昨日經過左一整個上午的奔波之後
加上前晚我仲有感冒既徵兆
昨日的面試就更加令我感到吃力及辛苦
但最後我都去左見工...

因為我沒有看清楚大嶼山巴士的車程
我到達東涌巴士站的時侯
好快地已經發現
我剛剛走左一班巴士
而家就足足等了半個多小時
才等到下一班車
再加上長達50分鐘的山路車程
對於一個唔係好搭得車及病病地及勁大傷風既人黎講
都是一件苦差.....

經過左50多分鐘的路程之後
我又搵左5分鐘左右
我先搵到目的地
到左冇耐...我填左一份類似試卷的野
入面有4條關於老人服務的問題
其中一條係問及有關突發事件發生
我應該點樣去處理??

講真...
我對於老人服務既活動及小組
我認識既真的唔多
而對著這4條問題...
一時間都唔知應該點答
我只是靠我之前做義工的時候既老人經驗
以我僅有所知既野
以及平時社工們講過既野，提點過既一點一滴
寫在紙上

我唔知我答得對定錯
佢地亦沒有答覆過我答得如何
但最後經過差不多10分鐘的面見
佢就叫我返去等消息啦

不過其實今次我沒有抱著太大的信心會見得成
因為一來我狀態亦不佳
加上我一套牛仔褲的衣著
完全唔係見工應該穿的服裝(似去街多一點)
加上我仲要遲大到(足足40分鐘....唉...)
所以我今次見工
只是想知道究竟老人中心面試時會大概問些什麼問題??

我當日見完工
我心諗...
都唔知想佢請我定唔請我好??
如果請我..
我就要日日都係咁樣
個幾鐘搭車入
個幾鐘搭車出...
都幾頂癮架

冇工做既日子
真係勁難過
我要快d send多些信出去
見多些工
快些搵到野做
再係咁下去唔係辦法....