從上年尾起就想寫一篇工作日誌
不過因為年尾好x多野做....又好多野諗....結果就放棄了

一個朋友(不是培正的)在9月初不知經誰介紹到了凱悅酒店內當起侍應生,佢成日同我講關於番工d野...我叫左佢好耐叫佢介紹我入去做..佢話"等我做耐d,同d經理混熟左先la"等下等下都冇左件事.....結果到了上年12月頭...個frd同我講..."喂,,星期日番工呀..."個陣真係超開心同興奮....當時沒想過甚麼....只是看在時薪$20,..想得傻了...就滾了回去...

入到裏面都幾大....第一次d路都唔記得咁多..跟住我個FRD係咁行...首先去拿制服..好慘..我又大舊又高..佢D褲又吊腳..衫又細件..逼到死..冇計..聽佢講....工作部門係宴會部(BQ)---------第一次被分派的工作...是到泳池旁的自助餐幫手....果時真係幾驚...驚第一次番工就咩獲..驚倒瀉野...原來好多野平時坐底食睇人做好易....自己做都幾難...好似要記住呢條友要乜野飲...果條友要乜野飲....沖到出來又唔記得D人坐邊--仲有就係要單手托住成盤野...個圓托盤咁鬼大...只可單手托...真係幾唔穩陣...都唔知D人點托=.=不過最好玩都係成班人一齊偷食..自助餐的東西最後就是到了成班同事的肚裏(食物永遠有多冇少)我記得我食左件CHEESE CAKE...話!真係香到陣....重有個沙翁...甜而不膩~~正!!!!!(好似講到我係咁食咁....)果日中午冇食飯...唯有食個D野頂肚...

到左5點幾..放食飯...凱悅裏面個飯堂較細...但咁多個部門都係係個度食飯...逼到嘔...不過D野雖然COMMON..但幾好食...仲有雪條或生果送...讚!!不過食飯時間頗短..自問食野算幾快..岩岩食晒D野..未落格..就比人叫番出去做野..呢D就叫搵食艱難卦.....

到了夜晚...是傳統宴會(即係人地擺酒...食乳豬個D)....原來去飲的時候..浪費咁多食物...開頭3~4樣菜..D人都食得7788...到後D...可能D人飽....拿番入來超多飯...超多NOODLES......全部拿來掉....矣...呢D就係所謂的食物垃圾...其實D野都好乾淨...真係好浪費....原來最辛苦係最後...要張四十圍枱D野還原...真係痴線...飛CHAIR...飛TABLE(搬野全部用過飛字..唔知點解)....飛到成個廳乜都冇先走得..累到死...成日著住對皮鞋都好辛苦..可能唔慣卦...放工已經成一點..乜車都冇得坐..還要夾份搭的士過橋...好慘呀

就係咁...我番工的第一天完結了---------TO BE CONTINUED