心如鹿撞的感覺，
已經很久很久沒試過…

約了他到上下午吃晚飯，
一位他見過我，
但我沒見過他的男孩…



我記得，九月二十三日的晚上，
對電話中的他說：
「你太唔尊重我喇…我叫你唔好出黎…
你就偏偏出黎…」
他說：「我怕你飲醉會有事…」
我說：「但係我叫左你唔好出黎…
我講左如果你出黎的話我唔會再啋你…
你真係唔怕我嬲咖咩???」
他說：「怕！但係…我覺得擔心你緊要d」
我說：「但係我依家真係好嬲…」
他說：「…咁…你要嬲幾耐？」
我說：「兩個月！起碼…」
他說：「咁好…0係呢兩個月內我都唔會再煩你…
但係…十一月二十三號…我會再搵返你…」


我還以為，
自此他會忘記我。
因為他一片苦心，
換來的不是我的感動，
而是我對他無理的責罵。




十月中，收到他的電話，
他說：「奇奇，我想約你食飯…」
我問：「點解呀？」
他說：「因為0個晚我見到你…
你未見過我…唔知我乜野樣…
你話過唔公平…所以我想你見下我…」
我答應。




這一晚，到了。
我終於，見到他了。

六呎三四寸高，
大大骨架。
銀灰色西裝內有幼條恤衫，
拼上淺藍色的領呔，
我笑說：「我都係淺藍色衫喎…」

喜歡聽他說他的工作。

一邊看著他一邊聽他說話，
看到他眼裏有善良的光芒。
幫到別人會帶給他成功感，
相信就是他從事保險的最大動力。

聽他講電話，
他對媽媽的語氣溫柔。
他珍惜家人，因為小時的經歷。

他喜歡音樂，
有現場歌手獻唱，
他站在台前投入欣賞。
突然他說走，
我問他為甚麼走，
他說：「我怕悶親你…」

也許，他對每個人都這樣體貼，
但沒關係，我都依然感動。

回家後，心裏有點想著他。











沒想到，他有你的影子。

也許他不及你俊俏，
也許他不及你這般吸引…
但外型上，和你，很相似。

在他的身旁，像被包圍般。

他比你溫文儒雅，
他比你更專注事業，
他絕對比你更愛家人。


碰到他，
是好事還是壞事？