每年年假都會有d搞笑的事，但今年呢單，我都冇諗到會發生得咁快。
第一日就出現咗。
2004年1月15日下午1:00，剛趕完報告，用了半小時執野，頂住兩個極大的黑眼圈的版主，大包細包咁趕上一架往台北車站的的士。
係台灣住過的人，都知道的士佬大部分都係扁迷。總之呢，上的士既時候佢同你講邊邊個唔好，你就「哦哦哦」，保證你慳番十幾蚊。而呢次呢有d騎呢，上左車冇耐，個司機突然問我：「乜野係善？孔子之道係乜呀後生仔？你大學生黎架喎？」
真係嚇死人，我一時間就係度諗，如果台灣人個個都咁重視中國文化，台灣就有救嘞！
但係阿叔愈講愈唔對路，但係一秒鐘之內拿左本三字經出黎：「後生仔，你睇第一頁啦！」再睇一睇，部車出面…都唔係行金山南路既，容乜易拎我去賣呀？！
真係唔對路，但又唔敢出聲…再睇下佢前面個吊飾，就乜都明哂勒！
精海毛尚屍！呢個老虔婆，妖婦！！！
自己傳邪教就算啦，仲要害人──害人都就算，仲要害我？！趕唔到飛機我就真係一個手榴彈炸左你勒。
講到後面個司機阿叔仲話：「佢（精海毛尚屍）指就係就世主勒！」
佢係救世主？！你就唔會係度楂的士啦，懵佬。
終於都落得車，上天保佑。
上到機場客運，坐係隔離的係一個阿嬸，「咦，件衫好sharp喎，咁檸檬黃既？」再睇睇，又係唔對路，寫住「falundafa」…咁熟既…
法輪大法。
好彩都冇對我點，我既肚入面亦都冇法輪。終於到機場勒…甩難啦！
嗰日的事真係好好笑，但係笑完之後都總會有些 dead air。其實諗深一層呢件事真係好值得反思。點解呢個社會總會有些人愚昧到呢種程度？咁都會信，社會邊度出左問題呢？風氣？媒體？個人？
千頭萬緒，版主覺得問題都在教育。怎樣的教育就有怎樣的公民。
一國之立，教育為先阿。