二零零七年十月二十九日 (星期一)

可能呢排問阿哥借左部手提電腦la，而家好似晚晚都要msn番一輪先訓得著。

尋晚又同個朋友傾到3點幾，唔知點解同佢又咁鬼死好傾喎，真係咩都傾一輪，傾下傾下，傾到我地以前細細過果陣d野，之後就浮現番好多我小學果陣d片段…

仲記得以前跳梳化同埋係浴缸跣親撞穿頭la、一年班果陣小息又去執d蝸牛放係先生個位度呀、又執d橡根彈人地呀、之後又因為’符被’而搞到凍親肺炎入院、默書出貓呀、偷偷地係廁所玩數碼暴龍、之後又因為唔聽話比風紀捉結果同十幾個風紀係全校逃亡、平時集隊出去罰企就實狼我份、另外不得不提ga就係差唔多日日番到去都打交，結果要去見校長呀……呢d生活點滴真係好懷念，果陣時就真係咩都唔洗諗，鍾意做咩就做咩。

以…!我細細個都好百厭喎!!!