o係加拿大o個時 K 茵已經話會預我陪佢睇一場阿Sam o既 concert，我一口就答應o左。基本上我係無咩特別期望，因為我唔係o個個年代o既人，阿 sam o係我腦袋裡面留下印象都係因為細個o個時入戲院睇"半斤八兩"，佢o既 MV 我係完全無印象 (所以我好鍾意無線早排播阿 sam d mv，真係好funny)，反而歌就 OK，不過我都想去聽o下，因為佢 d 歌真係好正，好地道香港化。

7.6.2004 (一)
有咁"arm" 得咁"橋"今日老豆同肥湄都放假，所以就全家一齊去九龍城find k 茵去 supper，食到好飽。

之後我同k 茵就輾轉地打的去紅館，個司機阿伯仲問我o地去紅館有咩節目，不過我諗佢係明知故問，因為之後佢話阿sam咁o既樣有咩好睇，仲話睇阿sam 不如睇佢，我同 k 茵都已經滴晒汗，k 茵就話點同ar，之後我o地就傾計，唔理個阿伯，佢亦都無再搭訕。唉~ 宜家d 阿伯真係無自知之明，送飛俾我都唔會去睇佢la，真係食蕉。

全個concert 我最期待就係李小龍個女──李香凝，因為睇報紙知道佢o係美國有夾 band，所以好期待聽o下佢唱歌。佢果然無令我失望，同阿sam 合唱 "Somewhere Out There"，佢o既歌聲有一種懾人o既魅力，係筆墨所難以形容，總之係會令 audiance (至少有我)有 connection，全晚唱得最好o既嘉賓就係佢，Shannon 真係好掂，呢一part 亦都係全晚我最鍾意ge。

我鍾意o既仲有好多，許冠文o個part 就最扺死，唔洗我多講，報紙都差唔多爆晒d punch line; sam's angels 就似和音、似唱聖詩多d，無咩特別; "雙方出擊，芳華十八"ok; 官恩娜好普通，把聲、唱腔都係普普通通。

外表真係咁重要咩?

報紙只有報導 Shannon o既體型，講真我又唔覺得佢真係好肥，o係美國係普通身型，o係呢個"全人類瘦身港"先會變成oversize，但係身型真係咁重要咩?

支持實力 >> 外表!!!