相約契契到重慶大廈吃咖哩。

契契下星期二，亦即是二十二日，
便會起程到北京天津上海杭州等地旅遊，
為期一個月，在他臨行前與他吃個晚餐。

契契一見到我便說：
「瑪姬, 你同我0係FACEBOOK睇你既相一樣…
即係塊面細但係個頭勁大…個身都幼左好多…」
「點樣面細但係頭大呀~??!我唔明喎…」我問。
「即係呢個呀!!!!!!!」他用拳頭敲我的額頭。
哈哈哈，他說看不慣我這樣的頭大身細，
現在幼了許多，很不正常。

第一次走入重慶大廈，
小畸說未去過的會被重重包圍，
所以我和契契都箭步地闖入重慶。
不知道C座的位置，我快快地問了警衛，
他示意一位印巴藉的男人帶我們到3C，
亦即是小畸介紹的新德里咖哩皇。
有趣的是，那男人和我們乘升降機時，
按了四樓。我們還以為到四樓後走樓梯到三樓，
但到四樓得他示意我們坐下一所餐廳。
我們大惑不解，並向他們表示我們要到三樓，
但他們以不太易聽的英文說四樓跟三樓一樣。
跟契契商討後，反正只是大家聚聚舊，
而且這兒少客人，可以聊得暢快，
決定了，點菜。

點了串燒五香雞件、
咖哩羊肉、牛油薄餅、
白汁時菜。四樣食物到齊後，
大家不約而同笑笑笑，
因為除了烤餅外，
其餘三樣的樣子是一樣的。
邊聊邊吃，契契再點了一個芝士球，
出奇的是，來到是咖喱顏色及三粒深啡色的丸子。
契契先嚐，然後大笑，說：「芝士球變左粒牛丸呀~~~」
我隨即叉了一粒到碟上，將它弄開，發現像粒山竹牛肉。
契契說未夠飽，再點一個牛油烤餅，這個也好味，
不過都是薄餅比較彈口。

一頓充滿驚喜的晚餐。

談起工作，他說他早在六月二十六日遞了辭職信。
令他下定決心離去的原因，是他不願意去改變自己，
來迎合那間公司。他說得也對，這個世界所有東西都要投緣，
不論是朋友或情人，甚至公司和同事，都要相處得快樂才值得眷戀。
他能下定決心是好的，我亦相信以他能力，
要找一份工作並不難，因為他是我朋友當中數一數二有能之士。

談起感情，他問起我跟他的感情。
我說了某些情節給他聽，他說：
「嘩~~~佢都暗示得好緊要喎…」
「係囉…暗示…咪由得佢囉…反正仲係早一兩日發生既事…如果你話我地兩個都逃避左一兩個月就話心知肚明0者…依家都唔知咩事…所以可以不理…」
「下???即係你地星期四傾既時候, 佢無講0個兩個字咖!?!」
「無咖~~~一直都無咖…」
「下?!?!咁都得呀!?!?佢唔係諗住咁樣就算呀嘛…」
「其實都無乜所謂…」
「又會係無所謂啦…」
「梗係啦…諗諗下, 我好似無實牙實齒應承做佢女朋友…而且, 我一直都話自己係單身…」
「你正仆街黎咖…明明做人女朋友又話自己係單身, 你真係好衰…」
「咩呀~!?我身邊既人咪知囉…即係好似小畸, ANN同BEBE, 仲有你咪知囉…」
「你當人係男朋友0者, 人地有無認過你係女朋友呀!?!?!」
「咁呢樣我管唔到咁多啦…」我說。
再說和那個男人的事，契契說：
「你地既關係真係複雜…」
「依家一D都唔複雜啦…大家都知有咁既一日, 我都同佢講, 我遲早一日會走, 點解0係大家唔係咁深感情既時候分開呢…」
「瑪姬, 你做得好岩咖喎今次…你應該係要離開佢..」
「我一直都唔覺自己錯…但係我唔夠狠狠咁走之嘛…對佢仲有少少同情心…」
「點解你會同情佢呢？你知唔知你越同情佢…佢越痛苦呀…」
我知道，但我已經用錯方法了，唯有見步行步。

跟契契相識約六年了，
我如何地魔頭他是非常清楚。
談起我身邊的男孩男士，
大家邊笑邊談之餘，
他都不忘提醒我：「瑪姬你真係好仆街…」
我告訴他，有很多很hurt的說話已經沒有說出口，
他說：「咁都總算你滅絕哂d人性…」

我老早都說我改邪歸正啦！
如果是早幾年的瑪姬，
對付他們的手法是完全不同的。