右肩一袋隨身物，左肩一袋旅行袋，出發！
乘搭E42往機場，以往是送機，今次是送己…第一次搭飛機！
一團42人、一行共9人、難得兩個人~
第一次食飛機餐，各方面都比預料遜色些少！
到台灣機場喇！得我一個搞簽証，好快啫，都唔使你地等。

第一站：小人國！！！
到左小人國，我地變晒大人物，佢地真係好「小」呀！
影左幾張相，仲有機動遊戲玩tim呀！坐在上面的都唔係小人物，叫囂聲中混雜複雜的情緒^_^
餓喇！去食飯！凍嘅？好彩都有好味嘅野，食飽再玩。

第二站：豆腐街！！！
唔臭嘅串燒臭豆腐惡鬥勁辣嘅麻辣湯豆腐！結果？各擅勝長‧正！
連薯片都有特別：排骨麵味
返酒店，一樂園飯店，有「野」？驚咩！基督徒嘛^_^
見識到總統套房，但住二樓仲好，人少少，冇咁嘈，鍾意瞓覺嘅我可以早瞓！

PS：妳快樂嗎？