今日睇U Magazine個陣,我反常用左30秒望住呢張poster...

驅使我留意呢一頁既,主要吾係因為個劇名吸引我
亦都吾係因為個句slogan,更加吾係因為唐寧/魯文傑

而係因為見到一身野性打扮,貌似魏綺珊的人,再睇清楚...原來真係佢

我除左留意電視藝員之外,我都有留意新聞報導員
我記得我中學個陣,魏綺珊係同黃德如一樣是無線報導員,有新聞之花既稱號
(而家個d”新聞之花”....真係行埋一面啦...連得個樣都冇得同人比呀!)

無聊的我都有睇無聊報導話佢除左無線,亦都有做話劇...
但我估吾到原來佢咁犀利,除左演之外,重係幾個劇團里從事不同工作,真不簡單....

上年個套”靚太作死”佢係女主角...朋友叫我睇,話好好睇,可惜我吾想洗錢冇so佢...而家好後悔tim...

我間吾中都會睇下話劇,除左係因為有我鐘意既演員做之外,我都會係因為故仔吸引我去睇如”人間有情”,”二十出頭”...(不過比睇電影就少之有少,因為睇一次都吾平)

今次真係不容錯失....吾知而家重有冇飛買呢,朋友們吾知有冇興趣呢...(冇的話我....唯有出絕招...就係用慶祝我生日黎老屈吧~~~呵呵!!!)