人哋話:
”男兒有淚不輕彈。”

咁大個女,
自問自己工作經驗不多,
只有三年多的經驗。
一直以來,
我都好似”男兒”一樣,
有淚....都係不輕彈嘅......

今日上晝,
嘩, 俾我老細剷到我一棟都冇.....
佢一剷我,
我呆咗望住佢.....
雖然, 我個軀殼喺佢面前,
企喺度俾佢鬧....
但係, 我個靈魂,
已經俾佢剷咗上天花板.....
(應該下個禮拜一先至跌番落黎....)

今日下晝,
我的”爸爸”話咗個惡耗俾我知....
我先前隻嘢....
唉....
入咗啊~~~~

入咗咩?
波啊!?


世界盃咩????
COMPLAINT啊~~~~
”爸爸”又剷咗我一輪.....

咩叫”禍不單行”啊??
我終於都知啦~~~~
今日返工做咩啊?
唔止做嘢,
還做了別人的標笆...

可能因為雙重打擊嘅關係,
女孩子始終係女孩子,
我終於流下了

我喺ICC
一年多來,
從未留過嘅一滴淚.....

我好興幸,
呢滴淚冇喺我老細,
我”爸爸”面前流出來。
呢一滴淚,
係我被人”萬箭串心”之後,
返到埋自己位,
坐咗一陣,
右眼的一滴淚,
就好唔聽話咁,
流咗出黎.....

係嘅,
人, 不論男或女,
點都要為自己留一點嘅面子,
留一點俾自己躲藏嘅空間,
仲可以,
留一個俾別人關心自己嘅機會。

放咗工之後,
同事兼朋友問我:
”有冇地方去啊, 係唔係返屋企啊?”
我同同事講,
”我去行街啊。”
同事話: 慳啲駛啊!
我話: 家陣心情唔好, 我前途無可限量架!!!

前途真係幾無可限量啊,
因為都真係都有幾多嘅收穫,
而喺收穫嘅過程當中,
同埋收穫過後,
心情.....
的確放下了不少。