「佢係一個相貌平平，學習成績平平，內心平平，身材平平嘅女同學。佢生得好似一隻熊，頭髮似隻爆穀。佢雖然係我哋班嘅生物科代表。但係每次考生物都作弊出貓，而且冇個啱。雖然如此，但佢重中意睇電視。佢係TVB嘅忠實「fan屎」，即管TVB嘅電視劇都係啲愛情泡沫劇，而且好難睇，不過佢重係好中意睇。晚晚睇到電視爆炸，以致於佢嘅頭髮係爆炸。不過佢都有優點嘅~咁就係佢好單純、好善良。以致於俾人扼死都唔知。佢好中意著布鞋。每日都係布鞋，所以白布鞋著到黑布鞋。呢個慢慢地外表好唔斯文，內心好斯文嘅人就係笑笑！」
睇埋成篇，直情就冇句好嘅。睇嚟，虹姐對笑笑嘅成見都好大。由始至終，笑笑都冇犯過虹姐啲咩，只不過係虹姐覺得個頭髮篤眼篤鼻，就講埋啲咁嘅嘢。
難為虹姐重聲稱自己係TVB嘅忠實「fan屎」，點知會「狗咬狗骨」，「籠裏雞作反」嘅啫，正一五啊步笑百步。
講返個開頭「維尼」，相信大家都睇過Walt Disney（華特.迪士尼）嘅「Winnie the Pooh」咖，即係「小熊維尼」囉~