「喂~唔該曾生丫…」我說。
「佢出左去喎…」他說。
「下？嗯…咁呀…」正當我猶豫著下一句說話時…
「你係maggy？佢返黎我叫佢打俾你丫…」他說。
「咦？點解你會知我係maggy既…」我奇怪的問。
「緊係認得…你把聲咁甜…」他說。
「………下？」呆了，心想：唔係呀嘛？
奇怪的是，我跟他對話了不多於三次，
每次對話只是一兩分鐘，他都認得出我的聲音，
厲害厲害。給他這樣的讚讚，
有點滴汗…因為我不是人靚聲甜。

本想準時放工，
因為答應了媽媽回家吃飯，
怎料…

「今晚一齊出去食飯…」老闆說。

本已下定決心不作回應，
怎料…
「咦…係喎…老闆你生日喎…」同事說。
心想：大鑊！老闆生日唔去食飯…
好似好唔俾面喎…
但歸家心切，所有同事問我，
我都說：「我媽咪放假呀…
我應承左陪佢食飯…」

直到老闆出聲：
「瑪姬…你做咩唔去呀…？」
「嗯…我…媽咪放假…
我想返屋企陪媽咪食飯…」我戰戰兢兢的說。
「哦…有時放下媽咪飛機都無所謂既…」老闆說。
「…下…嗯…好似…唔係咁好喎…」我尷尬地說。
「兩母女係要有d拗撓先會增進感情…」他說。
當我聽到這句後，心裏有著一千個「下？」，
我說：「咁我打返屋企啦…」
大家一起說：「就係逼你咁做…」

噢！

大概九時，才浩浩蕩蕩離開公司，
到鴻星酒家吃晚飯。

老闆點菜，
點了魚翅鮑魚…
阿佳說：「老闆…我未食過石頭魚…」
又點，再點了一個芋頭酥皮鴨。
大家閒談時，突然…
「老闆…佢鍾意食雞呀…
叫隻雞俾maggy食丫…」家俊指著我說。
我來不切反應，老闆認真地說：
「叫隻雞俾你食好無呀？」
「唔駛唔駛…」我搖著頭說。

每樣菜的味道雖然佷濃，
但也是美味。
最後一件酥皮鴨，
老闆說：「maggy…食埋佢丫…
呢隻鴨好食呀…」
家俊又搶著說：
「瑪姬唔食鴨咖…
佢淨係鍾意食雞…
你嗌隻雞俾佢食啦…」

十個無奈 + 氣結。
黃公子真是…


以我所知，
鮑魚宴二百元一位，
我們共九人去吃飯，
再加一道石頭魚，
每兩二十元…
一斤半，大約三百八十元，
再散叫一道芋頭酥皮鴨，
石榴汁、啤酒、茶芥...
今頓晚飯，大概都二千三千了。



因為老闆生日，
而破了減肥戒…



又要節食多數天了。




心裏有點難過，
媽媽放假，特意為我弄白切雞，
是其中一道我喜愛的媽媽拿手小菜，
可是…唉！

在電話中聽到媽媽失落的語氣，
有點心痛呢！