本來今天沒甚麼特別事可記，
但第一次試塔羅占卜後，
實在笑死得很，不得不提。

和蓉蓉、細欣、側大田及suki到有骨氣吃晚飯後，
便齊齊步行到廟街，因為蓉蓉想占卜。
等了一段時間，終於到我們。
原先沒大興趣的我，聽著聽著，
覺得很攪笑及有趣，便問細欣：
「你想唔想我問呀…」
她說：「好呀好呀~~~~」
小妹妹，她的眼神充滿好奇。

我當然問愛情啦！因為這個最大吸引。

本來抱著一個挑戰心態，
向這位廟街蘇永康開戰，
就是要看看他有多本事。
當我洗好牌後，抽出五隻，
然後我答了自己是天蠍座後，
他第一句便問：「老老實實…
你依家究竟有幾多人追…」
我啞了，因為我完全沒想過他會這樣問。
我問他：「點先為之追…」
他說：「嗯~~~好明顯0個隻啦…
即係表示對你有好感0個d…」
我問：「嗯…咁如果佢話想同我結婚咁算唔算？」
全體嘩然，他續說：「梗係當…
不過我地要將個問題level up喇…
我應該係問…最近有幾多人話要同你結婚？」
笑死我。

「根據副牌講…你呢半年內都無拖拍…會好悶…
唔係無人出現喎…你不停都會有人追你…
表示好感…不過佢地全部都唔係你想要既…
即係唔夠級數…我覺得你要求唔係話好高…
只不過咁岩所出現既人都唔符合條件…」他說。
「咁如果佢唔理既話佢仲會唔會悶…」蓉蓉問。
「哈~如果佢無要求既話…佢會好忙囉…」他答。
再笑死。

「其實我想知你有d乜野要求多d囉…
因為我真係唔擔心你無人追你…反而…
我會想知點解佢地個個都唔到要求…
但係我又唔覺你既要求要好高喎…」他問。
「我成日都話…要一個伴侶…
但係搵一個自己鍾意既人就好難…」我說。
「如果你咁講的話~~呢半年內真係無…
你需要一個了解你既人…學你話齋…
你搵個partner唔難，但係搵要soul partner真係唔易囉…
你搵緊一個可以長久既伴侶…」
「咁如果我唔理呢d要求呢…」
「嗯~~~~做咩要咁屈就0者…
你根本唔駛咁屈就去同0個d人一齊…」
「哈哈哈~~唔係咖~~~
我悶起上黎可能真係唔理咖…」
「咁得既…不過我唔想你唔開心0者…」


有點無話可說。