終於開回我的兩極端點了。

之前試了無數次，都開不了兩極，令我心灰；

唯有轉戰面書，及以筆名寫作自己的感受。

這半年內發生了很多事，

多得，我也未能盡錄，哈哈。

一下子要我重投這兒，都有點難度，

始終我在面書打自己的事已經有一段日子，

但，兩極一直都是我放不下的一個日記，

這兒記載了很多和他、他、他的故事，

我不願忘記，每一個他。

還是有些事，在這兒記錄較好。

這半年內，認識了一位男士 --- 阿康。

起初沒甚麼的，只是一般的朋友相處，

直到他弄我的頭起，我好像喜歡了他。

始終，差不多兩年沒有拍拖了，

別說拍拖，我連認識新男士的機會也很微，

他的出現，好似彌補了我一些空虛寂莫感。

我很欣賞他，他有足夠的學識，

是我喜歡的那一類。相處下，

他也蠻難捕捉。

星期三才吵了一會，

今晚，他又好像…

怎樣說呢？我不會想像他是不是喜歡我，

甚至我喜不喜歡他也是一個問題時，

平常心，最好不過。

義工那邊的口述歷史，我已做了兩篇，

第三篇也將近完成。今晚完成第二次會面，

輪到阿康做他的個案時，他說：「得返個半鐘咋喎..」

我看一看他，他也看著我。然後我一聲不響地走…

「喂喂喂~~~你去邊呀？」他從椅子站起來追向我。

「你話得返個半鐘嘛，我咪同邱姑娘講唔做囉你…」我說。

「我有講過咩~?」

「咁……你做唔做0者…」我扁咀。

他用白紙拍拍我的咀唇說：

「成日扁咀~~唔好扁咀~~~扁咀解決唔到問題咖~~我依家過去喇…」

與他離開，他說：

「我鬧左黎生點解星期三都仲要約你出黎..」

「下~?!你做咩鬧人~?!」我奇怪。

「梗係啦~~你都無時間休息喇~~咩一二四又返學，星期五又要黎呢度，星期六日又要做佢份野~~依家連星期三都唔放過~~你想人地成個俾哂你咩??」

「哦~~咁其實我無所謂…」

「佢成日都係咁~~決定左既野先同人講, 又要問人介唔介意~~咁如果佢覺得我唔鍾意~~咁就唔好叫你出黎啦…」

「我無所謂…咁如果你話要MAN’S TALK既，咁我唔到都得…」

「我梗係無所謂啦~~~」

哈哈。之前，因為黎生給你太大壓力，我暗地裏責備他；

現在，因為黎生沒給時間我休息，而他私底下怒罵他，

我心裏，很甜。

與你吃完了宵夜，你結賬時：

「乜你無飲野咩~~??」他問。

我搖頭。「唉~~我都話我唔細心咖啦…」

然後我們走出餐廳，他從我身後壓過來，

我走得慢，被卡在門和他中間，我夾到了。

「哎吔」我慘痛地叫。

「點解次次你都俾門夾到咖…」他問。

「因為你唔俾我出先囉…」

「我有咖~~~不過唔知點解次次都夾到你..」

「UM~~咁我下次俾你出先丫..」

「咁你即係話我無風度啦~~又唔細心啦~~嗚嗚~~~」

「唔係~~~可能你想快D出黎0者….」

「咁即係話我心急啦~~~嗚」

你真可愛。有時活潑有時難搞的你，令我很好奇。

「呢度D咖哩好好味」他說。

「真咖~?!?!?我好鍾意食咖哩咖~~~」我說。

「我今日LUNCH先0係度食…」

「哎吔~~明知抖先我地黎呢度食啦~~~」

「我岩岩先話今日0係度食，你今晚又要我0係度食，要食兩餐…乜咁狠既你..」

「係咩~?!?!?!你有講咩~~???!」

「我岩岩先講完…」

「…………對唔住」

「又講對唔住？做咩你又講對唔住呢？你究竟做錯乜野而要講對唔住呢~~~我發現對唔住真係你既口頭禪黎咖喎…」

「咁…咁…咁你話我狠丫嘛~~~」

「~~做咩講對唔住~~你講對唔住即係你認同自己狠囉..你究竟知唔知對唔住點解」

「我知…咁我唔係狠丫嘛~~但係你又覺得………」

「咁你咪答”我唔狠”囉~~唔得呀咁~~~你講得太多對唔住~~以後唔准講呀~~你講一句我罰你五蚊~~」

「點解要咁喎~~~~~」我扁咀說。

「無得解呀~~~你講得太多對唔住~~~」他兇兇地說。

粗口不讓我說，我明白，連對不起也不可以，真是呢…

我見他左搖右擺，我問：「你好似坐立不安咁喎..」

「唔係呀~~我有D扁平足~~所以唔企得耐…」

「UM~~咁樣, 你期望架巴士快D黎啦~~咁你就唔駛咁累…」

「咁又唔駛…」

「...咁~~都希望佢快D黎啦~~等你唔駛咁悶…」

「邊個話我悶呀~?!」

「你呢幾日都對住我~~我驚你悶咋~~~」

「邊個話我對住你悶咖~~?!?!你屈我…」

「無」

「咦~?!叻左喎~~唔係講對唔住…」

「因為我無屈你~~哈哈」我笑說。

「總有機會既~~~你一定會衰0係我手上~~~」他也笑說。

我面紅了，迴避了他的眼神。

回家路上，一直在微笑。

今晚，他告訴我可能會到澳門，

我心情得矛盾。

我希望他找到一份新工作，

但不想他離開。

不想他，離開我，

起碼今天，我這樣想。