當我沉默着的時候，我覺得充實
我將開口，同時感到空虛

有兩個禮拜了，我忍咗兩個禮拜無上了。
但係一番到屋企，只有報台係我最想到嘅地方。
係呢度，無其他目光注視我，我可以講我心入邊想講嘅嘢，可以暢所欲言。

晨甘早，聼住歌，閃爍的熒屏加上我呆滯的眼睛，突然有感而發，想講一講感情。

感情，係字典嘅解釋係：
1.对于外界刺激所产生的喜怒哀乐等心理反应
2.对人或事物关心、喜爱的心情

我主要係講一講，第二個解釋嘅感情。
上個禮拜，聽到一個消息。
我個好友同佢兩年感情嘅bf散咗。

其實我唔應該將人哋擺上擡，畢竟呢D係人哋嘅私事，與我無關。
不過，我唯一關心嘅係，“點解甘化學嘅？兩年喔~”
跟住，我就開始霖，老實講，感情好似真係話黎就黎話走就走。

大家都會覺得好似有D可惜甘，畢竟當時覺得佢哋會好長久。
不過宜家霖起就覺得白癡，仲有D幼稚加可笑。
長久？何謂長久？十幾嵗拍拖拖到八十幾嵗？哈哈~荒謬~

十幾嵗嘅後生仔，對世界嘅認知仲係好淺薄，談何長久？

我對呢家嘢一向都覺得，宜家D後生仔拍下拖甘，
其實係想身邊有個人可以關心下自己，又有個人可以俾自己關心下。
有人可以俾自己一D驚喜、刺激，又有個人可以令自己為佢做D傻更更嘅嘢。
自己唔開心嘅時候，可以有人係身邊陪自己。
自己病咗嘅時候，有人可以好主動好緊張自己，令自己有種窩心嘅感覺。
自己去邊都好，縂想有個人陪係身邊。
等等。

拍拖，或者只係一個了解嘅過程。
因了解而結合，亦因了解而分開。

簡單D黎講，感情即係感覺。
感覺來了，誰也逃不了。
感覺走了，誰也挽不回。

如果你係想面前呢份感情嘅保質期長D嘅話，保持番一定距離，
相信距離產生美。