昨天，老闆、porita、阿佳、
Sylvia、家俊、阿然、sharon和我，
和東莞廠的同事吃中秋晚宴。

已近三四年沒踏足過這大地的我，
感到異常興奮，
可能是第一次與工廠同事吃飯的關係吧！

第一次踏足自家工廠，
感覺良好。廠長曾生其後到來，
看到我們像自己家中又開電腦又開雪櫃、
又大家排排坐的聊天，他十分大反應地說：
「嘩~~~你地做咩呀~~~~
抄家呀？又開電腦又盛…
唔識你地既人以為你地抄家呀」
我第一句問：「曾生…我係邊個？」
他說：「哦~~~~你呀…
日日都聽到你把聲咖啦…」
但是最惹笑的是，
Sharon和他說話時，他突然的說：
「話是話…你係邊個呀？」
哈哈哈…sharon為公司服務了兩年多三年，
曾生還未認到她，十分有趣。

晚飯大家吃得融洽高興，
五圍人，大家嘻嘻哈哈，
高聲談放聲笑不停飲酒。
事前已經向阿偉投案，
說：「我唔飲得咖…
我飲兩滴就會醉咖喇…」
所以逃過一劫。
我們香港群一枱，
眼看其餘四枱的同事，
不斷拿著白酒…
唏！不是葡萄白酒，
而是比燒酒米酒還強，
比芝華士還要勁兩倍的白酒。
我們都心知不妙，大家都扮痴扮傻，
老闆用手半掩面，細細聲攪笑的說：
「大家唔好望過去…盡量避免同佢地有眼神接觸…
佢地講乜野都當聽唔到…千祈唔好應佢地…唔係就好大鑊…
如果佢地過到黎話敬酒…我都保你地唔到…」
怎料，他們真的過來，敬酒…
眼看阿佳喝了兩口，面紅耳紅，認真厲害。
家俊說：「老細…呢鑊野唔掂喎…諗諗計好喎…」
說時遲那時快，他們過來向我們女士敬酒，
阿偉立即說：「喂~~~maggy0個杯我代飲…」
被同事咋型，阿偉續說：「唔係哩…
我唔想maggy飲…我代佢飲咪一樣」
呵呵呵，多謝阿偉的俠義相救，
但都喝了一杯，敬阿偉的。

飯後，我、sharon和老闆到怡東酒店，
是一所商務酒店。老闆叫我和sharon到櫃台check-in，
櫃台小姐說要拿證入件登件，當我和sharon正拿證件時，
老闆問：「攞左房未呀？」
我說：「未呀~~~佢話要證件登記喎…」
老闆爆粗的說：「挑佢老味…登乜鬼野記…」
他走到櫃台前，說：「我係李生…」
那邊廂，一位女經理衝過來說：
「係係係…李生呀嘛？
安排左一間套房一間雙人房俾你咖喇…」
我看到我老闆的威力，但…可以客氣點。

到老闆房間打麻雀，有自動洗牌枱。
阿偉一個不慎將打火機和一盒機倒了進去，
哈！洗牌枱不能動了。
大家弄了一段長時間，都是老鼠拉龜，
又不懂得怎樣拆枱，唯有call room service。
打開桌面，拆這拆那，大家研究了十多分鐘，
老闆說了一句：「唉~~~算啦算啦…
都整返好喇…唔駛轉房啦…
不過同我話俾你老闆知…
D麻雀枱好差…」
服務員離開後，我問老闆：
「係咪真係個打火機跌左落去呀？」
他答是，然後sharon說：「老細…
你咁厲害既~~~竟然搵到…」
老細奸奸的說：「嘩~
佢地一揭開個面…我就見到個火機…
咁岩又0係我面前喎…仲唔拿拿淋攞返起呀？」
哈~~~這就是香港人狡猾的一面，
亦都是我老闆的真我個性。
老闆是個好勝的人，
當大家都說窮窮窮，
要他手下留情，他說：
「我最鍾意攞貧苦大眾既錢…」
當我輸了一舖，他說：
「呢個資本主義既社會要攞你錢…
現實就係咁殘酷…」
但當我反勝他的時候，他說：
「依家資本主義既社會又要俾返錢你…」
哈…

下午，到湘妃閣吃湘菜，
嗯…好吃的，但可更辣。
和sharon到太平逛街買東西，
用昨晚嬴回來的二百多元，
買了兩對鞋兩件浴衣一條衭，
超值。

逛到六時多七時，
坐車到深圳。
然後到小肥羊吃火鍋，
好味！麻辣的湯更辣就好了。

有拍照的喲～可看…
http://www.xanga.com/keithissahauki/617660508/652956529026481336942001331179262022347620043228126529065340.html







高興盡興的兩天，
謝謝阿偉的熱情款待，非常周到。








看到他，有點似曾相識，
一時之間，我想不起來。
慢慢地，開始有點頭緒，
是個久違但重要的名字…




Keith。