昨天是農曆新年的年初七
亦都是人日,是每個人的生日
是一個值得開心的日子
但我竟然在這個開心的日子發生了一件不太開心的事
就是唔見左個銀包........
簡直就黑到飛起

原本我應該好低落好唔開心
但我當時心情都不是太差,我還很有興緻地繼續與身邊的友人繼續行街食野
我當時個心只是不斷咁想...
自己是唔好彩
好在唔係好多錢係身
好在唔係太多証件要報失
好在冇唔見電話.....
感覺只是有一點點的無奈

其實唔見銀包在於我黎講都唔係第一次發生的
之前細個都試過幾次
果陣時仲要係兒童身份証
是需要家長陪同去補領的
當時唔見銀包,除了是為左唔見錢而唔開心,仲會多一份的罪疚感
要麻煩老爸請假陪我去辦手續
但到現在就當然是咩野都自己攪掂啦

今次唔見銀包
主要損失是我需要用差不多4百蚊去補領我的身份証
仲有唔知2百幾定3百幾去補領我的回鄉咭
都是大約數百元
唉...就當作是破財擋災吧啦....

仲有我想講的是
今次唔見銀包的事件
最唔開心的一個應該是我的朋友仔
因為佢成日都覺得
唔係佢提議話買野食我就唔會唔見左銀包
將所有責任放在自己身上
我想同這位朋友再說一次
這件事錯不在你
你不需要覺得內疚,因為根本就唔關你事
怪就只怪我一時大意同埋疏忽
所以你唔好再因呢件事唔開心啦
唔係我會覺得好內疚呀...知冇??