好清閒的一個下午,訓左3個鐘。唔好以為考完試,我今日先考完第一科,不過我起身完全冇諗過要做野!哈哈

咁精神梗係打下od先,話晒我都放低左2個幾月。呢兩個月真係超辛苦無間做,由uml開始哥幾星期簡直係惡夢,不過幾辛苦都叫過左喇。

覺得自己呢兩個月都幾反覆,可惜我解釋唔到係咩原因,可能人有情緒係正常的事。
有日經過灣仔舊居,我係百視達個位望上去,好掛住。 以前哥個位可以望到亞媽浪衫,見到細佬妹跳床,而家好似空屋咁,咩都冇lu....好掛住以前咁迫的家.而家我好耐冇返屋企lu..

唔知係唔係年紀大左...hehe 而家成日諗返以前的事,我有日發夢我地返左sfcc打大專....(sfcc大專law)

雖然我地輸左俾poly,但唔知點解我唔係好唔開心,我覺得我地都發揮得幾好,而且我地仲有機會。

好想快d考完試,我有好多野要plan,好多野要做,但好多錢要用。

聖誕節係我最鐘意的節日,就快到,好開心呢! 快d凍d就好喇,好想去有雪的地方,同你一齊去
總覺得聖誕節要一班人先開心,好想搞個xmas party,開心下..


話咁快,又要搬hall喇,今次係搬走,冇得住lu! 其實住hall真係好free,可惜已經冇錢住喇!好多謝ella的照顧...我地的同居(or 半同居)生活就咁完左喇....


相@我覺得超好聽的GTA soundtrack,考完試一定要打爆...