二零零七年十一月十一日 (星期日)

由於尋日個課程去到成四點幾先完，今日就訓到成九點先起身，之後搞埋退房、食埋早餐之後，都要成十一點。然後，最後一日ga課程就正式開始。

經過一輪「爛產」之後，王老師就出場啦，亦都開始左我地今個特訓入面最後一個單元。係呢個單元入面，首先佢用左一個我之前都聽過ga故事泥做開始，但係唔知點解今次竟特別入腦，發覺原來好多野真係唔係理所當然，好多好多原本我一直覺得係應該有、係人地註左冊、無先至出奇ga事，突然覺得其實呢d係個天同埋人地比多左你，你有係你執到。就好似故事入面果個醫生咁，連左腳搭住右腳呢個咁簡單ga動作，原來都唔係理所當然…

跟住就去到下一個遊戲。係呢個遊戲入面，我見到好多人都哭得好利害，見到好多平時好堅強ga人，原來係佢地心入面，竟然係傷痕累累…

食埋午飯之後就去到我地呢一個特訓ga高潮所在---畢業典禮。至於點樣樣就唔多講la，不過最後見到d學員個個都係著曬火，將佢地身體入面所有ga能量爆曬出泥果陣講出佢地ga目標，果一刻我對于自己尋日岩岩搵到ga答案，亦到比到我足夠ga信心同埋能量比我。今次真係一定得!一定做到!!!

去到最後，就有一個我地d助教上番台果度再介紹番自己，然後再接受番學員擁抱ga環節。原來諗住我呢幾日又咁鬼死惡，應該都無咩人會過泥多謝下我，不過最後我估唔到好多連我已經唔記得左我幫過佢ga人都走埋泥同我講「多謝」、「呢三日辛苦曬」、「你好勁」。當聽到佢地咁講果陣，呢三日泥ga付出、辛苦都係值得ga!原來我呢少少ga付出，可以對佢地人生有咁大影響，雖然我只不過係一個小人物，但係我可以係佢地ga成功路上佔一席位，呢一份滿足感，真係難以用筆墨形容。

之後影埋相，派埋畢業證書，呢個三日ga特訓就結束lu…