好煩好煩...
以為部電腦整番好
點知呢頭攪掂呢樣
另外又有野有問題
連網我都上唔到...
真是慘劇!!!!!

點解我仲寫到新聞台???
大家一定覺得好奇怪啦
就是因我為我去左借用我家姐的電腦
我先可以繼續寫新聞咋...

呢排我都仲未搵到野做
加上我部電腦又攪成咁
生活簡直是慘絕人寰...
倒楣的是,呢排又開始多人去我的拍賣場買野
成日要同買家互通消息
加上我上網搵工,PRINT 求職信,CHECK E-MAIL.........
這些所有野都需要用電腦
部機突然咁壞左,真的令我非常不便

究竟這些日子
仲要維持多久才會過去呢????

係時候講下呢排我的近況啦
今日都係一早同家姐去醫院
呢一排都成日係醫院出出入入
都要戴上口罩
對於一向鼻敏感的我,真是一件苦差
不過冇計啦
因為我根本冇得選擇...

但我就係醫院內識左一個人
唔知算唔算係我朋友仔呢??

今日同家姐去完醫院
佢就突然興起話想去睇絕世好賓
咁有人請就當然奉陪到底啦
都係普普通通,唔算特別太好睇
不過詹瑞文一人分飾多個角色就好勁好攪笑
阿婆又係佢..飛髮佬又係佢,捉垃圾虫既人又係佢,
古惑仔又係佢,連區議員都係佢......
仲要扮咩似咩
果然是舞台劇的高手!!

今日在離開醫院的途中
有一個勁壯觀同幾攪笑的場面
在路上,我都一直見到樹上的木棉花的種子
就好似小小一團團的棉花在空中飛散在半空
就好似落雪一樣,場面相當漂亮
但當我們路過一棵大樹的旁邊時侯
又突然一大團的木棉樹的棉花(木棉樹的種子)
在我和我家姐的面前掉下...
當場被嚇了一跳!!!
但今次亦是第一次見過咁多的棉花在半空中飛揚
場面雖然都很漂亮...
但一向有鼻敏感的我
好快鼻子就感到不適...還打起噴嚏起來
認真大剎風景...(唔知有冇寫錯字呀)

不過最可惜的是
我沒有帶著我的相機影下這個令人一見難忘的景色
真差勁....

PS:
順帶在新聞台告訴大家
呢段日子我的電腦暫時未能上網
經過多番研究都未能將電腦回復原狀
現在只是借我的家姐的電腦進行平時的工作
希望大家如果交遊廣闊
能夠認識一系列的IT電腦奇才
可以解決我的電腦上的麻煩
至於遇到什麼問題可直接與我查詢
請盡快以任何方法聯絡方式致電通知本人
希望能夠盡快於網上及ICQ繼續與各親朋好友通訊
THANK YOU VERY MUCH~~~~~~~~~
靚靚ADA字