哈哈，大家都無再寫日記呢。係咪係第二度寫呢....anyway
我都好耐無寫過任何野啦
呢排都幾忙架其實,岩岩過左去既日子,都發生左一d事。
先講籃球
大專杯開始左,打左兩場,輸左兩場,第一場打得超差勁,應該係咁耐以黎最差既一場波,個日整到幾次,個喉嚨俾人撞到呼吸困難,打左一陣入番去,難得一場打正選呢,全場射左兩個波,一個被block,一個差少少框都唔到。
之後第三節再打,又係死哂狗,條氣超唔順,第四節last又再出場,無耐又俾人個手肘撞到d牙,牙肉損哂,流血。
第二場,第一二節發呆,因為遲到,好遲先俾我出場,最後終於係大專杯入左第一個波。雖然都係輸波收場,但總比第一場好。我地已經有所進步。
讀書
呢排最忙都係讀書,好好好多野做呀!!!!完左幾個test,幾個present,幾份report,但係都仲有幾個report,present同埋黎緊八號就考試,超討厭既係要一日考兩科,傻左,讀都未讀過,仲有好少時間,但係手頭上仲有好多野未做。

好想快d聖誕,今年係第一年有人陪我過聖誕,廿幾年啦,終於都等到,我地之前發生左一d少問題,不過都不成問題了。要為將來好好打算一番。

唔知點解,好想快d可以買樓,俾完首期都仲有排供喎,第日做份工就好似為左層樓咁,不過我想呢樣野會令人感到很大滿足感。同時樓始終係一個資產,比好多野都好得多。

身邊既朋友都有唔同既事情發生。老總既生日到而家都仲未同你celebrate,我知你唔會唔高興,不過真係唔好意思喎,大家真係好忙呀!!!!而家老總既近況都係由我媽口裏聽到,只知道你幫你親戚攪唔知d乜..我唔記得左,唔知辛唔辛苦呢,俾心機啦。

曾小姐上莊成功,唔知係好定係唔好呢,要你自己先知啦,會忙死都唔定,始終未攪過呢d野,不過我覺得呢樣野會令到你學到多d野架,所以你要俾心機呀!支持你囉。我同我同屋都會支持死你架啦,哈哈。

而家好少同屋企人聯絡咁....始終都係好忙呢..哈哈,不過每星期六日都番屋企一聚...好快考完試,到時就見多好多呢...