今日睇亞視，聽到我的中學好友兼同學Kathy(現在叫Ady)一本正經咁報導新聞，平時0既佢，好話唔好聽，都真係幾粗魯下(哈哈，如果唔係點同我呢D粗人做FRIEND丫)，所以新聞把聲個感覺真係覺得勁唔似佢呀!哈哈，尤其聽到佢最後那句「亞洲電視記者曾景媛報導...」個感覺好奇怪、好詭異，但都好開心我的朋友而家咁叻，所以我特登幫佢錄低左呢段新聞呢!跟住佢放工打比我，又回復返佢平時既「b li ba la」，我發覺自己真係好難將報新聞的Kathy同我識的Kathy matching囉!Anyway，聽完成個報導，發覺你在語調發音和節奏方面都進步左唔少，嗯，都真係想讚返你一句:「well done!做得幾好!以後要比心機呀!」

真係唔知係我思覺失調定係佢人格分裂...佢把聲又會變得咁緊要既，不過點都好啦!見到朋友做緊份咁好0既工，又有機會一展所長(佢把口又真係幾掂既!)，又有個咁好0既男友，正所謂事業愛情兩得意，我都好為佢開心同感到安慰，自己唔好都想人地好架!係咪?

曾景媛!!!!加油呀!!!支持你!

Picture: 我同女主播--曾景媛小姐 (哈哈，通常d人紅左呢就會有好多好似我咁0既9唔搭8人士走出來認親認戚架啦!..^__^曾小姐你睇開d啦，慢慢就會慣架啦，哈哈!)