我今天，掌了卓峯咀一下。
我知的我知的…
我十分清楚，我沒有這權力。
我只是一名補習老師，
根本不可對他動手。

但…他…太…可…惡…了…！


心情就是因他而壞，
他…
我已經無話可說了。




「bebe…………….」
短訊中只有這四個英文字母，
沒甚麼，其實只想找個人應應我，
一個字也好，符號也好，總之需要人。

沒想過你會致電給我，
我還以為你只會回短訊。

「你個sms就好似sos咁…我已經遲左喇…
我應該係即時覆你…….」
你不停問我發生了甚麼事，
我都說「無事無事…」，
你當然不相信，那我便坦白：
「真係無事呀~~我想搵人嗲下之嘛…」
很輕的聲線，因為我怕給別人聽見。

你說話時很匆忙，像…催促我收線似的。

我不滿的說了一句：「依家你好趕咩？」
「唔係呀…我仲要做野嘛…咁又多野想講…
咪講快0的囉…唔係唔夠時間0家…」你急急地道。

那我們便你一言我一語的，
你有你說，我有我講…
老實說，
我不太清楚自己在說甚麼，
也，聽不到你在說甚麼，
我們是一對很合拍的傻旦。


「係…有樣好緊要0既野要問你…
究竟你好返未呀？你有冇睇醫生呀？」
「咩呀~~~0個日0係sms咪講左俾你知囉…
係你唔應我之嘛….我仲因為你唔覆我而唔開心…」
「咁我見你“嘩哈哈…”…咁咪以為你無事囉…」
「咁我都講左俾你知…我星期四先發完燒…」
「你發燒咩？你話你“燒完…”…你唔係話你燒完野食咩？」
「………………………………..你有冇攪錯呀？？
“燒完…”係指我發完燒呀！燒野食？…你真係好蠢…」
「我蠢？唔係掛？…咁你發燒仲“嘩哈哈…”…」
「咁唔燒都燒左啦…唔笑唔通喊呀？」
「我以為你燒完野食好開心…所以“嘩哈哈…”咋」
「你真係好蠢呀…我開心唔開心都係“嘩哈哈…”…
咁0家啦…唔係點呀？」
「你唔應該“嘩哈哈…”，你應該“嗚嗚嗚…”咁喊…」
「…………………………………..痴線……」


你蠢我傻，像這樣的一對好友，很難求。