哥哥，我說過今天的日記會為你而設，
因為你說的話實在太…GOOD了，
我不得不在此褒揚你，
要告訴他人…我的哥哥是如此聰明，
還有是了解我。

下午三時多，哥哥來電…

「哥！」
「無事丫嘛…妹…」
「咦？你岩岩訓醒呀？」
「唔係…應該係岩岩“責”醒…」
「哦…咁不如你繼續訓啦…」
「唔好，我一睇到你個SMS就打俾你…
無野呀嘛？發生乜野事呀？」
「你幾時得閒呀？我約你出黎傾啦…」
「0係電話講啦…」
「我唔鍾意0係電話講呀…
你好快會見到三年前既我喇…」
「三年前？你好惡好負面咖喎…」
「係呀…你再唔同我傾…
我真係驚會日益嚴重呀…」
「咁…其實做乜事呀…」

說了些來龍去脈。

「我今朝先同姐姐嘈過黎…」
「下？乜你姐姐唔係好錫你咖咩？」
「係呀…佢係好錫我呀…
只不過因為0個隻野有黎…
咁我做左Ｄ野俾姐姐睇穿左…
佢咪話我囉…」
「你做咩黎呀…」
「好難講喎…
總之臨走前…姐姐講左一句…
“你唔好再玩佢啦”…之後…
我勁嬲…咁咪掉頭走囉…」
「唔係呀嘛？你玩佢？
但係你姐姐會緊張佢細佬咖咩…
以我所知…0個時你地攪到咁…
佢都係撐你唔撐佢咖…
但係今次咁既點解…」
「哥…你好好記性喎…
係丫！佢係好錫我呀…
佢係緊張我多過佢細佬呀…
咁點？」
「咁佢應該唔會話你咖…」
「哦…佢話我…
唔係因為怕0個隻野唔開心…
佢係怕我咁玩法…我會唔開心0者…」




精境的對白來了！




「下？但係你唔玩…你會仲唔開心喎」
聽後，我哈哈哈哈哈哈哈…
大笑一輪。「點解你會咁講呢？」我問。

哥哥答：「我覺得你唔玩佢…
你會過唔到自己0個關…」
嘩哈哈哈…
實在太中POINT喇！
「哥…實在太好喇…
你完全講中我既諗法…
你真係好熟悉我…
我可唔可以將你0個兩句野…
打落我日記呀？」
「下？哦！你鍾意啦…」
「非常好呀…
我實在太鍾意你講既野喇…
但係你唔覺得唔好咩…」


他答：「我都會咖…有時忟得滯…咪玩盡佢囉！」



「唔該哂你呀…哥…
好彩得你陪我傾傾咋…」
「你無事啦嘛？」
「嗯…應該OK既…
放心啦哥…你唔得閒…
我都仲有好多人0係後面撐…
所以…」
「咁你無事我就繼續訓喇…」
「好啦好啦…唔該，哥！」

有你這位哥哥實在幾生修道，
更明白為甚麼上天賜一位哥哥給我。

那…契契應該可以暫時不出動。




即是說，
好端端的…我不會「發癲」；
若我「發癲」，那就不好運了！
看心情吧！
既然那個人那麼喜歡看心情，
那我又看心情吧！