昨晚看到一個朋友send比我的e-mail
名字類似叫:一個典型香港人的一生
內容大致講述一個人每到一個階段
所有的經濟負擔
供樓..交稅..買樓..比首期..結婚擺酒..小朋友生活費..學費...

好似沒完沒了咁
好煩好可怕!!
生存在這世界上，錢就好似一切咁
冇左錢真的想像唔到咁可怕
除了上面的所有野
生活可以簡單一點嗎
別要這麼多數字好嗎??
睇完之後突然好大壓力.............

突然想起...
好似冇咩點正式去想過我的將來
我的目標...我的生活又究竟想點樣過?
係咪一定會好似上面的故事所做
又未必...

唔知係咪一件好事
想深一層
我想我的生活又未必會好似佢咁
結婚買樓生小孩...
呢一刻的我只想滿足到自己的生活
錢??夠自己用就夠了
擁有自己的空間
只想每天一早起來看看海曬曬太陽
生活簡單就足夠了

可能大家會覺得我的諗法同上面好似差好遠咁。但好似上面咁，係咪一定會開心??勞勞碌碌地為錢奔波咁就一世了
回想轉頭，沒有享受過自己的人生，為咩呢??

大家又可能會覺得我好似在逃避負責咁
可能係..
但我會覺得生命是自己的
應該由自己去掌握
最重要是將生活過得開開心心，回頭不會對自己所做而後悔
就已經非常足夠了!!