今天是我剛剛在這公司兩個月，
從來未試過打一份工，
未到兩個月，就已經有半途而廢的想法。
自問算是有責任心，
亦算是個樂觀的人，
但…實在很想放棄。
不是因為太多工作，
更不是工作太累太夜…
而是我覺得自己太無用了。

可能只是兩個月，
甚麼都沒有上手，
甚麼都還未暢順，
所以如此混亂。
很想替他們解決問題，
但到最後都要老闆出手。
昨天，當我坐在他的房間內，
跟他開個小小會議，我對他說：
「老細…唔好意思…
攪到你咁亂…但係我真係安排唔到呀…
阿彬佢又唔接單…得阿喜一個真係無哂期…
得兩個裝工…我唔識得點安排喇…」
他說：「放心…我地請緊裝工咖喇…
我知你安排得好辛苦maggy…
遲d多個裝工…咁你可以安排得好d咖喇…」

就在我跟他開這個會議後，
兩個小時後…
老闆說：「maggy…
抖先我同呢個關生講…
叫佢聽日黎搵你傾裝工價錢…
不過呢個關生唔係好熟行情…
你同我問下佢d普通收費…
俾d單佢做…睇下佢做得好唔好…」
我說：「阿老細…
不如你自己傾返啦…」
他說：「唔駛啦…
你幫我同佢傾啦…
始終你同佢接解會最多…
唔會下下都要我傾咖嘛…」
我說：「唔係哩老細…
我驚唔掂喎…佢又唔熟我又唔熟…
大家水兵鬥水兵….」
他向我說：「無問題咖喇…
你同佢傾啦…」頭也不回地離開。

就這樣子，有點無奈。

今天除了這個「有點無奈」的任務外，
還有一連串的煩務要處理，
身為兩所公司的員工，
我又要安排這邊的工作，
也要安排那邊的工作，
顧此失彼…唉。


每晚工作到晚上十時，
連續幾星期，晚晚如是…







這晚，我在公司邊工作，
一邊開著msn…突然，見到你online。
目不轉睛地凝視你的名字，著迷了…
將滑鼠游游游，小箭咀停在你的名字整分鐘，
想了良久，還是專心工作。
工作了一會，又再次盯著你的名字，
小箭咀又滑到那兒，停著…
心裏不停地想：「打唔打招呼好呢？
好想傾兩句…但係…」
這個動作，在四十五分鐘內，
做了好幾次；想聊數句的想法，
掙扎了無數次，最後我竟然，
做了一個我沒想過的決定…




離線。




我不是不想見到他、
我不是不想跟他聊天、
我不是不想再理會他…
相反，
我很想他逗逗我、
我很想他陪陪我、
我很想他跟我聊天、
很想他…不論真情還是假意…
都很想很想他親親我。

我依然很掛念他，
依然很喜歡他，
但那一刻，
我竟然離線。
其實我多麼想他陪著我，
即使是他的名字也足夠。
可是我知道，
若我每隔五六分鐘都呆了數分鐘，
那我的工作永遠做不完。

我狠下心腸離線，
是意想不到的。

女人工作太辛苦時，
都是想自己愛的人哄哄自己。
我也不例外…
但想到，我沒有資格，
更想到，你是時候要喘息一下時…
我不忍心自私，寧願給你靜靜的一刻。
也許我的一字一句構不成任何騷擾，
也許你不會回應我…

嗯…我是否想得太多？

我不知道。

我可以為你所做的不多，
唯一可做的就是給你空間。




說實話，我有很多說話想對你說，
有些想法想跟你談談，太多太多東西要表達，


甚至我想見見你…
想你摸摸我的頭…
想你抱抱我…
想你親親我…

可是我真的太累，我怕當我接觸你時…
…我會發脾氣。