虹姐喺呢幾個月嚟，的確為大家增添唔少歡樂，今次就嚟數數虹姐其他嘅經典句白俾大家欣賞……
虹姐除咗「顏升最靚」之外，有時顏升托虹姐手踭，虹姐就會發姣發到上心口：「死顏升！臭顏升！壞顏升！爛顏升！白癡大顏升！！！」之後拋低「哼！」一聲，慢慢地眨眼，抬起個頭轉過去，賣晒高竇咁。
虹姐話喎，壹仔鬧佢唔怕，佢話因為壹仔斯文。勳哥鬧佢唔驚，因為勳哥都唔係成日鬧佢，但最怕嘅反而係豬輝，因為鬧得佢好難聽。就有次虹姐坐喺小香香同豬輝嘅前排，從來冇見過虹姐會有一日唔講嘢，點知同豬輝坐足一個星期，就冇講足一個星期咁耐。不過，世事無絕對，豬輝喺後面吱吱咗咗，虹姐喺一個星期入面講咗句唯一一句話，醒俾豬輝：「一個無聊嘅人，成日無所事事，無聊到講埋啲無聊嘅話~哼！无聊~」
講嘅就算喇，虹姐喺寫作嘅呢撻天空下，亦都大放異彩噃。
虹姐得閒冇事做，就喺本書度塗鴉，寫埋啲咩：「個樣生得成隻熊咁，個頭有似足爆穀（popcorn）~」驚死寫得唔搞好，重畫埋畫先至傳神咁話。因唔係虹姐超睇唔順笑笑啲頭髮咩……笑笑，可悲呀你。
虹姐除咗會用寫嘅嚟諷刺人之外，重會以書傳達傾慕之情添，俾佢傾慕嘅人認真折墮囉~趁奎哥瞓覺嘅時候，虹姐過咗去，喺佢本教科書度寫：「你是車神！」為咗掩人耳目，重加多句：「斌仔贈送給奎哥」。虹姐睇嚟都唔知乜叫「欲掩彌彰」喇，講白啲，即係攞屎填屎坑，填極都係個屎坑。虹姐以為咁就可以假手於人，既然如此，只要佢唔去寫乜得囉，你話貪乜走去寫「你是車神！」啊？真係「阿茂整餅」，正一「冇嗰樣整嗰樣」……
唔止噃，虹姐重度埋廣告詞，幾有文才啊：「班長牌天氣預報，準確無誤，包你報親都落雨~」我真係才疏學淺，生咁大都曾未聽過話有「乜乜牌天氣預報」，重要報親都落雨，把鬼咩……聽「執」都有份……