上星期的日子平淡得黎都有驚喜

星期二一返去人事部經理就話借本書我睇,個名叫做"令人戰慄的格林童話".我用左一天半的office hour睇完.真係覺得幾恐怖.因為原來白雪公主,睡公主,灰姑娘的原著係咁既.而且係有咁多寓意的. 我好開心可以睇到呢本書.好耐都無試過睇書睇得咁入神啦.

下午的時候過外倉有艷遇,哈哈.話說公司有個型仔保安.佢見我話要一個人過外倉.佢就二話不說要送我過外倉.我諗住條路好似隨時有人會打劫咁,咁咪話好囉.點知佢唔係陪我行係用單車送我過去......我坐係後面好似電視入面的女主角咁.....哈哈~其實好驚架~好似隨時會跌咁....

因為人事部經理下星期四就走 我地都爭取時間同佢聚下,所以兩日都同佢食晚飯.開心的是兩次都唔使同討厭的人食飯. 第一晚因為佢挨唔住肚餓自己食左先~第二晚是老細請佢部門食飯....好彩好彩~唔使同佢食!!

星期四以為可以見到輝仔,但到最後佢都走唔開無得跟車睇塘下vs大岭山的足球比賽(如果去得成我地幾個會自己出去食飯).當我正打算唔去睇波去跟保安員食飯(包括靚仔保安)的時候我都同事好似好想去睇又想我陪佢.咁我就決定左陪佢去即使我知道會好悶.....果然又悶又多蚊.仲要搞到十二點半先返到宿舍.不過都好既~咁快又一日.可以早d返屋企~而且仲有餐免費的飯食....正!!!

星期五累到死....因為唔夠訓.天又黑沈沈好似想落雨,所以我留左係office.不過咁樣反而發生左d唔開心的事......