失望，我要o左o既肉丸粥，d 粥都尚算ok，但係d 肉丸就完全唔掂，我o地又叫o左碗淨牛丸 (因為呢度出名)，都ok，好過d 肉丸好多。最後我o地一致通過，食粥都係花園街街市o既妹記係最正，有機會大家都去試o下la，不過佢淨係開早市到下晝 2 點，人一世物一世點都要試o下~

上環係一個我好鍾意o既地方。有好多不同o既古舊建築、古老店舖，christmas o既時候都會來這裡一遊，而新年時daddy, mammy 就會去買海味，我記得細個成日都去一間買鹹魚o既舖頭，入到去就聞到一陣陣香味，個伯伯同daddy 好熟，所以佢成日都會幫佢揀d 好o野 & 吹吹水；細個行海味舖唔o野做就會學d 大人一手撈起d 搖柱、冬菇、婽米往鼻前送，扮扮專家，很香。

上環就昰充滿人情味。

o個日重去o左將會拆o既印刷街，好充實o既一日。