被錫的感覺很好。

家俊打電話回公司：
「瑪姬…今晚得唔得閒呀？」
「嗯~~~都得既…做咩呀~?!」我問。
「喂~今晚出去食飯…」他說。
「下??...好呀~~食乜呀？」
「無所謂丫~~打邊爐丫好無€?!」
「好呀~~」
「嗯~~~咁你幫我問埋仲有無人去丫~~」
他終於變回小朋友的家俊，
有心情吃喝玩樂了。

我、家俊、sharon、阿然、ice和jay，
共六人到稻香，高高興興打邊邊。
後到的家俊一坐下，對著我問：
「今次食唔食奶黃包呀~~?!?!」
「我想呀~~但係呢度無…」我失望地說。
「你試下叫丫~~我又嗌六籠叉燒包俾你食…
你食唔哂就死~~~」
「可唔可以三籠紅豆三籠奶黃…」
「你係咪痴線呀€~~你真係夠膽死…」他說。
第一次和他們打邊爐，
點了水晶奶黃包…滾滾著…
奶黃包在鍋裏溶掉…
被笑，到現在。

「你地好鍾意食芝士腸呀€~??」他又問。
「我……….鍾意食…」我說。
「睇得出丫…芝士腸都叫兩碟…」
「…你唔好理我啦~~~~我咪淨食芝士腸囉…」
「唔係掛…百幾蚊淨食芝士腸…」=.=
又被串。

大家吹水，說起老闆，
家俊向ice說：「你夠唔夠膽當住老細面…
叫老細做肥仔丫~~~~!!??!」
「你又夠膽咩？」ice囂張挑戰說。
「我唔夠膽!?!?!你唔知我癲咖~~
我有咩唔夠膽呀!?!?!」家俊不甘示弱。
「我敢喎….我都叫佢做老餅啦~~~」sharon又說。
「我唔會囉….=.=」我無奈地說。
「你千其唔好呀~~我唔知佢會唔會嬲你呀..」sharon向我說。
「唔好講咁多…我聽日就大大聲叫老細做肥仔…」家俊說。
「喇~~~~你話咖…你聽日就叫老細做肥蟲~~~」ice衝口而出。
此話一出，我、家俊和sharon都「哦~~~~~~~~~~」一聲。
「明明抖先都仲係肥仔…依家變肥蟲…
你死喇ice…你都唔知我地係癲咖…
我地0係老細面前篤你出黎~~~你死緊呀…」我說。
「係囉…肥仔我夠膽~~~肥蟲真係唔敢講…」sharon大笑說。
「其實我地唔駛嗌出聲~~~
只要我地0係老細面前講…「我聽到ice叫你肥蟲」…
咁你就大鑊咖…」我續說。
「哈哈哈…你咁次大件事…
呢張枱坐左五個人…有三個最夠薑…
你今次死梗~~~我幫你唔到…」家俊說。
他指我們三個。

大家說起公事…
是我最意想不到…







「我話你知…佢今年加梗你人工…」家俊對我說。
「嗯~~~我都覺得你會有回報…」sharon又說。
「佢就算個個唔加…佢都一定加你…
呢樣我話既…」他繼續說。
「……..唔….其實…
你地唔好咁講啦~~我唔想失望呀~~」我說。

「瑪姬同我係同一類人…做野手法好似…
總之自己做到既~~~幫人一定唔會托手踭…
佢做野好快手~~~一有問題就係第一時間解決…
點學似你呀…你唔單止唔解決問題…
仲要將個問題越發越大…」家俊對sharon說。
我嚇了一跳，家俊…從來都不稱讚人的。
「我份人好簡單…大家做野係夾之嘛~~~
你套野work我咪跟你囉…
你套野唔work我咪用我0個套囉…
依家瑪姬0個套越run越順…點解呀？
因為佢真係用腦去做野…唔係求其…
依家佢唔駛晚晚ot…係因為佢已經掌握到d野…
你估好似阿邊個邊個………」他又說。
其實我不太喜歡家俊將我和其他同事比較，
始終每個人的資質及專注力都不一樣，
但…仍然感謝他稱讚我。

「你都唔知老細有幾錫佢…」
家俊指著我，對sharon說，
「我知…我梗係知啦….kenny仲好信佢tim…」
她說。
「………..點解我唔知….」=.=我說。





他們都說，我付出的努力大家有目共睹，
家俊說我爬過某同事頭…
唔，只是大家的觀點與角度不同，
不可比較，只可以說「觀點不同影響工作手法」。




一直，我都知道每位同事都很遷就我，
我一向都臭脾氣，但他們都會忍讓包容。

旁人說我收入與工作量不相稱，
的確，我工作越來越多，亦煩人。
但要在一間公司內，得到各同事認同，
並得到大家的愛護愛錫，是否比收入重要？

也許有天，我會向老闆遞上請辭信，
但現時為止，我都會盡力為各同事做好工作。





談起農曆新年旅行，呵呵~~~~~~
希望成功！我想大家一起高興一下喲！^^






由七時到十二時，
我們在稻香逗留了五小時，滿足。