今日又係無聊係屋企，咁就上網啦！上下D舊同學的網，有相簿咁就梗係睇下架啦！見倒佢地今年都過得好似好開心咁，其實都幾羨慕，佢地都係忙返學，又識倒好多新同學，真係好似好開心咁～

又諗下自己，今年真係都唔知自己發生咩事，都唔知係好彩定唔好彩！今年真係經歷左好多，浮浮沈沈，見盡了人面，亦見盡了人心．我終於都明白到咩叫互相利用；亦都明白真係冇利用價值的時候，真係會被丟棄！不過，今年真係令我非常非常唔開心，希望之後又失望，希望之後又失望，希望之後又失望........不斷不斷咁循環，但最終都循環唔番去"希望"，只去到失望，好失望，真係好失望，既喜又悲，但都係悲多於喜........

有時我真係好唔明，唔明點解　神今年要我咁樣過，我真係沒有質疑　神的成份，但我真係只係好唔明．雖然，我今年無論係屬靈定係自我生活上面，的確係成長左好多，成熟左好多，但我真係好唔明，因為呢年我真係好不堪，呢年真係令我不堪回首，我真係再也不敢回望自己過去的呢年，我再也不想回顧，呢年的經歷什至令我覺得好痛，係好心痛，唔知點解，我真係好心痛呢年的所有事，唉！.........真係好唔想諗，有時，真係好想話比自己知：就讓過去的過去吧！時光既逝，由它遠去吧！但無奈，心痛的經歷在我腦海中從來沒有走過，只令我不斷地增加心痛，有時心痛真係達至劇痛程度，真係好痛啊～

雖然係好唔開心，但我卻冇後悔過，因為我呢年雖然失去左最寶貴的時間同青春，但我真係成長左好多，都只係多得呢年的一切經歷，但始終...我都真係不堪回首．若果不是這經歷，我便不會學習到書本以外的事同物，亦不會看到社會的殘酷，亦不會見到好人同衰(賤)人的真正分別．黎到今日，終於都停左落黎，先看到自己過去的得失，但一切都已經太遲，一切都已經過去..........我現在只想在這些時間，從新拾回自己，檢視自己，縱然心痛的經歷偶爾會令我感到很不堪，感到很痛很痛，我仍然要繼續向前走，我知道，跟住落黎的日子，我就背住呢種痛，向前走，只願就算有幾痛都好，都唔會再停落黎．

我真的很感謝　神，我真係完完全全感受到，祂真的無時無刻都陪著我，祂在這一年，真的陪著我喜，陪著我悲，陪我感受每一個友善的笑聲，陪我看盡每一顆冷酷的眼光～每當我感到無助同困惑的時候，祂會安撫我的心；每當我悲傷同失落的時候，祂除了會安慰我，還會提醒我，"其實我已滿有恩典"！真的，真的很感謝祂～


我已滿有恩典，我本應不配有這恩，但主耶穌基督的寶血洗了我們的罪，把恩典臨到我的身上，是救屬的恩典～
真的，我真的已滿有恩典了！
感謝主從我出生的時候，已經挑選了我，感動了我的靈！