自己一個人衝左入南丫島攞屋,老闆娘話一個人攞唔到
我即打俾鼓烈治:「買好o西炭,一缺三,仲唔入黎?」
嚇到好玩得既老闆娘即俾匙...

鼓烈治去玩鼓,
等佢之際,我就出左空地同金毛尋回狗玩,總覺南丫島既狗開心o的,市區養狗好虐待佢地,地方太細,完全冇活動空間。
發揮界刂B本能,鬼仔BB十個可愛,金色頭髮蜷曲如出前一丁麻油麺,藍色眼仔閃過波子棋,人仔細細已成日講:「FCUK Y0U!!!」
好曳好搞鬼!!!哈哈!!而家搞到我好想睇《人細鬼壞》。

鼓烈治玩完鼓,成個人sharp o西,接埋阿Gi、Ling、阿俊。
佢地話間屋好似囚獄風雲,又話自己係板間房二房客...

直奔洪聖爺既懷抱,但行錯路去左發電廠一個荒廢灘,阿俊唔肯落水,話驚o的重金屬令佢縮細,笑死我地,「臭俊不嬲縮冇可縮,所以唔駛詩詩縮縮」,又多一slogan!
去到洪聖爺,玩沙排欖球版,玩得好有火,鼓烈治成日俾人圍,幫我硬黨「鍋心口」,哈哈,大家玩得好盡興好投入。來回夏水禮,就出番市集。

5件爛撻撻去食意大利野,好唔match,所以被人掉左去後巷海景位。。。哈哈
「疑人不愛,愛人不疑」原來,大家都好一致認同。第一要好相信自己既眼光,之後要講個信字。
等阿俊做埋腳底醫師就撤退...

Ling、阿俊要走先,鼓烈治要直踩夜蒲
我同Gi就番去綿一綿
又嘔...唉...點解我身體成日發脾四,頓覺無癮!!!