本身以為呢篇係第一百篇~點知只係九十五~
所以個主題先至叫做"阿虎"~(因為阿虎係劉華既第一百部戲哦)
不過一段時間無更新啦~呢一篇又左個回顧先啦~第一百篇先至寫大野~
呢個星期到此為止每天都過得好充實哦!

工作方面,勤苦的磅飯工作終於告一段落了.係呢段時間裏,每晚必然的工作係上網check地圖同埋係我本schedule度畫低,重要搵巴士路線,預時間等等,踏足過很多重未去過的香港地方.重有同我的一齊工作的food sci同學仔熟了.呢次機會令我同一個同學仔係一個下午講左超過兩年內加埋的說話.
另外重做緊另一個project係自己一個人hold一班來做問卷,都好得意.

娛樂方面更是充實.
星期二去左睇詹瑞文既舞台劇-男人之虎~用百四蚊買到第二行真係抵睇~
自己從來都無去過演藝,原來都幾靚喎~
男人之虎呢套劇名都目前我都唔知點解叫呢個名既~個主題有點含糊~不過詹夫子真係好厲害,成三個鐘都係一個人做獨腳戲,扮左好多唔同既角色,表情豐富,動作多多,又識搞氣氛.我最鐘意係佢扮周星馳個度,唔係話佢似,不過係佢個度做得好好笑~重有係佢扮一個打過日本仔既阿伯,真係好搞野~
套劇幾有互動性,落左台同觀眾玩~11月會再加場,唔知睇唔睇多次好呢~
美中不足既係我個晚好眼鲻,而且後面個觀眾係唔係都笑一餐..好似癲左咁...
係廁所見到黃耀明...不過佢係入廁格既...

我o的補習班學生考完試找我唱k哦~雖然我覺得好搞笑,佢地成班都咁細個,我一個鬍鬚喇突既人同佢地一齊~哈~但係又好開心喎~借寶記句話:
"真的意想不到自己會受小(中)學生的歡迎，特別是一班小(中)四的女學生。"
"當然，我也很開心，因為我平日的付出終於受到小朋友的肯定。"
希望佢地會生生性性讀好o的書啦~

周中失意的事是我拒絕了寶記去酒吧睇洲際盃決賽的繳約.
寄望星期六去東平洲,不過都唔知成唔成事...

話唔睇但係又睇左"強盜世界"~官能刺激足夠~不過故事都係虎頭蛇尾~
外星人整O的野好化學!用得幾日就謝晒...之前呯呯聲既激光俾人一粒火箭炮做低~三腳機器看來真係三腳貓功夫喎~

我唔去星期日既義工,因為星期日有波踢~今次唔好再咁少人啦~會唔開心架~