就算港府唱到行話：「去迪士尼做足準備~」，始終都因為虹姐嘅到來而導致遊客人數下挫。
聖誕節期間，虹姐又揚言去迪士尼，甚至興奮到曾話：「香港迪士尼樂園，讓奇妙飛翔！！！」
+Min聽到，笑到唔掂咁話：「虹姐，恐怕小飛象載你唔起啊~」
小溪戲謔：「嘩，乜港府見過鬼都唔怕黑嘅？見過虹姐重招呼佢？」
「鬼咩~」神棍出聲，「呢勻睇個迪士尼又要死多台機，上次佢去冚辦爛小飛象都飛起身，就得佢嗰部飛唔起。今次睇嚟係所有人都飛唔起，就得虹姐一個飛，因為全部動力都攞咗俾虹姐個小飛象飛~」
「哼！我去迪士尼好多啲大陸嚟咖，個個都去玩咖啡杯，重要玩完又完，超傻哈哈~」虹姐想轉移話題。
「咁你有冇玩啊？」+Min問咗個好銳利嘅問題。
虹姐當堂窒晒唔知講乜好，睇個樣，冇十成都有十一成佢都坐唔停喇。
「飛越太空山（類似過山車咁，拎住支嘢射怪獸嘅遊樂設施）超好玩啊！！！」虹姐又換話題。
「係囉，個個攞住支槍唔射怪獸專射你啊嘛~」神棍話。
「出面排隊嘅人見到虹姐出嚟重以為啲怪獸出咗嚟添啊，哈哈~」+Min補充。
幾個人單單打打，攞啊虹姐做鏢靶~
迪士尼難為你囉~提醒大家「去迪士尼做足準備」啊！