戀人之間的對話,不見得很有深度,卻能輕易進入你我的心深處.

"點解無端端送隻毛公仔比我?"
"知道妳鍾意呀.我都買左一隻比自己."
"你唔係唔鍾意毛毛架咩?"
"我果隻係啡色的,可以同妳果隻配成一對."
"你咁樣,會令到我好緊張...胃痛...不如,我比返錢你呀?"
"妳千祈唔好呀...我會好hurt架!"
"但係...好貴喎..."

"妳響邊呀?"
"無呀,去左同朋友仔食飯..."
"妳病左仲走圍走?"
"淨係去食餐飯咋嘛..."
"食左藥未?"
"食左..."
"咁有無好d?"
"嗯..."
"妳幾點返去?我...果d係咩聲?"
"...無呀..."
"妳──又──食──煙──?!"
"...唔係呀...淨係噠下個打火機咋嘛..."

"唔好咁啦,好唔好?"
"唔好點呀?"
"唔好咁對我囉..."
"我點對妳呀?"
"...咁囉..."

"你唔得閒呀?"
"唔係呀."
"嗯...你唔得閒的話,可以唔使理我..."
"都話左唔係囉!小姐!乜妳咁..."
"你想話我野蠻呀?"
"係呀!妳唔係野蠻咩?"
"係你自己後知後覺o者..."

"喂..."
"妳喂邊個呀?"
"邊個應我,我咪喂邊個囉..."
"喂喂聲,無名比妳叫呀?"
"唔好嬲啦,好唔好?"
"有乜好嬲?!"
"喂呀..."
"妳仲喂?!"
"我不嬲都係"喂"咁架啦..."
"無禮貌!"
"你以前都唔會咁話我既..."

"做緊咩呀?"
"響度掛住妳."
"唔好掛住我..."
"點解?"
"因為,我叫你唔好掛住我果陣,你就會即刻諗起"掛住我"呢件事了..."
"妳d理論都幾古怪架喎."
"係咩...嘻嘻..."